ការរៀបចំដ៏ល្អបំផុតសម្រាប់ភារកិច្ចដង្ហែក្បួនព្យុហយាត្រា

ដោយអនុវត្តតាមសេចក្តីសម្រេចរបស់រដ្ឋមន្ត្រីក្រសួងការពារប្រទេស ស្តីពីការអនុម័តលើគម្រោងរៀបចំដង្ហែក្បួនព្យុហយាត្រាក្នុងឱកាសរំលឹកខួបលើកទី ៨០ នៃបដិវត្តន៍ខែសីហា និងទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម អនុគណៈកម្មការរៀបចំដង្ហែក្បួនព្យុហយាត្រា បានសម្របសម្រួលជាមួយស្ថាប័ន និងអង្គភាពពាក់ព័ន្ធ ដើម្បីកសាង និងបំពេញគម្រោងរៀបចំដង្ហែក្បួនព្យុហយាត្រា ក្នុងពិធីរំលឹកខួបអនុស្សាវរីយ៍ សុក្រិតឯកសារ កម្មវិធីហ្វឹកហ្វឺន ផែនការហ្វឹកហ្វឺនរួម... ដើម្បីបម្រើដល់ពិធីដង្ហែក្បួនព្យុហយាត្រា។

លោកឧត្តមសេនីយ៍ឯក Nguyen Van Nghia ធ្វើជាអធិបតីនៃកិច្ចប្រជុំ

ទន្ទឹមនឹងការរៀបចំវគ្គហ្វឹកហ្វឺនតាមកម្មវិធី អនុគណៈកម្មការរៀបចំដង្ហែក្បួនព្យុហយាត្រា បានសម្របសម្រួល និងដាក់ពង្រាយអង្គភាពឈ្លបយកការណ៍ កំណត់ផ្លូវប្រតិបត្តិការ ទីតាំងប្រមូលផ្តុំកងកម្លាំងនៅទីក្រុងហាណូយ មុន និងក្រោយពីពិធីដង្ហែក្បួនព្យុហយាត្រា តាមដងផ្លូវ...

មានប្រសាសន៍នៅក្នុងកិច្ចប្រជុំ លោកឧត្តមសេនីយ៍ឯក Nguyen Van Nghia បានស្នើឱ្យស្ថាប័ន និងអង្គភាពបំពេញផែនការត្រៀមប្រយុទ្ធជាស្រេច រៀបចំការសម្របសម្រួលជាក់លាក់ និងម៉ឺងម៉ាត់ ដើម្បីធានាសុវត្ថិភាពដាច់ខាត។ លោកឧត្តមសេនីយ៍ឯក Nguyen Van Nghia បានសង្កត់ធ្ងន់លើអត្ថន័យនិងសារៈសំខាន់នៃពិធីរំលឹកខួបលើកទី ៨០ នៃបដិវត្តន៍ខែសីហា និងទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម។ លោកឧត្តមសេនីយ៍ឯក Nguyen Van Nghia ក៏បានស្នើឱ្យស្ថាប័នមានសមត្ថកិច្ចសម្របសម្រួលរៀបចំការងារឃោសនាឱ្យបានល្អលើបណ្តាញសារព័ត៌មានអំពីសកម្មភាពដង្ហែក្បួនព្យុហយាត្រា ដឹកនាំ និងរៀបចំសកម្មភាពផ្លាស់ប្តូរវប្បធម៌ និងសិល្បៈយ៉ាងល្អរវាងកងកម្លាំងនានាជាមួយកម្មាភិបាល យុទ្ធជន និងប្រជាជនក្នុងតំបន់ លើកសរសើរ និងផ្តល់រង្វាន់ដល់អង្គភាព និងបុគ្គលទាំងឡាយ ដែលបំពេញភារកិច្ចបានល្អ។ល៕

បកប្រែដោយ Huyen Trang