អបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាម និងបើកការិយាល័យអនុព័ន្ធយោធាវៀតណាមនៅប្រទេសឈីលី

លោកប្រធានរដ្ឋ Luong Cuong សមាជិកការិយាល័យនយោបាយ ប្រធានក្រុមប្រឹក្សាការពារជាតិ និងសន្តិសុខ ប្រមុខកងកម្លាំងប្រដាប់អាវុធប្រជាជនវៀតណាមបានអញ្ជើញចូលរួមពិធី។

គណៈប្រតិភូវៀតណាម និងអន្តរជាតិអញ្ជើញចូលរួមពិធី

លោកប្រធានរដ្ឋ Luong Cuong និងលោករដ្ឋមន្ត្រីក្រសួងការពារប្រទេស​ Phan Van Giang អញ្ជើញធ្វើពិធីបើកការិយាល័យអនុព័ន្ធការពារវៀតណាមនៅប្រទេសឈីលី

ក្នុងសុន្ទរកថា លោកនាយឧត្តមសេនីយ៍ Phan Van Giang បានបញ្ជាក់ថា នៅថ្ងៃទី ២២ ខែធ្នូ ឆ្នាំ១៩៤៤ អនុវត្តការណែនាំរបស់លោកប្រធានហូជីមិញ ក្រុម ឃោសនារំដោះវៀតណាម ដែលជាប្រភពដើមនៃកងទ័ពប្រជាជនវៀតណាមសព្វថ្ងៃត្រូវបានបង្កើតឡើង។ រក្សា និងលើកតម្កើងស្មារតីស្នេហាជាតិ សិល្បៈយោធាដ៏វិសេសវិសាលរបស់ប្រជាជនវៀតណាម និងការគាំទ្ររបស់មិត្តភ័ក្តិអន្តរជាតិ ក្រោយ ៨០ ឆ្នាំនៃការកសាង ប្រយុទ្ធ និងរីកចម្រើន កងទ័ពប្រជាជនវៀតណាមបានអភិវឌ្ឍឥតឈប់ឈរ ជានិច្ចកាលបង្ហាញពីភាពអង់អាចក្លាហានរបស់កងទ័ពបដិវត្តន៍ កើតចេញពីប្រជាជន តស៊ូដើម្បីប្រជាជន សក្តិសមជាកម្លាំងនយោបាយពិសេស ជាកម្លាំងប្រយុទ្ធដ៏ស្មោះត្រង់ ទំនុកចិត្តរបស់បក្ស រដ្ឋ និងប្រជាជនវៀតណាម។

លោកប្រធានរដ្ឋ Luong Cuong ប្រគល់រូបលោកប្រធានហូជីមិញ ដល់ការិយាល័យអនុព័ន្ធការពារវៀតណាមប្រចាំប្រទេសឈីលី

ដោយអះអាងថា ការការពារជាតិរបស់វៀតណាម គឺជាការការពារជាតិរបស់ប្រជាជនទាំងអស់ មានលក្ខណៈសន្តិភាព និងស្វ័យការពារ ទប់ស្កាត់ និងទប់ទល់ហានិភ័យនៃសង្គ្រាម លោកនាយឧត្តមសេនីយ៍ Phan Van Giang បានបញ្ជាក់យ៉ាងច្បាស់ថា បក្ស និងរដ្ឋវៀតណាម មានគោលការណ៍អភិវឌ្ឍន៍សេដ្ឋកិច្ចសង្គមដែលផ្សារភ្ជាប់ជាមួយការការពារជាតិ សន្តិសុខ កិច្ចការបរទេស។ សម្របសម្រួលសកម្មភាពការពារជាតិ និងសន្តិសុខយ៉ាងជិតស្និទ្ធជាមួយសកម្មភាពកិច្ចការបរទេស។ វៀតណាមបន្តអនុវត្តគោលនយោបាយការពារជាតិ “៤ មិន”។ ក្នុងប៉ុន្មានឆ្នាំថ្មីៗនេះ កងទ័ពប្រជាជនវៀតណាមតែងតែជំរុញយ៉ាងសកម្មនូវសមាហរណកម្មអន្តរជាតិ និងការទូតការពារជាតិទាំងកម្រិតទ្វេភាគី និងពហុភាគី ដើម្បីសម្រេចបានលទ្ធផលជាក់ស្តែង។ មកដល់បច្ចុប្បន្ន វៀតណាមបានចូលរួមក្នុងវេទិកាការពារជាតិ និងយោធាពហុភាគីក្នុងតំបន់ និងអន្តរជាតិជាច្រើន មានទំនាក់ទំនងកិច្ចសហប្រតិបត្តិការលើវិស័យការពារជាតិជាមួយប្រទេសជាង ១០០ រួមទាំងការបង្កើតការិយាល័យអនុព័ន្ធការពារជាតិក្នុង ៣៥ ប្រទេស និងអង្គការសហប្រជាជាតិ។ មានប្រទេសចំនួន ៤២ ដែលបានបង្កើតការិយាល័យអនុព័ន្ធការពារ យោធានៅវៀតណាម។

លោករដ្ឋមន្ត្រី Phan Van Giang អញ្ជើញថ្លែងមតិក្នុងពិធីបើកការិយាល័យអនុព័ន្ធការពារវៀតណាមប្រចាំប្រទេសឈីលី

លោកនាយឧត្តមសេនីយ៍ Phan Van Giang បានសង្កត់ធ្ងន់ថា សម្រាប់ប្រទេសឈីលី ការអនុវត្តគោលនយោបាយជំរុញទំនាក់ទំនងរវាងប្រទេសទាំងពីរ រួមទាំងវិស័យយោធា និងការពារជាតិ ត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរបានឯកភាពគ្នាក្នុងជំនួបនាពេលថ្មីៗនេះ។ ក្នុងឱកាសនេះ តាងនាមឱ្យក្រសួងការពារប្រទេសវៀតណាម លោកនាយឧត្តមសេនីយ៍ Phan Van Giang បានប្រកាសបើកការិយាល័យអនុព័ន្ធការពារជាតិវៀតណាមប្រចាំនៅប្រទេសឈីលី។

លោកប្រធានរដ្ឋ Luong Cuong លោករដ្ឋមន្ត្រី Phan Van Giang និងគណៈប្រតិភូបានទស្សនាការតាំងបង្ហាញរូបថតសមិទ្ធិផលរបស់កងទ័ពប្រជាជនវៀតណាម

លោកនាយឧត្តមសេនីយ៍ Phan Van Giang បានស្នើឱ្យស្ថាប័ន អង្គភាពនានាក្នុងក្រសួងការពារប្រទេស តាមតួនាទីភារកិច្ចរបស់ខ្លួន សម្របសម្រួល និងដឹកនាំការិយាល័យអនុព័ន្ធយោធាវៀតណាមប្រចាំនៅឈីលី អនុវត្តភារកិច្ចប្រកបដោយប្រសិទ្ធភាព  ផ្តល់យោបល់រៀបចំបានល្អរាល់សកម្មភាពដើម្បីជម្រុញកិច្ចសហប្រតិបត្តិការលើវិស័យការពារជាតិរបស់វៀតណាមជាមួយឈីលី និងប្រទេសដទៃទៀត។

បកប្រែដោយ Thanh Cong