នាវាកងទ័ពជើងទឹកវៀតណាម និងចិនត្រៀមរៀបចំសម្រាប់ពិធីចេញដំណើរទៅធ្វើការយាមល្បាតចម្រុះ

មេបញ្ជាការក្រុមនាវាកងទ័ពជើងទឹកនៃប្រទេសទាំងពីរ បានសហការហ្វឹកហាត់សម្រាប់ការទទួលស្វាគមន៍រដ្ឋមន្ត្រីក្រសួងការពារជាតិវៀតណាម និងចិន ក្នុងឱកាសចូលរួមក្នុងសកម្មភាពនានាក្នុងពិធីចេញដំណើរ។ ក្រុមបេសកកម្មកងទ័ពជើងទឹកប្រជាជនវៀតណាម រួមជាមួយនាយទាហាន និងនាវិកនៃនាវាលេខ ០១៥-Tran Hung Dao និងនាវាលេខ ០១២-Ly Thai To ក៏បានពិនិត្យឡើងវិញនូវការត្រៀមរៀបចំដើម្បីធានាបាននូវការធ្វើការយាមល្បាតចម្រុះ និងការហ្វឹកហាត់រួមគ្នានៅសមុទ្រទទួលបានជោគជ័យ។

នាយទាហាន និងនាវិកនៃនាវាលេខ ០១៥-Tran Hung Dao និងនាវាលេខ ០១២-Ly Thai To នៃកងទ័ពជើងទឹកវៀតណាម ត្រៀមរៀបចំឧបករណ៍បច្ចេកទេស សម្រាប់បេសកកម្មយាមល្បាតរួមគ្នា និងហ្វឹកហ្វឺនចម្រុះនៅលើសមុទ្រ

នាថ្ងៃទី១៩ ខែមីនា លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម និងលោកឧត្តមសេនីយ៍ឯក Dong Jun រដ្ឋមន្ត្រីក្រសួងការពារជាតិចិន ទៅទស្សនានាវាកងទ័ពជើងទឹកនៃប្រទេសទាំងពីរ ព្រមទាំងស្តាប់របាយការណ៍ពីមេបញ្ជាការនៃក្រុមនាវាទាំងពីរស្តីពីការត្រៀមរៀបចំ និងស្នើសុំការណែនាំឲ្យចាកចេញពីកំពង់ផែ ដើម្បីបំពេញបេសកកម្មយាមល្បាតរួម និងហ្វឹកហ្វឺនចម្រុះនៅឈូងសមុទ្រតុងកឹង៕

បកប្រែដោយ Thuy Anh