វៀតណាមចាត់បញ្ជូនមនាយទាហានទៅចូលរួមបេសកកម្មរក្សាសន្តិភាពរបស់អង្គការសហប្រជាជាតិ

លោកឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស សមាជិកអចិន្ត្រៃយ៍នៃគណៈកម្មាធិការបក្យយោធាមជ្ឈិម អនុរដ្ឋមន្ត្រីក្រសួងការពារប្រទេស ប្រធានក្រុមការងារអន្តរស្ថាប័ន ប្រធានគណៈកម្មាធិការដឹកនាំក្រសួងការពារប្រទេសស្ដីពីការចូលរួមសកម្មភាពរក្សាសន្តិភាពអង្គការសហប្រជាជាតិ បានអញ្ជើញជាអធិបតីក្នុងពិធី។

លោកឧត្តមសេនីយ៍ឯក Hoang Xuan Chien ប្រគល់សេចក្តីសម្រេចរបស់ប្រធានរដ្ឋដល់នាយទាហានចំនួន ៨ រូប

នាយទាហានដែលទៅបំពេញភារកិច្ចលើកនេះគឺជានាយទាហានឆ្នើម ដែលត្រូវបានជ្រើសរើសពីកងទ័ពជើងទឹក ទ័ពការពារដែនអាកាស-ទ័ពជើងអាកាស អង្គភាពវិទ្យុទាក់ទង បញ្ជាការដ្ឋានរដ្ឋធានីហាណូយ និងវិទ្យាស្ថាននយោបាយ និងសាលានាយទាហានទ័ពជើងគោក។ នាយទាហានទាំង៨រូបបានចូលរួមក្នុងការហ្វឹកហ្វឺន ដោយបំពេញតាមតម្រូវការរបស់អង្គការសហប្រជាជាតិ ក៏ដូចជាក្រសួងការពារប្រទេសដើម្បីអនុវត្តការងាររក្សាសន្តិភាព។

លោកឧត្តមសេនីយ៍ឯក Hoang Xuan Chien បានអបអរសាទរចំពោះនាយទាហានដែលទៅបំពេញភារកិច្ច។ លោកបានសម្តែងការជឿជាក់ថា ទោះបីជាស្ថិតក្នុងឋានៈណាក៏ដោយ នាយទាហាននឹងបំពេញភារកិច្ចរបស់ខ្លួន សក្តិសមជាអ្នកនាំសារសន្តិភាពរបស់វៀតណាម។ រួមចំណែករីកសាយភាយចរិតល្អនៃរូបភាពកងទ័ពអ៊ំ ហូ ក៏ដូចជារូបភាពប្រទេស និងប្រជាជនវៀតណាម។ ហើយស្នើឲ្យនាយទាហានត្រូវធានាសុវត្ថិភាពជាដាច់ខាតក្នុងដំណើរការអនុវត្ដភារកិច្ច ព្រោះស្ថានភាពសន្តិសុខមានភាពស្មុគស្មាញខ្លាំង និងមិនអាចទាយទុកជាមុនបាន ព្រមទាំងបង្ហាញភាពក្លាហាន និងសមត្ថភាពវិជ្ជាជីវៈចំពោះមុខមិត្ដអន្តរជាតិ។

លោកឧត្តមសេនីយ៍ឯក Hoang Xuan Chien អញ្ជើញជាអធិបតីនៃពិធី

នាយទាហានចំនួន ៨ រូប មានកិត្ដិយសទទួលបានសេចក្តីសម្រេចរបស់ប្រធានរដ្ឋ និងសេចក្តីសម្រេចរបស់រដ្ឋមន្ត្រីក្រសួងការពារប្រទេស

ចែករំលែក និងលើកទឹកចិត្តនាយទាហានដែលទទួលសេចក្តីសម្រេចលើកនេះ លោកឧត្តមសេនីយ៍ឯក Hoang Xuan Chien បានស្នើឱ្យអង្គភាពធ្វើបានល្អក្នុងការត្រៀមរៀបចំបុណ្យចូលឆ្នាំថ្មីសម្រាប់កងកម្លាំងរក្សាសន្តិភាពកំពុងបំពេញបេសកកម្មនៅឆ្ងាយពីមាតុភូមិ៕

បកប្រែដោយ Pham Diep