នាវាលេខ២៦៤ និងនាវាលេខ២៦៥ មកដល់ប្រទេសថៃ

សូមរំលឹកថា ចាប់ពីថ្ងៃទី ២៨ ដល់ថ្ងៃទី ២៩ ខែវិច្ឆិកា នាវាលេខ ២៦៤ និងនាវាលេខ ២៦៥ បានធ្វើការយាមល្បាតរួមលើកទី ៤៨ ជាមួយនាវាលេខ ៥២៦ និងនាវាលេខ ៥៥១ នៃកងទ័ពជើងទឹកភូមិន្ទថៃ។

ពិធីទទួលស្វាគមន៍ក្រុមបេសកកម្មតំបន់លេខ៥ នៃកងទ័ពជើងទឹកប្រជាជនវៀតណាមនៅកំពង់ផែ Songkhla

ក្នុងការយាមល្បាត នាវាកងទ័ពជើងទឹកនៃប្រទេសអាស៊ានបានសម្ដែងការគោរពគ្នា ផ្លាស់ប្ដូរព័ត៌មាន បង្វឹកបង្ហាត់បក់ទង់កាន់ដៃឲ្យសញ្ញា និងការបញ្ចេញសញ្ញាពន្លឺឲ្យតាមការកំណត់អន្តរជាតិ ធ្វើលំហាត់ស្វែងរកនិងជួយសង្គ្រោះ និងការអនុវត្តក្រមសម្រាប់ការពើបប្រទះដោយមិនបានគ្រោងទុកនៅលំហសមុទ្រ​​ (CUES)។

ការយាមល្បាតរួមលើកទី៤៨ គឺជាសកម្មភាពមួយនៅក្នុងបទប្បញ្ញត្តិយាមល្បាតរួម និងការបង្កើតបណ្តាញទំនាក់ទំនងរវាងកងទ័ពជើងទឹកប្រជាជនវៀតណាម និងកងទ័ពជើងទឹកភូមិន្ទថៃ ដែលចុះហត្ថលេខាដោយមេបញ្ជាការកងទ័ពជើងទឹកនៃប្រទេសទាំងពីរកាលពីថ្ងៃទី ១៤ ខែមិថុនា ឆ្នាំ១៩៩៩។

នាវាកងទ័ពជើងទឹកវៀតណាម-ថៃ ធ្វើការយាមល្បាតរួម

ដោយមានការត្រៀមរៀបចំយ៉ាងហ្មត់ចត់ និងកិច្ចសហការយ៉ាងជិតស្និទ្ធ ការយាមល្បាតរួមលើកទី៤៨ បានបញ្ចប់ដោយជោគ​ជ័យ។ តាមរយៈនោះ រួមចំណែករក្សាសន្តិសុខ សណ្តាប់ធ្នាប់នៅព្រំដែនសមុទ្រវៀតណាម-ថៃ បង្កើតលក្ខខណ្ឌអំណោយ​ផលសម្រាប់ប្រជាជននៃប្រទេសទាំងពីរអភិវឌ្ឍសេដ្ឋកិច្ចសមុទ្រ ទន្ទឹមនឹងនោះបន្តជំរុញទំនាក់ទំនងសហប្រតិបត្តិការ និងបង្កើនការយល់ដឹងគ្នាទៅវិញទៅមក និងទំនុកចិត្តរវាងកងទ័ពជើងទឹកទាំងពីរ៕

បកប្រែដោយ Thuy Anh