ពង្រឹងការតភ្ជាប់យុទ្ធសាស្ត្រវៀតណាម-ចិនក្នុងយុគសម័យថ្មី

នេះជាដំណើរទស្សនកិច្ចក្រៅប្រទេសលើកដំបូងរបស់លោក To Lam អគ្គលេខាបក្ស និងជាប្រធានរដ្ឋ បន្ទាប់ពីវៀតណាមបានបញ្ចប់ការបោះឆ្នោតជ្រើសតាំងថ្នាក់ដឹកនាំរដ្ឋនៅក្នុងសម័យប្រជុំលើកទី១ នៃរដ្ឋសភានីតិកាលទី១៦ ហើយក៏ជាដំណើរទស្សនកិច្ចលើកដំបូងទៅកាន់ប្រទេសចិនរបស់លោកអគ្គលេខាបក្ស និងជាប្រធានរដ្ឋ បន្ទាប់ពីមហាសន្និបាត លើកទី១៤ របស់បក្សកុម្មុយនិស្តវៀតណាម។ នៅខាងមិត្ត ប្រទេសចិនក៏ទើបតែបញ្ចប់សម័យប្រជុំសំខាន់ៗ ដើម្បីកំណត់គោលនយោបាយសំខាន់ៗសម្រាប់ឆ្នាំនេះ។

ដូច្នេះ យោងតាម លោក Pham Thanh Binh ឯកអគ្គរដ្ឋទូតវៀតណាមប្រចាំប្រទេសចិន ដំណើរទស្សនកិច្ចនេះមានសារៈសំខាន់ជាប្រវត្តិសាស្ត្រ ដែលជាសកម្មភាពការទូតទ្វេភាគីដ៏សំខាន់បំផុតរវាងបក្សទាំងពីរ និងប្រទេសទាំងពីរក្នុងឆ្នាំ ២០២៦។ ទន្ទឹមនឹងនេះ លោកសាស្ត្រាចារ្យបណ្ឌិត Cheng Hanping - នាយកប្រតិបត្តិនៃវិទ្យាស្ថានសិក្សាតំបន់ និងជាតិ នាយកមជ្ឈមណ្ឌលសិក្សាវៀតណាមនៅសាកលវិទ្យាល័យបច្ចេកវិទ្យា Zhejiang បានអត្ថាធិប្បាយថា ដំណើរទស្សនកិច្ចនេះមិនត្រឹមតែបង្ហាញពីមិត្តភាពពិសេសរវាងប្រទេសទាំងពីរប៉ុណ្ណោះទេ ថែមទាំងឆ្លុះបញ្ចាំងពីការប្តេជ្ញាចិត្តរួមគ្នាចំពោះការអភិវឌ្ឍ និងកិច្ចសហប្រតិបត្តិការក្នុងបរិបទអន្តរជាតិដ៏ស្មុគស្មាញបច្ចុប្បន្នផងដែរ។

កាលពីខែមេសា ឆ្នាំ ២០២៥ នៅទីក្រុងហាណូយ លោក To Lam អគ្គលេខាបក្ស​ បានជួបប្រជុំចង្អៀត ជាមួយ លោក ស៊ី ជីនពីង អគ្គលេខាបក្ស និងជាប្រធានរដ្ឋចិន  (រូបថត៖ VNA)

ជារួម ទំនាក់ទំនងវៀតណាម-ចិនបានរក្សាសន្ទុះអភិវឌ្ឍន៍វិជ្ជមាន និងសម្រេចបានលទ្ធផលសំខាន់ៗជាច្រើន។ នៅឆ្នាំ ២០២៥ ក្នុងឱកាសរំលឹកខួបលើកទី ៧៥ នៃការបង្កើតទំនាក់ទំនងការទូតរវាងវៀតណាម និងចិន (ថ្ងៃទី ១៨ ខែមករា ឆ្នាំ ១៩៥០ - ថ្ងៃទី ១៨ ខែមករា ឆ្នាំ ២០២៥) ការផ្លាស់ប្តូរយុទ្ធសាស្ត្រកម្រិតខ្ពស់ត្រូវបានពង្រឹង ហើយដំណើរទស្សនកិច្ចរវាងថ្នាក់ដឹកនាំសំខាន់ៗនឹងកើតឡើងជាញឹកញាប់ដែលមិនធ្លាប់មានពីមុនមក។ ជាពិសេស លោក ស៊ី ជីនពីង អគ្គលេខាបក្ស និងជាប្រធានរដ្ឋចិន បានអញ្ជើញមកបំពេញទស្សនកិច្ចផ្លូវរដ្ឋនៅប្រទេសវៀតណាម (ថ្ងៃទី១៤-១៥ ខែមេសា ឆ្នាំ២០២៥) ហើយជាលើកដំបូង ភាគីទាំងពីរនឹងអនុវត្តកម្រិតកំពូលនៃការជួបជុំប្រាស្រ័យកម្រិតខ្ពស់ ជាមួយមេដឹកនាំសំខាន់ៗចំនួនបីរូប ដែលអញ្ជើញមកបំពេញទស្សនកិច្ច និងចូលរួមក្នុងសកម្មភាពនានានៅក្នុងប្រទេសនីមួយៗក្នុងពេលតែមួយ។

