នាវាលេខ ០១៦-Quang Trung នៃកងទ័ពជើងទឹកប្រជាជនវៀតណាម មកដល់ឈូងសមុទ្រ Jervis ត្រៀមខ្លួនជាស្រេចចូលរួម Kakadu 2026 នៅប្រទេសអូស្រ្តាលី

ដោយចេញដំណើរពីកំពង់ផែកងទ័ពជើងទឹក Cam Ranh នៅរសៀលថ្ងៃទី ២៣ ខែកុម្ភៈ នាវាលេខ ០១៦-Quang Trung បានចូលចតនៅមូលដ្ឋានកងទ័ពជើងទឹក Coonawarra ក្នុងទីក្រុង Darwin ប្រទេសអូស្ត្រាលី នៅថ្ងៃទី ៥ ខែមីនា ដើម្បីត្រៀមរៀបចំផ្នែកភស្តុភារ និងបច្ចេកទេស សម្រាប់ដំណើរទៅកាន់ទីក្រុង Sydney រដ្ឋ New South Wales ដើម្បីចូលរួម Kakadu 2026។

នាវាលេខ ០១៦-Quang Trung ចូលចតនៅឈូងសមុទ្រ Jervis

សូមរំលឹកថា នៅព្រឹកថ្ងៃទី ១៨ ខែមីនា លោកវរនាវីឯក Nguyen Minh Lanh អនុប្រធានសេនាធិការនៃតំបន់លេខ ៤ ប្រធានក្រុមបេសកកម្មនៃកងទ័ពជើងទឹកប្រជាជនវៀតណាម នៅលើនាវាលេខ ០១៦-Quang Trung បានដឹកនាំកិច្ចប្រជុំដកបទពិសោធន៍ក្នុងអំឡុងពេលធ្វើដំណើរពីប្រទេសវៀតណាមទៅកាន់ប្រទេសអូស្ត្រាលី និងអនុវត្តភារកិច្ចនៃនាវាលេខ ០១៦-Quang Trung និងក្រុមបេសកកម្មនៅក្នុងប្រទេសអូស្ត្រាលី។ តាមនោះ នាវាលេខ ០១៦-Quang Trung បានសម្រេចបានគោលបំណងដែលបានគ្រោងទុក ដោយធានាសុវត្ថិភាពដាច់ខាត។ លោកប្រធានក្រុមបេសកកម្មបានស្នើឲ្យក្រុមនាវិកនៃនាវា និងក្រុមបេសកកម្មបង្ហាញពីការទទួលខុសត្រូវក្នុងការបំពេញល្អភារកិច្ចការទូតការពារជាតិនៅក្នុងប្រទេសអូស្ត្រាលី៕

បកប្រែដោយ Thuy Anh