ស្ថានទូតវៀតណាមប្រចាំនៅកូរ៉េខាងត្បូង ជូនពរឆ្នាំថ្មីប្រពៃណីជាតិឡាវ

លោកឯកអគ្គរដ្ឋទូត Vu Ho ជូនពរឆ្នាំថ្មី ជូនចំពោះលោកស្រីឯកអគ្គរដ្ឋទូត កៃម៉ានី អូរ៉ាប៊ន

ក្នុងអំឡុងពេលនៃកិច្ចប្រជុំ លោកឯកអគ្គរដ្ឋទូត បានជូនពរឆ្នាំថ្មីជូនចំពោះលោកស្រីឯកអគ្គរដ្ឋទូត កៃម៉ានី អូរ៉ាប៊ន និងកម្មាភិបាល បុគ្គលិកទាំងអស់នៃស្ថានទូតឡាវប្រចាំនៅកូរ៉េខាងត្បូង និងបានសម្តែងនូវសេចក្តីរីករាយនៅពេលដែលបានចែករំលែកបរិយាកាសពិសេសនៃការប្រារព្ធពិធីចូលឆ្នាំថ្មីប្រពៃណីជាតិឡាវ។ យោងតាមលោកឯកអគ្គរដ្ឋទូត Vu Ho ពិធីបុណ្យចូលឆ្នាំថ្មីមិនត្រឹមតែជាពិធីបុណ្យមួយដ៏សំខាន់សម្រាប់ប្រជាជនឡាវប៉ុណ្ណោះទេ ប៉ុន្តែវាក៏ជាការបង្ហាញយ៉ាងច្បាស់នូវចំណងមិត្តភាព និងសាមគ្គីភាពរវាងប្រជាជនវៀតណាម និងឡាវផងដែរ។

លោកឯកអគ្គរដ្ឋទូត Vu Ho បានសម្តែងទំនុកចិត្តថា ក្រោមការដឹកនាំរបស់គណបក្សប្រជាជនបដិវត្តន៍ឡាវ ប្រទេស និងប្រជាជនឡាវនឹងបន្តអភិវឌ្ឍយ៉ាងខ្លាំងក្លា ដោយសម្រេចបាននូវសមិទ្ធផលកាន់តែច្រើនក្នុងការកសាង និងអភិវឌ្ឍន៍ប្រទេសជាតិ។

ក្នុងពេលជាមួយគ្នានេះ លោកឯកអគ្គរដ្ឋទូត Vu Ho បានសម្តែងការជឿជាក់ថា ចំណងមិត្តភាពដ៏អស្ចារ្យ សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម និងឡាវ នឹងបន្តពង្រឹង និងអភិវឌ្ឍកាន់តែស៊ីជម្រៅ ដោយនាំមកនូវផលប្រយោជន៍ជាក់ស្តែងដល់ប្រជាជននៃប្រទេសទាំងពីរ និងរួមចំណែកដល់សន្តិភាព ស្ថិរភាព និងការអភិវឌ្ឍនៅក្នុងតំបន់។

លោកស្រីឯកអគ្គរដ្ឋទូតឡាវ កៃម៉ានី អូរ៉ាប៊ន បានថ្លែងអំណរគុណចំពោះមនោសញ្ចេតនា និងការជូនពរដ៏មានអត្ថន័យពីស្ថានទូតវៀតណាម ហើយបានអះអាងថា លោកស្រីនឹងបន្តសហការយ៉ាងជិតស្និទ្ធដើម្បីពង្រឹងទំនាក់ទំនងឡាវ-វៀតណាមកាន់តែរីកចម្រើនបន្ថែមទៀត។

បកប្រែដោយ Duy Hoan