គោលដៅទេសចរណ៍វៀតណាមចំនួន ២ ស្ថិនក្នុងបញ្ជីគោលដៅទេសចរណ៍ស្អាតបំផុតលើពិភពលោករបស់ Time Out

មកទស្សនានៅ Ha Giang អ្នកនឹងឃើញខ្សែផ្លូវបត់បែនតាមវាលស្រែជម្រាលភ្នំ និងវប្បធម៌នៃជនជាតិភាគតិចចំនួន ៤៣ ផ្សេងៗគ្នា ដែលបង្កើតបានសម្រស់អាថ៌កំបាំង។ ផ្លូវចំណោត Tham Ma និង Ma Pi Leng ដែលដើរតាមជម្រាលភ្នំទាក់ទាញចំណាប់អារម្មណ៍របស់ភ្ញៀវទេសចរជាច្រើន។ ទន្ទឹមនឹងនោះ អ្នកនឹងមានឱកាសគយគន់ជួរភ្នំដ៏អស្ចារ្យ ជាមួយនឹងវាលស្រែជម្រាលភ្នំដ៏ស្រស់ស្អាត។

ភូមិវប្បធម៌ Lo Lo Chai (ខេត្ត Tuyen Quang) នៅជើងបង្គោលទង់ជាតិ Lung Cu (រូបថត៖ vovworld.vn)

អំពីទីក្រុង Hoi An អ្នកសារព័ត៌មាន Katie Lockhart បានឲ្យដឹងថា ប្រជាជននៅ Hoi An មានជីវភាពរស់នៅយឺតៗ និងសុខសាន្តត្រាណ។ ខណៈពេលរស់នៅទីនេះ Katie Lockhart តែងតែចំណាយពេលព្រឹកដើម្បីទទួលទានកាហ្វេដូង ហើយនៅពេលរសៀល នាងបានជិះកង់ឆ្លងកាត់វាលស្រែស្រស់ស្អាត និងគយគន់មើលហ្វូងក្របីៗស៊ីស្មៅ... រូបភាពគួរឱ្យចាប់អារម្មណ៍ទាំងនេះពិតជាអស្ចារ្យណាស់។ ឥឡូវនេះជាទំលាប់ហើយ ជារៀងរាល់ឆ្នាំ Katie Lockhart តែងតែចំណាយពេលច្រើនខែស្នាក់នៅ Hoi An ហើយនឹងជិះកង់ស្វែងយល់ទីក្រុងបុរាណ និងសម្រាកនៅលើឆ្នេរស្អាតបំផុតមួយរបស់ប្រទេសវៀតណាម៕

បកប្រែដោយ Thanh Cong