leftcenterrightdel
លោកនាយឧត្តមសេនីយ៍ Nguyen Tan Cuong ជួបសវនាការជាមួយប្រធានអគ្គស្នងការនយោបាយនៃបណ្តាកងកម្លាំងប្រដាប់អាវុធបដិវត្តគុយបា

លោកនាយឧត្តមសេនីយ៍ Nguyen Tan Cuong បានថ្លែងអំណរគុណចំពោះគណៈប្រតិភូក្រសួងបណ្តាកងកម្លាំងប្រដាប់អាវុធបដិវត្តន៍គុយបា ដែលបានចូលរួមពិធីរំលឹកខួបលើកទី ៥០ នៃទិវារំដោះភាគខាងត្បូង និងការបង្រួបបង្រួមជាតិ។ លោកនាយឧត្តមសេនីយ៍ Nguyen Tan Cuong មានប្រសាសន៍ថា កិច្ចសហប្រតិបត្តិការលើវិស័យការពារជាតិទ្វេភាគីបន្តត្រូវបានលើកកំពស់លើវិស័យដែលភាគីទាំងពីរតម្រូវការ និងមានផលប្រយោជន៍ ស្របតាមឯកសារ និងកិច្ចព្រមព្រៀងដែលបានចុះហត្ថលេខា ហើយការឯកភាពគ្នារវាងថ្នាក់ដឹកនាំជាន់ខ្ពស់នៃប្រទេសទាំងពីរ ថ្នាក់ដឹកនាំក្រសួងការពារប្រទេសវៀតណាម និងក្រសួងបណ្តាកងកម្លាំងប្រដាប់អាវុធបដិវត្តគុយបា បានបង្ហាញនូវជំនឿទុកចិត្តខាងនយោបាយខ្ពស់ រួមចំណែកពង្រឹងធនធាន និងកម្លាំងសម្រាប់ប្រដាប់អាវុធនៃប្រទេសទាំងពីរក្នុងការការពាររបប និងការពារប្រជាជន បូរណភាពទឹកដី និងអធិបតេយ្យភាពរបស់ប្រទេសនីមួយៗ។

leftcenterrightdel
លោកនាយឧត្តមសេនីយ៍ Nguyen Tan Cuong និងលោកឧត្តមសេនីយ៍ទោ Víctor Leonardo Rojo Ramos

លោកនាយឧត្តមសេនីយ៍ Nguyen Tan Cuong ស្នើថា នាពេលខាងមុខ ភាគីទាំងពីរបន្តជំរុញការអនុវត្តខ្លឹមសារសហប្រតិបត្តិការដែលបានឯកភាពដោយថ្នាក់ដឹកនាំក្រសួងការពារប្រទេស​វៀតណាម និងក្រសួងបណ្តាកងកម្លាំងប្រដាប់អាវុធបដិវត្តគុយបា ផ្តោតលើវិស័យមួយចំនួន៖ ការផ្លាស់ប្តូរគណៈប្រតិភូគ្រប់លំដាប់ថ្នាក់ ជាពិសេសថ្នាក់ជាន់ខ្ពស់ លើកកម្ពស់ការចងសម្ព័ន្ធមេត្រីភាពរវាងស្ថាប័ន និងអង្គភាពនានានៃភាគីទាំងពីរ បង្កើនកិច្ចសហប្រតិបត្តិការស្រាវជ្រាវ ការផ្ទេរបច្ចេកវិទ្យា ភស្តុភារ... សមស្របតាមលក្ខខណ្ឌ និងសមត្ថភាពរបស់ភាគីនីមួយៗ។

leftcenterrightdel
លោកនាយឧត្តមសេនីយ៍ Nguyen Tan Cuong ប្រគល់វត្ថុអនុស្សាវរីយ៍​ជូន​លោកឧត្តមសេនីយ៍ទោ Víctor Leonardo Rojo Ramos

លោកឧត្តមសេនីយ៍ទោ Víctor Leonardo Rojo Ramos បានសម្តែងនូវចំណាប់អារម្មណ៍ចំពោះការអភិវឌ្ឍទំនាក់ទំនងរវាងប្រទេសទាំងពីរនិយាយរួម និងរវាងបណ្តាកងកម្លាំងប្រដាប់អាវុធបដិវត្តគុយបា និងកងទ័ពប្រជាជនវៀតណាមនិយាយដោយឡែក ដែលសង្ឃឹមថានឹងបន្តរក្សា និងជំរុញកិច្ចសហប្រតិបត្តិការលើវិស័យការពារជាតិទ្វេភាគីលើវិស័យដែលភាគីទាំងពីរមានសមត្ថភាព និងតម្រូវការ អាស្រ័យលើនេះ រួមចំណែកជំរុញទំនាក់ទំនងមិត្តភាព និងសាមគ្គីភាពពិសេសរវាងកងទ័ព និងប្រជាជននៃប្រទេសទាំងពីរ៕

បកប្រែដោយ Thanh Cong