បញ្ជាការដ្ឋានយោធភូមិភាគទី ៧ អញ្ជើញទៅសួរសុខទុក្ខ និងជូនពរឆ្នាំថ្មីប្រពៃណីជាតិខ្មែរដល់ស្ថានទូតវៀតណាមប្រចាំកម្ពុជា

ក្នុងនាមគណៈប្រតិភូ លោកឧត្តមសេនីយ៍ទោ Tran Vinh Ngoc បានសួរសុខទុក្ខ និងជូនពរជូនចំពោះកម្មាភិបាលនិងបុគ្គលិកទាំងអស់នៃស្ថានទូត ព័ន្ធយោធា និងសមាគមខ្មែរ-វៀតណាម​ មានសុខភាពល្អ សុភមង្គល ជោគជ័យគ្រប់ភារកិច្ច និងសម្រេចបានលទ្ធផលល្អក្នុងការបំពេញភារកិច្ចដែលបក្ស និងរដ្ឋប្រគល់ឱ្យ។ 

លោកឧត្តមសេនីយ៍ទោ  Tran Vinh Ngoc ជូនពរឆ្នាំថ្មី ដល់ស្ថានទូតវៀតណាមប្រចាំកម្ពុជា

ក្នុងនាមបញ្ជាការដ្ឋានយោធភូមិភាគ រួមទាំងកម្មាភិបាលនិងយុទ្ធជននៃកងកម្លាំងប្រដាប់អាវុធយោធភូមិភាគទី៧ លោកឧត្តមសេនីយ៍ទោ Tran Vinh Ngoc បានថ្លែងអំណរគុណយ៉ាងជ្រាលជ្រៅចំពោះស្ថានទូតដែលបានជួយគាំទ្រក្នុងការតភ្ជាប់ និងអនុវត្តការងារការទូតការពារជាតិប្រកប​ដោយប្រសិទ្ធភាព ជួយក្រុមរុករកអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលបានពលីជីវិតកាលពីសម័យសង្គ្រាមនៅកម្ពុជា រួមចំណែករក្សាទំនាក់ទំនងល្អប្រសើររវាងប្រទេសទាំងពីរ និងកងទ័ពទាំងពីរ។

បញ្ជាការដ្ឋានយោធភូមិភាគទី ៧ ជូនពរឆ្នាំថ្មីដល់ស្ថានទូតវៀតណាមប្រចាំកម្ពុជា​ (រូបថត៖ baoquankhu7.vn)

លោក   Nguyen Minh Vu  ឯកអគ្គរដ្ឋទូតវៀតណាមប្រចាំកម្ពុជា បានថ្លែងអំណរគុណដល់លោកឧត្តមសេនីយ៍ទោ Tran Vinh Ngoc  ប្រធាននយោបាយនៃយោធាភូមិ​ភាគ​ទី៧ និងគណៈប្រតិភូបានអញ្ជើញមកសួរសុខទុក្ខ និងជូនពរឆ្នាំថ្មី ព្រមទាំងជូនពរជូនចំពោះសមិទ្ធផលដែលកងកម្លាំងប្រដាប់អាវុធនៃយោធភូមិភាគសម្រេចបានក្នុងឆ្នាំ ២០២៥។ លោកឯកអគ្គរដ្ឋទូត Nguyen Minh Vu  សង្ឃឹមថា នាពេលខាងមុខ កងកម្លាំងប្រដាប់អាវុធនៃយោធភូមិភាគទី៧ បន្តបំពេញល្អនូវភារកិច្ចដែលបានបក្ស រដ្ឋ គណៈកម្មាធិការបក្សយោធាមជ្ឈិម និងក្រសួងការពារប្រទេសប្រគល់ឱ្យ។ 

លោក  Nguyen Minh Vu  ឯកអគ្គរដ្ឋទូត បញ្ជាក់ថា ជាមួយនឹងមុខងារនិងភារកិច្ចរបស់ខ្លួន ស្ថានទូតវៀតណាមត្រៀមខ្លួនរួចជាស្រេចដើម្បីធ្វើជាស្ពានតភ្ជាប់សម្រាប់​យោធភូមិភាគទី ៧ ពង្រឹង​​ទំនាក់ទំនងសហប្រតិបត្តិការជាមួយអង្គភាពនានានៃកងយោធពលខេមរភូមិន្ទ។ ព្រមទាំងបញ្ជាក់ពីគោលការណ៍ជាប់លាប់នៃការពង្រឹងទំនាក់ទំនងមិត្តភាព និងកិច្ចសហប្រតិបត្តិការគ្រប់ជ្រុងជ្រោយជាមួយកម្ពុជា គឺជាអាទិភាពចំបងមួយនៅក្នុងគោលនយោបាយការបរទេសរបស់បក្ស និងរដ្ឋវៀតណាម៕

បកប្រែដោយ Pham Diep