វៀតណាម និងអូស្ត្រាលីផ្លាស់ប្តូរបទពិសោធន៍ស្តីពីស្ត្រី សន្តិភាព និងសន្តិសុខ

ទិដ្ឋភាពនៃកម្មវិធីផ្លាស់ប្តូរបទពិសោធន៍

កម្មវិធីនេះត្រូវបានរៀបចំដោយទម្រង់ផ្ទាល់ និងតាមប្រព័ន្ធវីដេអូ ជាមួយយោធិនស្ត្រីវៀតណាមដែលកំពុងបំពេញភារកិច្ចនៅស្ថានបេសកកម្មស៊ូដង់ខាងត្បូង និងតំបន់ Abyei។ នេះជាលើកទី៥ហើយ ដែលវៀតណាម និងអូស្ត្រាលីបានផ្លាស់ប្តូរបទពិសោធន៍លើប្រធានបទខាងលើនេះ។ អ្នកជំនាញវៀតណាម និងអូស្ត្រាលីដែលមានបទពិសោធន៍ជាច្រើន ចែករំលែក និងផ្លាស់ប្តូរលើខ្លឹមសារដូចខាងក្រោម៖ តួនាទីរបស់បុគ្គលិកស្ត្រីរក្សាសន្តិភាពរបស់អង្គការសហប្រជាជាតិ វិធីសាស្រ្តសម្រាប់បរិយាកាសប្រតិបត្តិការកាន់តែប្រសើរសម្រាប់បុគ្គលិកស្ដ្រីរបស់អង្គការសហប្រជាជាតិ និងលើកកម្ពស់តួនាទីគាំទ្ររបស់បុរសលើប្រធានបទ ស្ត្រី សន្តិភាព និងសន្តិសុខ ក្នុងវិស័យរក្សាសន្តិភាព។

អ្នកជំនាញវៀតណាម និងអូស្ត្រាលី ចែករំលែកខ្លឹមសារជាច្រើនទាក់ទងនឹងស្ត្រី សន្តិភាព និងសន្តិសុខ

សកម្មភាពផ្លាស់ប្តូរបទពិសោធន៍រវាងអូស្ត្រាលី និងវៀតណាមលើប្រធានបទស្ត្រី សន្តិភាព និងសន្តិសុខបានក្លាយទៅជាវេទិកាដ៏មានអត្ថប្រយោជន៍សម្រាប់ភាគីទាំងពីរចែករំលែកបទពិសោធន៍ និងបញ្ហាប្រឈមនានាដែលបានជួបប្រទះក្នុងអំឡុងពេលចូលរួមរក្សាសន្ដិភាពរបស់អង្គការសហប្រជាជាតិ តាមនោះ ពង្រឹងកិច្ចសហប្រតិបត្តិការក្នុងវិស័យនេះ។ រួមចំណែកបង្កើនការយល់ដឹងអំពីតួនាទីរបស់ស្ត្រីក្នុងការចូលរួមបេសកកម្មរួម។ ទន្ទឹមនឹងនោះ លើកសំណើដើម្បីលើកកម្ពស់ប្រសិទ្ធភាពនៃសកម្មភាពរក្សាសន្តិភាពរបស់អង្គការសហប្រជាជាតិ; បង្កើតបរិយាកាសការងារកាន់តែអំណោយផលសម្រាប់ស្ត្រីរក្សាសន្តិភាពរបស់អង្គការសហប្រជាជាតិ៕

បកប្រែដោយ Pham Diep