នាវាកងទ័ពជើងទឹកកូរ៉េខាងត្បូង មកបំពេញទស្សនកិច្ចនៅទីក្រុង Da Nang

អញ្ជើញចូលរួមពិធីស្វាគមន៍នៅកំពង់ផែ Tien Sa មានតំណាងថ្នាក់ដឹកនាំតំបន់លេខ៣ កងទ័ពជើងទឹក គណៈកម្មាធិការប្រជាជនទីក្រុង Da Nang យោធភូមិភាគទី៥ បញ្ជាការដ្ឋានយោធាទីក្រុង Da Nang បញ្ជាការដ្ឋានកងទ័ពការពារព្រំដែនទីក្រុង Da Nang នាយកដ្ឋានកិច្ចការបរទេស (ក្រសួងការពារប្រទេស) នាយកដ្ឋានការពារសន្តិសុខយោធា តំបន់កងឆ្មាំសមុទ្រលេខ ២។

ពិធីស្វាគមន៍នាវាពិឃាត Kang Gam Chang នៅកំពង់ផែ Tien Sa

ភាគីកូរ៉េខាងត្បូង មានអនុព័ន្ធយោធាកូរ៉េខាងត្បូងប្រចាំនៅវៀតណាម កម្មាភិបាល និងបុគ្គលិកនៃស្ថានអគ្គកុងស៊ុលកូរ៉េខាងត្បូងប្រចាំនៅទីក្រុង Da Nang។

ប្រតិភូថតរូបទុកជាអនុស្សាវរីយ៍

ក្នុងដំណើរទស្សនកិច្ចនេះ គណៈបញ្ជាការនាវាបានចូលជួបសម្តែងការគួរសមជាមួយថ្នាក់ដឹកនាំនៃគណៈកម្មាធិការប្រជាជនទីក្រុង Da Nang និងតំបន់លេខ៣ កងទ័ពជើងទឹក។  នាយទាហាន និងនាវិក បានទៅទស្សនាវប្បធម៌ក្នុងមូលដ្ឋាន និងចូលរួមការហ្វឹកហ្វឺនរួមរវាងនាវាកងទ័ពជើងទឹកវៀតណាម និងនាវាកងទ័ពជើងទឹកកូរ៉េខាងត្បូង។

នាវាពិឃាត Kang Gam Chang ចូលចតនៅកំពង់ផែ Tien Sa

ដំណើរទស្សនកិច្ចរបស់នាវាពិឃាត Kang Gam Chang នៅទីក្រុង Da Nang រួមចំណែកពង្រឹងទំនាក់ទំនងមិត្តភាព កិច្ចសហប្រតិបត្តិការ ការផ្លាស់ប្តូរ ការយល់ដឹងគ្នាទៅវិញទៅមក និងជំរុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងកូរ៉េខាងត្បូង៕

បកប្រែដោយ Huyen Trang