ការរំពឹងទុករបស់អាណិកជនវៀតណាមនៅកម្ពុជា មុនការបោះឆ្នោតរដ្ឋសភា នីតិកាលទី១៦

ក្នុងរយៈពេលត្រឹមតែប៉ុន្មានថ្ងៃទៀតប៉ុណ្ណោះ អ្នកបោះឆ្នោតទូទាំងប្រទេស និងអាណិកជនវៀតណាម នឹងចូលរួមក្នុងព្រឹត្តិការណ៍ដ៏សំខាន់មួយ គឺការបោះឆ្នោតជ្រើសតាំងសមាជិករដ្ឋសភា នីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ២០២៦-២០៣១។ នៅកម្ពុជា បរិយាកាសនៃការរៀបចំ និងការយកចិត្តទុកដាក់របស់អាណិកជនវៀតណាមកាន់តែមានភាពបន្ទាន់ និងកក់ក្តៅជាងពេលណាៗទាំងអស់។

អ្នកយកព័ត៌មានប្រចាំការនៅកម្ពុជា បានជួបសម្ភាសន៍​ជាមួយ លោក ស៊ីម ជី ប្រធានសមាគមខ្មែរ-វៀតណាមនៅកម្ពុជា ដើម្បីស្តាប់មតិយោបល់របស់អាណិកជន។

អ្នកយកព័ត៌មាន៖ លោក ស៊ីម ជី ជាទីគោរព ថ្ងៃទី១៥ ខែមីនា គឺជាព្រឹត្តិការណ៍នយោបាយដ៏សំខាន់មួយសម្រាប់ប្រទេសវៀតណាម​​។ អ្នកបោះឆ្នោតទូទាំងប្រទេស និងអាណិកជនវៀតណាម នឹងចូលរួមក្នុងព្រឹត្តិការណ៍ដ៏សំខាន់មួយ គឺការបោះឆ្នោតជ្រើសតាំងសមាជិករដ្ឋសភា នីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ២០២៦-២០៣១។ តើលោក​​អាចចែករំលែកបរិយាកាស និងស្មារតីរបស់អាណិកជនវៀតណាមនៅកម្ពុជាក្នុង​ព្រឹត្តិការណ៍ដ៏សំខាន់នេះបានទេ?

លោក ស៊ីម ឈី៖ អាចនិយាយបានថា សហគមន៍វៀតណាមនៅកម្ពុជាមានសេចក្តីរីករាយ និងរំភើបយ៉ាងខ្លាំង។ ទោះបីជានៅឆ្ងាយពីប្រទេស​កំណើត​​ក៏ដោយ ក៏​ពួកគេតែងតែតាមដានព័ត៌មានតាមរយៈវិទ្យុ កាសែត និងអ៊ីនធឺណិត។ មនុស្សគ្រប់គ្នាបង្ហាញពីមោទនភាពដែលបានឃើញប្រទេសកំពុងអភិវឌ្ឍយ៉ាងខ្លាំងក្លា​។ សម្រាប់សហគមន៍វៀតណាមនៅកម្ពុជា នៅតែរក្សាទឹកចិត្តស្រឡាញ់ នឹករលឹក និងបេះដូងនៅជាប់នឹងជាតិមាតុភូមិជានិច្ច។ យើងតែងតែតាមដានគ្រប់ជំហាននៃរីកចម្រើន​​របស់ប្រទេសជាតិ​។ ជាពិសេស ជនរួមជាតិយើង​មានការរំភើប និងរីករាយយ៉ាងខ្លាំងចំពោះសមិទ្ធផលសេដ្ឋកិច្ច ជីវភាពរស់នៅរបស់​ប្រជាជននៅក្នុងប្រទេសត្រូវ​បាន​លើកកំពស់​ និងជាពិសេសតួនាទីការទូត​របស់​វៀតណាមកាន់តែ​បាន​លើកកំពស់​​នៅលើឆាកអន្តរជាតិ។ នេះពិតជាមោទនភាពរួមរបស់ប្រជាជនវៀតណាម។

លោក ស៊ីម ជី ប្រធានសមាគមខ្មែរ-វៀតណាមនៅកម្ពុជា

អ្នកយកព័ត៌មាន៖ នៅចំពោះមុខអាណត្តិរដ្ឋសភាថ្មី តើអាណិកជនវៀតណាមនៅកម្ពុជាមានបំណងប្រាថ្នាក់យ៉ាងដូចម្តេច? តើលោកអាចចែករំលែក​អំពីបំណងប្រាថ្នារបស់អាណិកជនចំពោះសមាជិករដ្ឋសភា នីតិកាលទី១៦ ជាពិសេសទាក់ទងនឹងគោលនយោបាយសម្រាប់អាណិកជន​បានទេ?

