អ៊ីស្រាអែលបន្តបដិសេធការបង្កើតរដ្ឋប៉ាឡេស្ទីន

សេចក្តីប្រកាសរបស់រដ្ឋមន្ត្រីការបរទេសអ៊ីស្រាអែលថ្មី ដែលបដិសេធការបង្កើតរដ្ឋប៉ាឡេស្ទីន ត្រូវបានធ្វើឡើងមួយថ្ងៃបន្ទាប់ពីប្រធានាធិបតីប៉ាឡេស្ទីន លោក Mahmoud Abbas បានបញ្ជាក់ថា សន្តិសុខនិងស្ថិរភាពក្នុងតំបន់អាចសម្រេចបានលុះត្រាតែបង្កើតរដ្ឋប៉ាឡេស្ទីនឯករាជ្យ និងអធិបតេយ្យភាព។

កុមារសម្រាកនៅម្ខាងផ្លូវ បន្ទាប់ពីត្រូវបានជម្លៀសចេញពីមន្ទីរពេទ្យ Nasser ក្នុងទីក្រុង Khan Younis។ រូបថត៖ REUTERS

នាថ្ងៃដដែលនោះ កិច្ចប្រជុំកំពូលអារ៉ាប់-ឥស្លាមបានចេញសេចក្តីថ្លែងការណ៍រួមមួយ ដោយថ្កោលទោសសកម្មភាពរបស់អ៊ីស្រាអែលនៅតំបន់ហ្គាហ្សា និងក្នុងប្រទេសលីបង់ ដោយគៀងគរការគាំទ្រពីអន្តរជាតិ ដើម្បីទប់ស្កាត់ការចូលរួមពីអ៊ីស្រាអែលនៅក្នុងអង្គការសហប្រជាជាតិ ក៏ដូចជាបានបញ្ជាក់ពីមជ្ឈភាពនៃបុព្វហេតុរបស់ប្រជាជនប៉ាឡេស្ទីន។ សេចក្តីថ្លែងការណ៍រួមបានថ្កោលទោសគោលនយោបាយដាក់ទណ្ឌកម្មជាសមូហភាពដែលអ៊ីស្រាអែលប្រដេញតាម ក៏ដូចជាការប្រើប្រាស់ការឡោមព័ទ្ធនិងភាពអត់ឃ្លានជាអាវុធប្រឆាំងនឹងជនស៊ីវិលនៅហ្គាហ្សា; ហើយបានថ្កោលទោសសភាអ៊ីស្រាអែលដែលបានអនុម័តលើច្បាប់ហាមប្រាមទីភ្នាក់ងារសង្គ្រោះជនភៀសខ្លួនប៉ាឡេស្ទីន (UNRWA) របស់អង្គការសហប្រជាជាតិ ប្រតិបត្តិការនៅក្នុងប្រទេសនេះ៕

តាម vovworld.vn