វៀតណាមជម្រុញកិច្ចសហប្រតិបត្តិការជាមួយ UNDP និង WHO ក្នុងការកែលម្អគុណភាពខ្យល់

លោក Tran Hong Ha បានឲ្យដឹងថា វៀតណាមបានវាយតម្លៃការបំពុលខ្យល់នៅទូទាំងប្រទេស ជាពិសេសនៅក្នុងទីក្រុងធំៗ។ បច្ចុប្បន្ន វៀតណាមកំពុងស្វែងរកគោលនយោបាយសម្រាប់គ្រប់វិស័យ និងគ្រប់តំបន់ដែលគប្បីពិចារណាលើជីវភាពរស់នៅ តម្រូវការធ្វើដំណើររបស់ប្រជាជន និងតម្រូវឲ្យមានការផ្លាស់ប្តូរអំពីបច្ចេកវិទ្យា និងវិធីសាស្រ្តគ្រប់គ្រង។ល។ លោកឧបនាយករដ្ឋមន្ត្រី បានឲ្យដឹងថា វៀតណាមអាចជ្រើសរើសទីក្រុងហាណូយជាតំបន់សាកល្បង ដើម្បីបង្កើតគំរូសម្រាប់កាត់បន្ថយការបំពុលខ្យល់ជាមួយនឹងការគាំទ្រ និងការចូលរួមនៃអង្គការអន្តរជាតិ តាមរយៈនោះ ដកបទពិសោធន៍ និងពង្រីកគំរូនេះនៅក្នុងតំបន់ផ្សេងទៀតនៅទូទាំងប្រទេស។

លោក Tran Hong Ha លោកស្រី Ramla Khalidi លោកស្រី Angela Pratt និងប្រតិភូ ថតរូបជាមួយគ្នា (រូបថត៖ vnanet.vn)

លោកស្រី Ramla Khalidi និងលោកស្រី Angela Pratt បានចាត់ទុកថា ការបំពុលខ្យល់គឺជាវិស័យមួយក្នុងចំណោមវិស័យដែល UNDP និង WHO កំពុងសហការជាមួយក្រសួង និងស្ថាប័ននានារបស់វៀតណាម ជាពិសេសគឺ ក្រសួងសុខាភិបាល និងក្រសួងកសិកម្ម និងបរិស្ថាន។ លោកស្រី Ramla Khalidi បានបញ្ជាក់ថា ទោះបីជាធនធានមានកម្រិតដោយសារតែបរិបទដែលពិភពលោកកំពុងប្រឈមនឹងភាពមិនប្រាកដប្រជាក៏ដោយ UNDP នៅតែខិតខំប្រើប្រាស់ធនធានប្រកបដោយប្រសិទ្ធភាព ដើម្បីរួមចំណែកជាក់ស្តែងក្នុងការកែលម្អគុណភាពខ្យល់នៅក្នុងប្រទេសវៀតណាម៕

បកប្រែដោយ Thuy Anh