លោក Tran Thanh Man ប្រធានរដ្ឋសភា បានមានប្រសាសន៍ថា ដំណើរទស្សនកិច្ចផ្លូវការនៅអ៊ីតាលី ប្រព្រឹត្តទៅក្នុងបរិបទដែលទំនាក់ទំនងរវាងប្រទេសទាំងពីរកំពុងអភិវឌ្ឍជាវិជ្ជមានបន្ទាប់ពីការបង្កើតទំនាក់ទំនងការទូតជាង ៥០ ឆ្នាំ និងការអនុវត្តក្របខ័ណ្ឌនៃទំនាក់ទំនងភាពជាដៃគូយុទ្ធសាស្ត្រជាង ១០ ឆ្នាំ។ ប្រទេសទាំងពីរសហប្រតិបត្តិការគ្នាប្រកបដោយប្រសិទ្ធភាព និងទូលំទូលាយលើវិស័យជាច្រើន ដូចជានយោបាយ ការទូត ពាណិជ្ជកម្ម វិនិយោគ វប្បធម៌ ការអប់រំ និងបណ្តុះបណ្តាល ការពារជាតិ សន្តិសុខ និងការពង្រីកកិច្ចសហប្រតិបត្តិការក្នុងវិស័យថ្មីៗ ដូចជាវិទ្យាសាស្ត្រ បច្ចេកវិទ្យា នវានុវត្តន៍ បរិស្ថាន និងការឆ្លើយតបទៅនឹងការប្រែប្រួលអាកាសធាតុ។

leftcenterrightdel
លោក Tran Thanh Man ប្រធានរដ្ឋសភាវៀតណាម ទទួលជួបលោកស្រី Sandra Scagliotti អគ្គកុងស៊ុលកិត្តិយសវៀតណាមប្រចាំទីក្រុង Torino

ដោយចែករំលែកអំពីដំណើរទស្សនកិច្ចលើកនេះ លោក Tran Thanh Man ប្រធានរដ្ឋសភា បានមានប្រសាសន៍ថា នៅថ្ងៃទី១១ ខែមេសា លោកបានជួបជាមួយសម្តេចប៉ាប Leo XIV និងនាយករដ្ឋមន្ត្រីនៃបុរីវ៉ាទីកង់។ ក្នុងរយៈពេលប៉ុន្មានថ្ងៃខាងមុខនេះ លោកនឹងជួបសវនាការជាមួយលោកប្រធានាធិបតី ជួបពិភាក្សាជាមួយលោកប្រធានសភាជាន់ទាប និងមានជំនួបជាមួយថ្នាក់ដឹកនាំព្រឹទ្ធសភាអ៊ីតាលី ក៏ដូចជាអភិបាលក្រុង Milan។ល។ ដោយសង្កត់ធ្ងន់ថា នៅក្នុងជំនួបទាំងឡាយ ភាគីទាំងពីរបានផ្លាស់ប្តូរអំពីវិធានការដើម្បីជំរុញកិច្ចសហប្រតិបត្តិការដ៏ទូលំទូលាយ និងជំរុញទំនាក់ទំនងភាពជាដៃគូយុទ្ធសាស្ត្រវៀតណាម-អ៊ីតាលី ឲ្យកាន់តែស៊ីជម្រៅថែមទៀត ឆ្ពោះទៅរកការតម្លើងទំនាក់ទំនងនាពេលខាងមុខ លោក Tran Thanh Man ប្រធានរដ្ឋសភាមានបំណងថា ភាគីអ៊ីតាលីបន្តបង្កើតលក្ខខណ្ឌអំណោយផលសម្រាប់ស្ថាប័ន អង្គការ និងសមាគមនៃប្រទេសទាំងពីរ ពង្រីកតួនាទីជាស្ពានតភ្ជាប់ និងជំរុញកិច្ចសហប្រតិបត្តិការប្រកបដោយជាក់ស្តែង និងមានប្រសិទ្ធភាព។

leftcenterrightdel
ទិដ្ឋភាពនៃជំនួប

លោកស្រី Sandra Scagliotti អគ្គកុងស៊ុលកិត្តិយសវៀតណាមប្រចាំទីក្រុង Torino បានអបអរសាទរជូនចំពោះលោកប្រធានរដ្ឋសភា ដែលត្រូវបានរដ្ឋសភាបោះឆ្នោតជ្រើសតាំងសារជាថ្មីឱ្យកាន់តំណែងជាប្រធានរដ្ឋសភាវៀតណាម។ លោកស្រី Sandra Scagliotti សម្តែងនូវទំនុកចិត្តថា ក្រោមការដឹកនាំរបស់លោក To Lam អគ្គលេខាបក្ស និងជាប្រធានរដ្ឋ និងថ្នាក់ដឹកនាំជាន់ខ្ពស់ដែលទើបតែត្រូវបានតែងតាំងថ្មី វៀតណាមនឹងអនុវត្តការសម្រេចចិត្តជាយុទ្ធសាស្ត្រប្រកបដោយជោគជ័យ នាំប្រទេសឈានចូលក្នុងយុគសម័យនៃការអភិវឌ្ឍថ្មីដោយផ្អែកលើខឿនសេដ្ឋកិច្ចម្ចាស់ការ ខ្លួនទីពឹងខ្លួន និងឆ្ពោះទៅជីវភាពរស់នៅសុភមង្គលរបស់ប្រជាជន។ លោកស្រី Sandra Scagliotti បានចែករំលែកអំពីមនោសញ្ចាតនាវិជ្ជមានរបស់លោកស្រីចំពោះប្រទេសវៀតណាម។ លោកស្រីអបអរសាទរចំពោះប្រទេសវៀតណាមសព្វថ្ងៃនេះ បានក្លាយជាប្រទេសមួយដែលមាននវានុវត្តន៍ វិបុលភាព និងសន្តិភាព និងកំពុងជំរុញពិភពលោកដ៏ល្អប្រសើរសម្រាប់ប្រជាជនទាំងអស់។ ចំពោះលោកស្រី ការផ្សព្វផ្សាយអំពីទឹកដី និងមនុស្សវៀតណាម បានក្លាយជាកាតព្វកិច្ចដ៏ពិសិដ្ឋមួយ៕

បកប្រែដោយ Huyen Trang