កិច្ចប្រជុំបូកសរុបការជួបប្រាស្រ័យ “កងឆ្មាំសមុទ្រវៀតណាម និងមិត្តភក្តិ” ជាលើកទី២

លោកឧត្តមសេនីយ៍ទោ Le Quang Dao ថ្លែងក្នុង​កិច្ចប្រជុំ

ប្រព្រឹត្តទៅចាប់ពីថ្ងៃទី ១៧ ដល់ថ្ងៃទី ២១ ខែធ្នូ ឆ្នាំ ២០២៤ នៅទីក្រុងហាណូយ កម្មវិធីជួបប្រាស្រ័យ “កងឆ្មាំសមុទ្រវៀតណាម និងមិត្តភក្តិ លើកទី២” បានរួមចំណែកពង្រឹងការយល់ដឹង និងទំនុកចិត្តគ្នាទៅវិញទៅមករវាងកងឆ្មាំសមុទ្រវៀតណាមជាមួយកងកម្លាំងអនុវត្តច្បាប់លើសមុទ្រនៃប្រទេសនានាក្នុងតំបន់។ ទន្ទឹមនឹងនោះ កម្មវិធីបានបង្កើតវេទិការសម្រាប់កងកម្លាំងនានាបង្ហាញការឯកភាពគ្នា និងការប្តេជ្ញាចិត្តខ្ពស់ក្នុងការលើកកម្ពស់ និងបង្កើនប្រសិទ្ធភាពនៃកិច្ចសហប្រតិបត្តិការលើវិស័យផ្សេងៗ ដើម្បីកសាងតំបន់សមុទ្រប្រកបដោយសុវត្ថិភាព សន្តិសុខ សាមគ្គីភាព និងមិត្តភាព។

ទិដ្ឋភាពនៃកិច្ចប្រជុំ​

ថ្លែងមតិក្នុងកិច្ចប្រជុំ លោកឧត្តមសេនីយ៍ទោ Le Quang Dao បានថ្លែងអំណរគុណចំពោះស្ថាប័ន និងអង្គភាពពាក់ព័ន្ធបានសម្របសម្រួល សហប្រតិបត្តិការយ៉ាងជិតស្និទ្ធ ដោយធានាថាកម្មវិធីជួបប្រាស្រ័យលើកទីពីរទទួលបានជោគជ័យយ៉ាងទូលំទូលាយ និងមានអត្ថន័យជាក់ស្តែង និងបង្កើតការរីករាលដាលយ៉ាងទូលំទូលាយ។ ដើម្បីកែលម្អសកម្មភាពផ្លាស់ប្តូរ និងកិច្ចសហប្រតិបត្តិការអន្តរជាតិ នាពេលខាងមុខ កងឆ្មាំសមុទ្រវៀតណាមនឹងស្រាវជ្រាវ និងស្នើបង្កើនចំនួនប្រទេសចូលរួមកម្មវិធីជួបប្រាស្រ័យ “កងឆ្មាំសមុទ្រវៀតណាម និងមិត្តភក្តិតិ” ជាលើកទី៣ ព្រមទាំងបន្ថែមសកម្មភាពថែមទៀត៕

បកប្រែដោយ Duy Hoan