ជំរុញទំនាក់ទំនងរវាងរណសិរ្សមាតុភូមិវៀតណាម និងសភាប្រឹក្សានយោបាយប្រជាជនទូទាំងប្រទេសចិន

ប្រតិភូនៃប្រទេសទាំងពីរបានចូលរួមជំនួប​ប្រាស្រ័យ​មិត្តភាពវៀតណាម-ចិន (រូប​ថត៖ vnanet.vn)

ថ្លែងសុន្ទរកថាបើក លោកស្រី Nguyen Thi Thu Ha សមាជិកគណៈកម្មាធិការមជ្ឈិមបក្ស អគ្គលេខាធិការ នៃគណៈកម្មាធិការមជ្ឈិមរណសិរ្សមាតុភូមិវៀតណាមបានអះអាងថា វៀតណាមជានិច្ចកាលយកចិត្តទុកដាក់យ៉ាងខ្លាំងចំពោះការរក្សា និងអភិវឌ្ឍទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយវៀតណាម - ចិន ដោយចាត់ទុកថានេះជាគោលនយោបាយឥតងាករេ ជាយុទ្ធសាស្ត្ររយៈពេលវែង និងជាអាទិភាពកំពូលក្នុងគោលនយោបាយការបរទេសរបស់វៀតណាម។ ទន្ទឹមនឹងនោះ សង្ឃឹមថា ភាគីទាំងពីរនឹងបង្កើនថែមទៀតនូវការផ្លាស់ប្តូរ និងកិច្ចសហប្រតិបត្តិការ មិនត្រឹមតែរវាងរណសិរ្សមាតុភូមិវៀតណាម និងសភាប្រឹក្សានយោបាយប្រជាជនទូទាំងប្រទេសចិននៅកម្រិតមជ្ឈិមប៉ុណ្ណោះទេ ថែមទាំងនៅតាមស្ថាប័ន និងមូលដ្ឋាននានា ជាពិសេសនៅតាមមូលដ្ឋានជាប់ព្រំដែន ជំរុញការផ្លាស់ប្តូរប្រជាជន និងយុវជនជំនាន់ក្រោយនៃប្រទេសទាំងពីរ...

ប្រតិភូនៃប្រទេសទាំងពីរថតរូបជាមួយគ្នា (រូប​ថត៖ vnanet.vn)

ថ្លែងក្នុងជំនួបនេះ លោក Wang Yong សមាជិកគណៈកម្មាធិការមជ្ឈិមបក្សកុម្មុយនិស្តចិន អនុប្រធានសភាប្រឹក្សានយោបាយប្រជាជនទូទាំងប្រទេសចិន សង្ឃឹមថា ភាគីទាំងពីរនឹងជំរុញកិច្ចសហប្រតិបត្តិការជាគោលការណ៍ណែនាំ រួមចំណែកដល់ការអភិវឌ្ឍន៍ប្រកបដោយវិបុលភាពនៃ ប្រទេសទាំងពីរ ហើយយល់ជ្រួតជ្រាបអំពីការទស្សនៈរួមរបស់ថ្នាក់ដឹកនាំបក្សទាំងពីរ និងប្រទេសទាំងពីរ ជំរុញកិច្ចសហប្រតិបត្តិការលើគ្រប់វិស័យ ដើម្បីបង្កើតបរិយាកាសល្អ... នាំមកនូវសុភមង្គលជូនប្រជាជននៃប្រទេសទាំងពីរ និងពូនជ្រំចំណងមិត្តភាព។

កម្មវិធីសម្តែង​សិល្បៈផ្លាស់ប្តូរវប្បធម៌ និងមិត្តភាពរវាងវៀតណាម និងចិន(រូប​ថត៖ vnanet.vn)

ក្នុងឱកាសនេះ គណៈប្រតិភូគណៈកម្មាធិការមជ្ឈិមរណសិរ្សមាតុភូមិវៀតណាម និងគណៈប្រតិភូសភាប្រឹក្សានយោបាយប្រជាជនទូទាំងប្រទេសចិន បានចូលរួមសកម្មភាពនានាដូចជា៖ ចូលរួមពិធីបុណ្យមហាសាមគ្គីភាពប្រជាជននៅទីក្រុង Ha Long ទស្សនាឈូងសមុទ្រ Ha Long សារមន្ទីរខេត្ត Quang Ninh និងបណ្ណាល័យខេត្ត Quang Ninh បានចូលរួមពិធីដាំដើមដើមឈើនៅទីក្រុង Ha Long៕

បកប្រែដោយ Duy Hoan