កិច្ចសហប្រតិបត្តិការសេដ្ឋកិច្ច ពាណិជ្ជកម្ម វិនិយោគ និងទេសចរណ៍ជាទូទៅនឹងផ្តល់លទ្ធផលវិជ្ជមាន។ នៅឆ្នាំ២០២៥ ប្រទេសចិននឹងក្លាយជាដៃគូពាណិជ្ជកម្មធំជាងគេរបស់វៀតណាម។ វៀតណាមគឺជាដៃគូពាណិជ្ជកម្មធំជាងគេរបស់ចិននៅក្នុងតំបន់អាស៊ាន និងជាដៃគូពាណិជ្ជកម្មធំជាងគេទីបួនរបស់ខ្លួននៅទូទាំងពិភពលោក (បន្ទាប់ពីសហរដ្ឋអាមេរិក កូរ៉េខាងត្បូង និងជប៉ុន) ដោយពាណិជ្ជកម្មវៀតណាម-ចិនឈានដល់ ២៥៦,៤ ពាន់លានដុល្លារអាមេរិក កើនឡើង ២៤,៨%។ ទាក់ទងនឹងការវិនិយោគ នៅឆ្នាំ២០២៥ ប្រទេសចិននឹងជាប់ចំណាត់ថ្នាក់លេខពីរនៅក្នុងដើមទុនចុះបញ្ជីសរុប ដែលមាន ៥,៩៦ ពាន់លានដុល្លារអាមេរិក (បន្ទាប់ពីសិង្ហបុរី) កើនឡើង ៣៣,៤%។ ទាក់ទងនឹងវិស័យទេសចរណ៍ វៀតណាមបានស្វាគមន៍ភ្ញៀវទេសចរចិនចំនួន ៥,២៨ លាននាក់នៅឆ្នាំ២០២៥ កើនឡើង ៤១,៣% ស្មើនឹង ២៥% ជា ភ្ញៀវទេសចរអន្តរជាតិច្រើនជាងគេមកកាន់ប្រទេសវៀតណាម។

លោកសាស្ត្រាចារ្យ Mi Liang នាយកមជ្ឈមណ្ឌលសិក្សាអាស៊ីអាគ្នេយ៍ នៅសាកលវិទ្យាល័យភាសារបរទេសប៉េកាំង បានថ្លែងថា លទ្ធផលទាំងនេះ គឺជាមូលដ្ឋានគ្រឹះដ៏សំខាន់មួយសម្រាប់ពង្រឹងទំនុកចិត្តផ្នែកនយោបាយ រួមចំណែកដល់សន្ទុះថ្មី និងលើកកម្ពស់កិច្ចសហប្រតិបត្តិការនយោបាយ សេដ្ឋកិច្ច ពាណិជ្ជកម្ម និងវប្បធម៌ រវាងប្រទេសទាំងពីរ ឲ្យឡើងកម្ពស់ថ្មីមួយទៀត។

យោងតាមរបៀបវារៈដែលបានគ្រោងទុក លោក To Lam អគ្គលេខាបក្ស និងជាប្រធានរដ្ឋ នឹងប្រជុំពិភាក្សាសំខាន់ៗ ជាមួយលោក ស៊ី ជីនពីង អគ្គលេខាបក្ស និងជាប្រធានរដ្ឋចិន និងជួបជាមួយមេដឹកនាំចិនជាន់ខ្ពស់ដទៃទៀត ដោយបញ្ជាក់ពីសារៈសំខាន់នៃការពង្រឹងទំនាក់ទំនងទ្វេភាគី រវាងប្រទេសសង្គមនិយមទាំងពីរ ដែលមានការតភ្ជាប់ជាយុទ្ធសាស្ត្រយ៉ាងជ្រាលជ្រៅ និងផ្លាស់ប្តូរទស្សនៈលើទិសដៅសំខាន់ៗ និងវិធានការនានា ដើម្បីនាំទំនាក់ទំនងទ្វេភាគី ឲ្យឈានទៅដល់ដំណាក់កាលអភិវឌ្ឍន៍ថ្មី ដែលមានស្ថិរភាព និងប្រកបដោយចីរភាព។

