នាវាលេខ 016-Quang Trung បានបញ្ចប់បេសកកម្មចូលរួមលំហាត់សម Kakadu 2026 ប្រកបដោយជោគជ័យ

ក្នុងអំឡុងពេលនៅទីក្រុងស៊ីដនី ចាប់ពីថ្ងៃទី ២១ ដល់ថ្ងៃទី ២៤ ខែមីនា ក្រុមនាវិកនៃនាវា និងគណៈប្រតិភូកងទ័ពជើងទឹកប្រជាជនវៀតណាម ដែលដឹកនាំដោយលោក​វរសេនីយ៍ឯក Nguyen Minh Lanh នាយរងសេនាធិការនៃតំបន់លេខ៤ កងទ័ពជើងទឹក បានអញ្ជើញចូលរួមក្នុងសកម្មភាពនានា រួមទាំងពិធីព្យុហយាត្រា ការធ្វើលំហាត់សមនៅកំពង់ផែ សិក្ខាសាលាមេបញ្ជាការកងនាវាលើប្រធានបទ "កម្លាំងនៅសមុទ្រ និងវិបុលភាពក្នុងដីគោក" ការផ្លាស់ប្ដូរវប្បធម៌ និងប្រកួតកីឡាជាមួយកងទ័ពជើងទឹកភូមិន្ទអូស្ត្រាលី និងប្រទេសដទៃទៀតដែលអញ្ជើញចូលរួម Kakadu 2026។

លោកវរសេនីយ៍ឯក Matthew Shand មេបញ្ជាការមូលដ្ឋាន Kattabul ជូនដំណើរនាវាលេខ 016-Quang Trung

នាវាលេខ 016-Quang Trung ចាកចេញពីកំពង់ផែស៊ីដនី

ការប្រកួតបាល់ទះជាមួយកងទ័ពជើងទឹកអូស្ត្រាលី និងប្រទេសដទៃទៀតដែលអញ្ជើញចូលរួម Kakadu 2026

ដើម្បីរំលឹកខួបលើកទី ១២៥ នៃទិវាបង្កើតកងទ័ពជើងទឹកភូមិន្ទអូស្ត្រាលី និងចូលរួមលំហាត់សម Kakadu 2026 លោកឧត្តមនាវីត្រី Nguyen Dinh Hung មេបញ្ជាការរងកងទ័ពជើងទឹកប្រជាជនវៀតណាម បានអញ្ជើញចូលរួមពិធីព្យុហយាត្រានៅលើនាវា HMAS Leeuwin រួមជាមួយលោកស្រី Sam Mostyn អគ្គទេសាភិបាលអូស្ត្រាលី និងបានអញ្ជើញជាអធិបតីក្នុងពិធីលៀងសាយភោជន៍នៅលើនាវាលេខ 016-Quang Trung ដោយមានការអញ្ជើញ​​ចូលរួមពីលោកឧត្តមនាវីទោ Mark Hammond មេបញ្ជាការកងទ័ពជើងទឹកអូស្ត្រាលី និងតំណាងមកពីកងទ័ពជើងទឹកនៃបណ្តាប្រទេសដែលអញ្ជើញចូលរួមលំហាត់សម Kakadu 2026 លោក Pham Hung Tam ឯកអគ្គរដ្ឋទូតវៀតណាមប្រចាំអូស្ត្រាលី និងតំណាងសហគមន៍វៀតណាមនៅអូស្ត្រាលី៕

បកប្រែដោយ Duy Hoan