លោកឧត្តមសេនីយ៍ឯក Hoang Xuan Chien ទទួលជួបនាយិកាប្រតិបត្តិ IISS Asia

លោកឧត្តមសេនីយ៍ឯក Hoang Xuan Chien បានថ្លែងអំណរគុណដល់ IISS ដែលបានផ្ញើលិខិតអញ្ជើញជូនចំពោះលោកនាយ​ឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារជាតិវៀតណាម អញ្ជើញចូលរួម និងថ្លែងសុន្ទរកថាក្នុងកិច្ចសន្ទនា Shangri-La លើកទី ២២ ក្នុងឆ្នាំនេះ។ លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា កិច្ចសន្ទនា Shangri-La គឺជាវេទិកាដ៏សំខាន់មួយសម្រាប់អ្នកតាក់តែងគោលនយោបាយ​បង្ហាញទស្សនៈរបស់ខ្លួនលើបញ្ហាអន្តរជាតិ និងតំបន់ដែលកំពុងលេចចេញ ព្រមទាំងបញ្ជាក់អំពីគោលនយោបាយការពារជាតិ និងសន្តិសុខរបស់ប្រទេសខ្លួន។ ក្នុងរយៈពេល ២០ ឆ្នាំកន្លងមកនេះ ចាប់តាំងពីកិច្ចសន្ទនា Shangri-La ត្រូវបានប្រារព្ធឡើងជាលើកដំបូងក្នុងឆ្នាំ២០០២ ក្រសួងការពារប្រទេសវៀតណាម បានបញ្ជូនគណៈប្រតិភូទៅចូលរួម និងថ្លែងសុន្ទរកថាសំខាន់ៗជាប្រចាំនៅសម័យប្រជុំពេញអង្គ។

លោកឧត្តមសេនីយ៍ឯក Hoang Xuan Chien ទទួលជួបលោកស្រី Veerle Nouwens

លោកឧត្តមសេនីយ៍ឯក Hoang Xuan Chien និងលោកស្រី Veerle Nouwens

លោកឧត្តមសេនីយ៍ឯក Hoang Xuan Chien សង្ឃឹមថា នាពេលខាងមុខ ក្រសួងការពារប្រទេសវៀតណាមនឹងទទួល​ស្វាគមន៍ថ្នាក់ដឹកនាំ និងអ្នកជំនាញស្រាវជ្រាវរបស់ IISS អញ្ជើញមកបំពេញទស្សនកិច្ចនៅវៀតណាម ដើម្បីផ្លាស់ប្តូរទស្សនៈ ចែករំលែកបទពិសោធន៍ និងស្វែងរកកិច្ចសហប្រតិបត្តិការ ការសិក្សាស្រាវជ្រាវរវាង IISS និងស្ថាប័នស្រាវជ្រាវការពារជាតិវៀតណាម។ លោកឧត្តមសេនីយ៍ឯក Hoang Xuan Chien អះអាងថា ក្រសួងការពារប្រទេសវៀតណាមនឹងបង្កើតលក្ខខណ្ឌអំណោយ​ផល​សម្រាប់ស្ថាប័នស្រាវជ្រាវ​ពាក់ព័ន្ធ បន្តជំរុញកិច្ចសហប្រតិបត្តិការជាមួយ IISS បន្តចាត់បញ្ជូនគណៈប្រតិភូចូលរួមសកម្មភាពដែលរៀបចំដោយ IISS Asia តាមការអញ្ជើញរបស់ IISS។

លោកស្រី Veerle Nouwens ប្រគល់វត្ថុអនុស្សាវរីយ៍ជូនលោកឧត្តមសេនីយ៍ឯក Hoang Xuan Chien

ចំណែកលោកស្រី Veerle Nouwens បានជម្រាបជូនលោកឧត្តមសេនីយ៍ឯក Hoang Xuan Chien អំពីការត្រៀមរៀបចំសម្រាប់កិច្ចសន្ទនា Shangri-La លើកទី ២២ នៅឆ្នាំនេះ។ លោកស្រីសង្កត់ធ្ងន់ថា ប្រធានបទដែលបានពិភាក្សានៅក្នុងកិច្ចសន្ទនាឆ្នាំនេះឆ្លុះបញ្ចាំងពីស្ថានភាពជាក់ស្តែងក្នុងតំបន់ និងពិភពលោក នាពេលបច្ចុប្បន្ន។

លោកឧត្តមសេនីយ៍ឯក Hoang Xuan Chien ជឿជាក់ថា ជាមួយនឹងការរៀបចំយ៉ាងហ្មត់ចត់របស់ IISS និយាយរួម និងតំបន់ IISS Asia និយាយដោយឡែកនោះ កិច្ចសន្ទនា Shangri-La លើកទី ២២ នឹងទទួលបានជោគជ័យយ៉ាងធំធេង រួមចំណែកយ៉ាងសំខាន់ក្នុងការរក្សាសន្តិភាព ស្ថិរភាព និងសន្តិសុខក្នុងតំបន់៕

បកប្រែដោយ Duy Hoan