លោក ស៊ីម ជី៖ បំណងប្រាថ្នាដ៏ធំបំផុតរបស់អាណិកជនវៀតណាមនៅកម្ពុជា គឺថារដ្ឋសភាថ្មីនឹងបន្តមានគោលនយោបាយជាក់លាក់ និងស៊ីជម្រៅជាងមុនសម្រាប់អាណិកជនដែលរស់នៅ និងធ្វើការដោយស្របច្បាប់នៅក្រៅប្រទេស រួមទាំងអាណិកជនវៀតណាមនៅកម្ពុជាផងដែរ។ យើងសង្ឃឹមថាគោលនយោបាយទាំងនេះនឹងជួយអាណិកជនឱ្យកាន់តែជិតស្និទ្ធជាមួយប្រជាជននៅក្នុងប្រទេស។ ក្នុងពេលជាមួយគ្នានេះ វាជួយសម្រួលដល់ការធ្វើដំណើរ ការសិក្សា ធ្វើការ ការទៅសួរសុខទុក្ខសាច់ញាតិ និងការដោះស្រាយបញ្ហាគ្រួសារនៅ​ប្រទេស​កំណើត។

សហគមន៍វៀតណាមនៅកម្ពុជាស្វាគមន៍លោក To Lam អគ្គលេខាបក្ស អញ្ជើញ​មក​បំពេញទស្សនកិច្ចនៅកម្ពុជា

អ្នកយកព័ត៌មាន៖ ជាចុងក្រោយ តាងនាមសហគមន៍វៀតណាមនៅកម្ពុជា តើអ្នកចង់ផ្ញើសារអ្វីទៅកាន់អ្នកបោះឆ្នោតនៅក្នុងប្រទេស ខណៈពេលដែលពួកគេកំពុងត្រៀមទៅបោះឆ្នោតជ្រើសតាំងសមាជិករដ្ឋ នីតិកាលទី១៦?

លោក ស៊ីម ជី៖ អាណិកជនជុំវិញពិភពលោកនិយាយរួម និងនៅកម្ពុជានិយាយដោយឡែក តែងតែចាត់ទុកខ្លួនឯងថាជាផ្នែកមួយដែលមិនអាចកាត់ផ្តាច់បានពីប្រជាជាតិវៀតណាមឡើយ​។ ទោះបីជាយើងរស់នៅទីនេះអស់ជាច្រើនជំនាន់ក៏ដោយ យើងតែងតែមានបំណង​ចង់​បាន​រួមជាមួយប្រជាជននៅប្រទេសវៀតណាមកសាងប្រទេសឱ្យកាន់តែរឹងមាំ និងរីកចម្រើន។

ក្នុងនាមជាតំណាងសហគមន៍វៀតណាមនៅកម្ពុជា ខ្ញុំសង្ឃឹមយ៉ាងមុតមាំថា អ្នកបោះឆ្នោតនៅប្រទេសវៀតណាមនឹងជ្រើស​រើស​សមាជិកដែលហ៊ាន​លះបង់ និងមានសមត្ថភាពពិតប្រាកដ ជា​អ្នកដែលអាចជួយប្រជាជនអភិវឌ្ឍសេដ្ឋកិច្ច និងធ្វើឱ្យជីវិតរបស់ប្រជាជន​មានស្ថិរភាព។ នោះគឺជាបំណងប្រាថ្នារបស់អាណិកជនវៀតណាមនៅកម្ពុជាជូនទៅប្រទេស​កំណើត​ក្នុងការបោះឆ្នោតនេះ។

បកប្រែដោយ Duy Hoan