កិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៧ អនុម័តលើសេចក្តីថ្លែងការណ៍ទីក្រុងគូឡាឡាំពួ ស្តីពីការប្រើប្រាស់បណ្តាញប្រព័ន្ធផ្សព្វផ្សាយសង្គមប្រកបដោយសុវត្ថិភាព

នៅក្នុងសេចក្តីថ្លែងការណ៍រួម អាស៊ានបានសន្យាកសាងបរិយាកាសឌីជីថលប្រកបដោយសុវត្ថិភាព បរិយាប័ន្ន និងមានទំនួលខុសត្រូវ ក្នុងតំបន់។ ជាពិសេស កិច្ចប្រជុំបានអះអាងសារជាថ្មីអំពីសារៈសំខាន់នៃការកសាងសហគមន៍អាស៊ានប្រកបដោយអង់អាចក្លាហាន និងប្រកាន់យកប្រជាជនជាស្នូល ដោយផ្តោតលើការដោះស្រាយបញ្ហាប្រឈមដែលបណ្តាលមកពីការប្រើប្រាស់បណ្ដាញប្រព័ន្ធផ្សព្វផ្សាយសង្គមខុសច្បាប់ ដូចជាការផ្សព្វផ្សាយព័ត៌មានមិនពិត និងសំដីអមិត្តជាដើម។

ទង់ជាតិនៃបណ្តាប្រទេសអាស៊ាន (រូបថត៖ nhandan.vn)

រដ្ឋមន្ត្រីទាំងឡាយក៏បានសង្កត់ធ្ងន់លើតួនាទីសំខាន់របស់វិស័យព័ត៌មានអាស៊ាន ក្នុងការជំរុញកិច្ចសហប្រតិបត្តិការជាមួយភាគីពាក់ព័ន្ធ រួមទាំងវេទិកាប្រព័ន្ធផ្សព្វផ្សាយសង្គមក្នុងបំណងបង្កើត និងអនុវត្តវិធានការជាក់ស្តែងដើម្បីដោះស្រាយខ្លឹមសារអនឡាញដែលបង្កគ្រោះថ្នាក់ ព្រមទាំងក៏ការពារសិទិ្ធសេរីភាពខាងការបញ្ចេញមតិផងដែរ៕

បកប្រែដោយ Huyen Trang