ដំណើរទស្សនកិច្ចនេះ ក៏នឹងផ្តល់ឱកាសសម្រាប់ភាគីទាំងពីរ ក្នុងការផ្លាស់ប្តូរទស្សនៈ ដោយស្មោះត្រង់ និងបើកចំហរ លើបញ្ហាក្នុងតំបន់ និងអន្តរជាតិ ដែលមានការយកចិត្តទុកដាក់ដូចគ្នា។ ភាគីទាំងពីរ ក៏នឹងពិភាក្សាអំពីការពង្រឹងការសម្របសម្រួល ក្នុងយន្តការពហុភាគី ដោះស្រាយបញ្ហាដែលនៅសេសសល់ ឲ្យបានសមស្រប និងរួមចំណែកដល់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍ នៅក្នុងតំបន់ និងពិភពលោក។

លោកឯកអគ្គរដ្ឋទូត Pham Thanh Binh បានជម្រាបជូនថា អគ្គលេខាបក្ស និងប្រធានទាំងពីររូប ត្រូវបានគេរំពឹងថានឹងជួប សំណេះសំណាលជាមួយតំណាងយុវជនជំនាន់ក្រោយនៃប្រទេសទាំងពីរ ដែលចូលរួមក្នុងកម្មវិធី "ដំណើរក្រហមសម្រាប់ការស្រាវជ្រាវ និងសិក្សារបស់យុវជន" ដែលផ្តួចផ្តើមឡើងដោយមេដឹកនាំទាំងពីរផ្ទាល់ ដែលចាប់ផ្តើមនៅខែមេសា ឆ្នាំ២០២៥។ លោក To Lam អគ្គលេខាបក្ស និងជាប្រធានរដ្ឋ នឹងថ្លែងសុន្ទរកថាគោលនយោបាយនៅសាកលវិទ្យាល័យស៊ីងហួ ជួបជាមួយសាច់ញាតិមួយចំនួនរបស់ឥស្សរជនមិត្តភាពរវាងប្រទេសទាំងពីរ និងអញ្ជើញចូលរួម និងប្រកាសពីការចាប់ផ្តើមកម្មវិធីផ្លាស់ប្តូរប្រជាជន និងប្រជាជន កិច្ចសហប្រតិបត្តិការវប្បធម៌ និងសិល្បៈ និងទេសចរណ៍។

ក្រៅពីការអញ្ជើញជាសាក្សីនៃការចុះហត្ថលេខាលើឯកសារសហប្រតិបត្តិការ លោក To Lam អគ្គលេខាបក្ស និងជាប្រធានរដ្ឋ និងគណៈប្រតិភូជាន់ខ្ពស់វៀតណាម ត្រូវបានគេរំពឹងថានឹងស្វែងយល់សិក្សាអំពីគំរូសាកល្បងនៃតំបន់ទីក្រុងថ្មី ហេដ្ឋារចនាសម្ព័ន្ធផ្លូវដែក និងប្រព័ន្ធឧស្សាហកម្ម កន្លែងស្រាវជ្រាវ និងការអនុវត្តបញ្ញាសិប្បនិម្មិត (AI) និងនវានុវត្តន៍ទាំងនៅទីក្រុងប៉េកាំង ខេត្តហឺប៉ី ខេត្តក្វាងស៊ី

លោកឯកអគ្គរដ្ឋទូត Pham Thanh Binh បានសង្កត់ធ្ងន់ថា "ខ្ញុំជឿជាក់ថា ដំណើរទស្សនកិច្ចនេះនឹងក្លាយជាព្រឹត្តិការណ៍សំខាន់ថ្មីមួយ ដោយបើកដំណាក់កាល នៃការអភិវឌ្ឍថ្មី សម្រាប់ទំនាក់ទំនងអ្នកជិតខាងមិត្ត  ភាពជាដៃគូយុទ្ធសាស្ត្រគ្រប់ជ្រុងជ្រោយ សមាគមន៍អនាគតរបស់វៀតណាម-ចិន ដែលមានអត្ថន័យជាយុទ្ធសាស្ត្រ"៕

បកប្រែដោយ Duy Hoan