Vietjet Air គ្រោងបង្កើនការតភ្ជាប់រវាងវៀតណាម និងឆែក

គណៈកម្មាធិការអាកាសចរណ៍ស៊ីវិលកាហ្សាក់ស្ថាន បានអនុម័តជាផ្លូវការលើផែនការបើកផ្លូវនេះ។ តាមផែនការ ជើងហោះហើរនេះត្រូវបានគេរំពឹងថានឹងដំណើរការនៅថ្ងៃទី១១ ខែកក្កដា ឆ្នាំ២០២៦ ជាមួយនឹងជើងហោះហើរពីរក្នុងមួយសប្តាហ៍ ជាមួយនឹងយន្តហោះប្រភេទ Airbus A330។ នេះនឹងក្លាយជាផ្លូវហោះហើរប្រចាំការដ៏កម្រមួយក្នុងរយៈពេលជាច្រើនឆ្នាំកន្លងមក ដែលភ្ជាប់តំបន់ភាគខាងជើងរបស់វៀតណាមជាមួយរដ្ឋធានីប្រាក បំពេញតម្រូវការធ្វើដំណើរដែលកំពុងកើនឡើងរវាងប្រទេសទាំងពីរ។

យន្តហោះរបស់ក្រុមហ៊ុន Vietjet (រូបថត៖ baotintuc.vn)

ជាពិសេស Vietjet ត្រូវបានផ្តល់សិទ្ធិ Fifth Freedom Right តាមគោលនយោបាយ "Open Skies" របស់ប្រទេសកាហ្សាក់ស្ថាន។ យន្តការនេះអនុញ្ញាតឲ្យក្រុមហ៊ុនអាកាសចរណ៍មិនត្រឹមតែដឹកជញ្ជូនអ្នកដំណើររវាងវៀតណាម និងឆែកប៉ុណ្ណោះទេ ប៉ុន្តែថែមទាំងដំណើរការជើងហោះហើរពាណិជ្ជកម្ម Almaty - ប្រាក។

ការបើកជើងហោះហើរថ្មីនេះត្រូវបានគេរំពឹងថានឹងបង្កើតលក្ខណៈងាយស្រួលសម្រាប់សហគមន៍វៀតណាមនៅឆែក ព្រមទាំង ជម្រុញទេសចរណ៍ ពាណិជ្ជកម្ម និងការផ្លាស់ប្តូររវាងវៀតណាម និងកាហ្សាក់ស្ថាន ក៏ដូចជាតំបន់អឺរ៉ុបកណ្តាលផងដែរ។ ជើងហោះហើរលើកដំបូង ដែលត្រូវបានគេរំពឹងថានឹងដំណើរការនៅរដូវក្តៅឆ្នាំ ២០២៦៕

បកប្រែដោយ Thanh Cong