នាវាកងឆ្មាំសមុទ្រវៀតណាមលេខ ៨០០៥ ចេញដំណើរទៅបំពេញទស្សនកិច្ចនៅឥណ្ឌា

លោកឧត្តមសេនីយ៍ត្រី Ngo Binh Minh ថ្លែងក្នុងពិធី

ថ្នាក់ដឹកនាំនាវាកងឆ្មាំសមុទ្រវៀតណាមលេខ ៨០០៥ ជូនផ្កាលើកទឹកចិត្ដគណៈប្រតិភូ

ទិដ្ឋភាពនៃពិធី

ថ្លែងក្នុងពិធី លោកឧត្តមសេនីយ៍ត្រី Ngo Binh Minh មេបញ្ជាការនៃបញ្ជាការដ្ឋានតំបន់លេខ ៣ កងឆ្មាំសមុទ្រ បានសង្កត់ធ្ងន់ថា ការបញ្ជូននាវាកងឆ្មាំសមុទ្រលេខ ៨០០៥  ទៅបំពេញទស្សនកិច្ច និងចែករំលែកបទពិសោធន៍ជាមួយកងកម្លាំងការពារឆ្នេរសមុទ្រឥណ្ឌាគឺជាសកម្មភាពជាក់ស្តែង រួមចំណែកពង្រឹងនិងពង្រីកទំនាក់ទំនងសហប្រតិបត្តិការដ៏ល្អប្រសើររវាងវៀតណាមនិងឥណ្ឌានិយាយរួម និងកងកម្លាំងអនុវត្តច្បាប់លើសមុទ្រនៃប្រទេសទាំងពីរនិយាយដោយ​ឡែក​។

កម្មាភិបាលនិងយុទ្ធជននៃនាវាកងឆ្មាំសមុទ្រវៀតណាមលេខ ៨០០៥​ គោរពកំពង់ផែ

ក្នុងក្របខ័ណ្ឌនៃដំណើរទស្សនកិច្ច គណៈប្រតិភូវៀតណាមនឹងទៅសួរសុខទុក្ខនិងចូលជួបសម្តែងការគួរសមជាមួយថ្នាក់ដឹកនាំអាជ្ញាធរមូលដ្ឋាន និងថ្នាក់ដឹកនាំតំបន់ភាគខាងលិច (កម្លាំងការពារឆ្នេរសមុទ្រឥណ្ឌា)។ ចូលរួមការប្រកួតកីឡានៅតំបន់លេខ ៤ (តំបន់ភាគខាងលិច កម្លាំងការពារឆ្នេរសមុទ្រឥណ្ឌា) និងទស្សនាកេរ្ដិ៍ដំណែលវប្បធម៌... នាវាកងឆ្មាំសមុទ្រវៀតណាមលេខ ៨០០៥  នឹងហ្វឹកហ្វឺនជា​មួយកងកម្លាំងការពារឆ្នេរសមុទ្រឥណ្ឌាក្នុងការស្វែងរក បង្ការការឆេះ ផ្ទុះ និងទប់ទល់នឹងការធ្លាយប្រេងនៅសមុទ្រ៕

បកប្រែដោយ Pham Diep