កងទ័ពវៀតណាមរួមដៃផ្លាស់ប្តូរតំបន់ Abyei

មុនរដូវភ្លៀងធ្លាក់ កងវិស្វកម្មលេខ៣ បានទទួលសំណើរជាច្រើនពីមន្ទីរពេទ្យគ្មានព្រំដែន ក្រសួងព័ត៌មាន វប្បធម៌ យុវជន និងកីឡា ក្រសួងអប់រំ និងក្រសួងធនធានធម្មជាតិនិងបរិស្ថានជាមួយមន្ទីរពេទ្យ និងព្រះវិហារ Abyei អំពីការជួយសាងសង់មជ្ឈមណ្ឌលផ្ដល់ព័ត៌មាន ជួសជុលផ្លូវដើម្បីធានាការធ្វើដំណើរក្នុងការជួយសង្គ្រោះបន្ទាន់ និងសំណង់នានានៅកណ្តាលទីរួមស្រុក Abyei។

ការសាងសង់គ្រឹះបន្ទប់ទឹក និងកន្លែងបោកអ៊ុតសហគមន៍នៅទីរួមស្រុក Abyei

ទីរួមស្រុក Abyei មានប្រជាជនជាង ៥០,០០០ នាក់រស់នៅ ស្ទើរតែគ្មានប្រព័ន្ធលូ ហើយមានទីតាំងទាបៗជាច្រើន ដូច្នេះនៅរដូវភ្លៀងធ្លាក់ក្លាយជាអាងស្តុកទឹក។ បរិស្ថាននៅទីនេះមានការបំពុលយ៉ាងខ្លាំង ដោយសារតែកាកសំណល់ក្នុងផ្ទះ និងសត្វងាប់។ ប៉ុន្តែ បង្គន់និងកន្លែងងូតទឹកស្ថិតនៅចម្ងាយប្រហែល ៥០០ ម៉ែត្រ ភាគពាយព្យនៃស្ថានបេសកកម្ម UNISFA។

បន្ទាប់ពីរួមជាមួយទីភ្នាក់ងារប្រតិបត្តិការរវាងជនស៊ីវិល និងយោធា (CIMIC) របស់ស្ថានបេសកកម្ម និងអាជ្ញាធរមូលដ្ឋានទៅពិនិត្យ កងវិស្វកម្មវៀតណាមបានបញ្ជូនកម្លាំង យានយន្ត និងម៉ាស៊ីន ទៅដឹកជញ្ជូនដីបានជាង ២៥០m3 ដើម្បីសាងសង់ទីធ្លាមួយដែលមានផ្ទៃដីសរុបជិត ១,០០០ m2 សម្រាប់ក្រសួងព័ត៌មាន វប្បធម៌ យុវជន និងកីឡា។

គ្រឹះនៃទីស្នាក់ការក្រសួងព័ត៌មាន វប្បធម៌ យុវជន និងកីឡា ត្រូវបានដំឡើង

លោក Bol Aguer Koch រដ្ឋមន្ត្រីក្រសួងព័ត៌មាន វប្បធម៌ យុវជន និងកីឡា បានថ្លែងថា “យើងសូមអរគុណយ៉ាងជ្រាលជ្រៅចំពោះមិត្តវៀតណាមដែលជួយយើងជួសជុល និងសាងសង់ទីធ្លានៃតំបន់នេះ។ នេះគឺជាតំបន់ដែលយើងទទួលស្វាគមន៍អាជ្ញាធរគ្រប់លំដាប់ថ្នាក់មកធ្វើការ ក៏ដូចជារៀបចំព្រឹត្តិការណ៍ និងសកម្មភាពសហគមន៍។ អរគុណមិត្តវៀតណាមដែលបានមកជួយយើង...”។

បន្ទាប់មក កងវិស្វកម្មលេខ៣ បន្តបញ្ជូនកម្លាំង យានយន្ត និងម៉ាស៊ីន ទៅសាងសង់ផ្លូវប្រវែង ២ គីឡូម៉ែត្រ ដែលនាំទៅកាន់បន្ទប់ទឹកសហគមន៍ និងកន្លែងបោកអ៊ុត។

យោងតាមលោកវរសេនីយ៍ទោ Pham Van Hao មេបញ្ជាការកងវិស្វកម្មលេខ៣ បានឲ្យដឹងថា នាពេលកន្លងមកនេះ កម្មាភិបាល និងបុគ្គលិកទាំងមូលបានខិតខំប្រឹងប្រែងជំនះការលំបាក និងសាមគ្គីគ្នាដើម្បីបំពេញឲ្យបានល្អនូវភារកិច្ចដែលស្ថានបេសកកម្មប្រគល់ជូន។ អង្គភាពក៏មានវិធីសាស្រ្តប្រកបដោយប្រសិទ្ធភាពជាច្រើនដើម្បីជួយជីវភាពរស់នៅនៃប្រជាជន បន្សល់ទុកនូវចំណាប់អារម្មណ៍ល្អសម្រាប់អាជ្ញាធរ និងប្រជាជននៅ Abyei៕

បកប្រែដោយ Thuy Anh