កងពេទ្យកម្រិត ២ លេខ ៦ ទប់ស្កាត់ការរីករាលដាលនៃជំងឺអាសន្នរោគនៅស៊ូដង់ខាងត្បូង

ជំងឺអាសន្នរោគបានចាប់ផ្តើមផ្ទុះឡើងយ៉ាងខ្លាំងនៅតំបន់ Bentiu ស៊ូដង់ខាងត្បូង ចាប់ពីដើមខែធ្នូ ឆ្នាំ២០២៤ ដែលបង្កបញ្ហាប្រឈមធំដល់ការងារសុខភាពនៅក្នុងតំបន់។ ប្រឈមមុខនឹងស្ថានភាពនោះ កងពេទ្យកម្រិត២ លេខ៦ បានអនុវត្តវិធានការជាបន្តបន្ទាប់ដើម្បីការពារសុខភាពបុគ្គលិកអង្គការសហប្រជាជាតិ និងសហគមន៍មូលដ្ឋាន។ បន្ទាប់ពីទទួលបានព័ត៌មានអំពីការផ្ទុះឡើងនៃជំងឺអាសន្នរោគ ភ្លាមៗកងពេទ្យបានបង្កើតគណៈកម្មាធិការដឹកនាំសម្រាប់ការបង្ការជំងឺ ដើម្បីរៀបចំផែនការឆ្លើយតបទាន់ពេលវេលា។

សម្លាប់មេរោគក្នុងបរិវេណកងពេទ្យ

កងពេទ្យបានរៀបចំវគ្គបណ្តុះបណ្តាលដើម្បីបង្កើនការយល់ដឹង និងជំនាញបង្ការជំងឺអាសន្នរោគ ដោយផ្តល់ព័ត៌មានពាក់ព័ន្ធជូនបុគ្គលិក  ត្រៀមរៀបចំថ្នាំពេទ្យនិងការផ្គត់ផ្គង់ចាំបាច់មួយចំនួនធំដូចជាថ្នាំពេទ្យ  ថ្នាំសំលាប់មេរោគ និងសម្លៀកបំពាក់ការពារ។ល។ ដំឡើងប្រព័ន្ធអនាម័យ ដោយថ្នាំសំលាប់មេរោគរហ័សក្នុងតំបន់ដែលមានហានិភ័យខ្ពស់នៃការឆ្លងដូចជា ច្រកទ្វារចូលកងពេទ្យ បន្ទប់បាយ កន្លែងស្នាក់នៅរបស់បុគ្គលិក សម្លាប់មេរោគក្នុងបរិវេណ ដោយសារធាតុគីមី chloramine B ធានាថាបរិស្ថានស្អាតជានិច្ច។

ការបណ្តុះបណ្តាលលើកកម្ពស់ការយល់ដឹង និងជំនាញលើការការពារ និងគ្រប់គ្រងជំងឺអាសន្នរោគ ផ្តល់ព័ត៌មានពាក់ព័ន្ធដល់បុគ្គលិករបស់កងពេទ្យ

កងពេទ្យកម្រិត ២ លេខ ៦ វៀតណាម បង្វឹកបង្ហាត់ជំនាញស្តីពីការការពារជំងឺអាសន្នរោគសម្រាប់អង្គភាពរបស់ប្រទេសមិត្ដ

ដោយមានការខិតខំប្រឹងប្រែង និងការសម្របសម្រួលយ៉ាងជិតស្និទ្ធ រហូតមកដល់ពេលនេះ កងពេទ្យមិនទាន់កត់ត្រាករណីជំងឺអាសន្នរោគណាមួយក្នុងចំណោមបុគ្គលិក ឬ អង្គភាពរបស់ប្រទេសមិត្ដឡើយ។ វិធានការការពារជំងឺអាសន្នរោគមានប្រសិទ្ធភាព ធានាបាននូវបរិយាកាសសុវត្ថិភាពសម្រាប់សកម្មភាពវេជ្ជសាស្ត្រ។

នាពេលខាងមុខ កងពេទ្យនឹងបន្តតាមដានយ៉ាងដិតដល់នូវស្ថានភាពជំងឺអាសន្នរោគ បង្កើនការឃោសនា ត្រួតពិនិត្យជាប្រចាំ និងរក្សាវិធានការបង្ការ។ ខិតខំប្រឹងប្រែងរបស់កងពេទ្យមិនត្រឹមតែជួយគ្រប់គ្រងជំងឺរាតត្បាតប៉ុណ្ណោះទេ ថែមទាំងបញ្ជាក់ពីការទទួលខុសត្រូវ និងជំនាញខ្ពស់របស់កងកម្លាំងពេទ្យយោធា​វៀតណាមក្នុងបេសកកម្មរក្សាសន្តិភាពអន្តរជាតិទៀតផង៕

បកប្រែដោយ Pham Diep