អនុវត្តការយាមល្បាតរួមគ្នានៅក្នុងតំបន់សមុទ្រជាប់នឹងខ្សែបន្ទាត់កំណត់ព្រំដែនឈូងសមុទ្រតុងកឹង

ភាគីទាំងពីរថតរូបទុកជាអនុស្សាវរីយ៍

ក្នុងឱកាសនេះ លោកវរសេនីយ៍ឯក Luong Cao Khai មេបញ្ជាការរង នាយសេនាធិការនៃបញ្ជាការដ្ឋានតំបន់កងឆ្មាំសមុទ្រលេខ ១ បានសង្កត់ធ្ងន់ថា សកម្មភាពយាមល្បាតរួមគ្នាបង្ហាញពីកិច្ចសហប្រតិបត្តិការយ៉ាងជិតស្និទ្ធរបស់កងកម្លាំងអនុវត្តច្បាប់លើសមុទ្រនៃប្រទេសទាំងពីរនៅឈូងសមុទ្រតុងកឹង និងជាចំណុចភ្លឺសម្រាប់កិច្ចសហប្រតិបត្តិការអនុវត្តច្បាប់លើសមុទ្រក្នុងតំបន់ រួមចំណែកពូនជ្រំទំនាក់ទំនងមិត្តភាពជាប្រពៃណី និងរួមគ្នាកសាងតំបន់សមុទ្រនៃឈូងសមុទ្រតុងកឹងទៅជាសមុទ្រប្រកបដោយសន្តិភាព និងស្ថិរភាព និងគោរពច្បាប់។

ទិដ្ឋភាពនៃកិច្ចពិភាក្សារវាងភាគីទាំងពីរ

ក្នុងអំឡុងពេលអនុវត្តបេសកកម្ម កងឆ្មាំសមុទ្រនៃប្រទេសទាំងពីរនឹងអនុវត្តខ្លឹមសារដូចជា៖ ការពិភាក្សាដោយផ្ទាល់; ធ្វើការត្រួតពិនិត្យកប៉ាល់ និងទូករបស់អ្នកនេសាទនៃប្រទេសទាំងពីរ ដែលទាញយកជលផល និងផលសមុទ្រក្នុងតំបន់សមុទ្រជាប់នឹងខ្សែបន្ទាត់កំណត់ព្រំដែន; ផ្សព្វផ្សាយនិងអប់រំប្រជានេសាទនៃប្រទេសទាំងពីរឲ្យគោរពច្បាប់នៅពេលធ្វើសកម្មភាពនៅសមុទ្រ។

លោកវរសេនីយ៍ឯក Luong Cao Khai សន្ទនាតាមទូរស័ព្ទជាមួយភាគីចិន

ក្នុងអំឡុងពេលអនុវត្តការយាមល្បាតលើកនេះ កងឆ្មាំសមុទ្រវៀតណាមបានបង្កើតក្រុមការងារអន្តរកម្ម ដើម្បីត្រួតពិនិត្យ និងស្វែងយល់ដោយផ្ទាល់អំពីស្ថានភាពរបស់កប៉ាល់នេសាទវៀតណាម ដែលកំពុងធ្វើនេសាទនៅក្នុងតំបន់ ព្រមទាំងផ្សព្វផ្សាយអំពីការគោរពបទបញ្ញត្តិច្បាប់ និងអនុសាសន៍របស់គណៈកម្មការអឺរ៉ុប (EC) ស្តីពីការប្រយុទ្ធប្រឆាំងការធ្វើនេសាទខុសច្បាប់ ការមិនរាយការណ៍ និងគ្មានការអនុញ្ញត្តិ (IUU) ក៏ដូចជាការក្រើនរំលឹក ដោះស្រាយករណីរំលោភលើការធ្វើនេសាទ IUU។

កម្លាំងយាមល្បាតនៃកងឆ្មាំសមុទ្រ វៀតណាម-ចិន

យោងតាមផែនការ ការយាមល្បាតរួមគ្នានៅក្នុងតំបន់សមុទ្រជាប់នឹងខ្សែបន្ទាត់កំណត់ព្រំដែនឈូងសមុទ្រតុងកឹង នឹងបញ្ចប់នៅថ្ងៃទី ១ ខែធ្នូ៕

បកប្រែដោយ Huyen Trang