លើកកំពស់គុណភាពនៃការកសាងមជ្ឈមណ្ឌលត្រូពិច វៀតណាម-រុស្សី ជាគំរូ

នៅឆ្នាំ២០២៥ គណៈកម្មាធិការបក្សនៃមជ្ឈមណ្ឌលត្រូពិច វៀតណាម-រុស្ស៊ី  បានផ្តោតសំខាន់លើការដឹកនាំការអនុវត្តសេចក្តីសម្រេចចិត្តដឹកនាំការអនុវត្តភារកិច្ចយោធា ការពារជាតិ និងកសាងបក្សភាគកងទ័ពឆ្នាំ២០២៥ របស់គណៈកម្មាធិការបក្សយោធាមជ្ឈិម សេចក្តីសម្រេចចិត្តរបស់សម័យប្រជុំលើកទី ៣៥ នៃគណៈកម្មាធិការសម្របសម្រួលអន្តររដ្ឋាភិបាលស្តីពីមជ្ឈមណ្ឌលត្រូពិក វៀតណាម-រុស្ស៊ី ការសន្និដ្ឋានរបស់អនុគណៈកម្មាធិការវៀតណាម; ជំរុញការស្រាវជ្រាវវិទ្យាសាស្ត្រ ការអនុវត្ត ការផ្ទេរបច្ចេកវិទ្យា និងសេវាកម្មវិទ្យាសាស្ត្រ និងបច្ចេកទេស ឆ្ពោះទៅរកការអនុវត្តការងារយោធា និងការពារជាតិ; កសាងផែនការ និងរៀបចំការអនុវត្តយុទ្ធសាស្ត្រអភិវឌ្ឍន៍មជ្ឈមណ្ឌលត្រូពិច វៀតណាម-រុស្ស៊ី រហូតដល់ឆ្នាំ២០៣៥; ដឹកនាំមហាសន្និបាតបក្សគ្រប់លំដាប់ថ្នាក់ និងរៀបចំមហាសន្និបាតតំណាងគណៈកម្មាធិការបក្សនៃមជ្ឈមណ្ឌលត្រូពិក វៀតណាម-រុស្ស៊ីលើកទី៨ ប្រកបដោយជោគជ័យ។

លោកឧត្តមសេនីយ៍ឯក Nguyen Van Nghia ចូលរួម និងដឹកនាំកិច្ចប្រជុំ

ថ្លែងមតិដឹកនាំកិច្ចប្រជុំ លោកឧត្តមសេនីយ៍ឯក Nguyen Van Nghia បានស្នើឲ្យគណៈកម្មាធិការបក្សនៃមជ្ឈមណ្ឌលត្រូពិក វៀតណាម-រុស្ស៊ី ផ្តោតលើការដឹកនាំអនុវត្តឲ្យបានហ្មត់ចត់នូវសេចក្តីសម្រេចចិត្ត សារាចរ និងបទប្បញ្ញត្តិរបស់ថ្នាក់លើស្តីពីការងារកសាងបក្ស; ក្តាប់យ៉ាងម៉ឺងម៉ាត់នូវស្ថានការណ៍ ផ្តល់យោបល់ និងលើកសំណូមពរជូនគណៈកម្មាធិការបក្សយោធាមជ្ឈិម ក្រសួងការពារប្រទេស និងគណៈកម្មាធិការសម្របសម្រួលអន្តររដ្ឋាភិបាលនៃមជ្ឈមណ្ឌលត្រូពិច វៀតណាម-រុស្ស៊ី ដើម្បីបន្តពង្រីកកិច្ចសហប្រតិបត្តិការស្រាវជ្រាវវិទ្យាសាស្ត្រ និងពង្រឹងការអនុវត្ត និងផ្ទេរបច្ចេកវិទ្យាបម្រើភារកិច្ចយោធា និងការពារជាតិ; អនុវត្តយ៉ាងម៉ឺងម៉ាត់នូវដំណោះស្រាយលើកកម្ពស់គុណភាពនៃការកសាងមជ្ឈមណ្ឌលជាគំរូមួយ៕

បកប្រែដោយ Huyen Trang