លោកអគ្គលេខាបក្ស To Lam អញ្ជើញមកបំពេញទស្សនកិច្ចការងារនៅខេត្ត Binh Phuoc

នារសៀលថ្ងៃទី៥ ខែមករា លោកអគ្គលេខាបក្ស To Lam បានដឹកនាំគណៈប្រតិភូមជ្ឈិមបក្សអញ្ជើញមកបំពេញទស្សនកិច្ច និងអញ្ជើញជាអធិបតីនៃកិច្ចប្រជុំធ្វើការជាមួយនគរបាលខេត្ត Binh Phuoc។

លោកអគ្គលេខាបក្ស To Lam ថ្លែងក្នុងកិច្ចប្រជុំធ្វើការ

លោកអគ្គលេខាបក្ស To Lam បានកោតសរសើរចំពោះកងកម្លាំងនគរបាលខេត្ត ដែលបង្ហាញតួនាទីរបស់ខ្លួនជាកម្លាំងឈានមុខគេក្នុងការការពារសន្តិសុខនយោបាយ រក្សាសន្តិសុខតាមព្រំដែន ធានាសណ្តាប់ធ្នាប់ សុវត្ថិភាពសង្គម។ លោកអគ្គលេខាបក្សបានស្នើឲ្យកម្លាំងទាំងមូលត្រូវបង្ហាញការប្តេជ្ញាចិត្តក្នុងការសម្រេច និងសម្រេចលើសពីគោលដៅនៃផែនការការងារឆ្នាំ២០២៥ ដោយកំណត់នូវភារកិច្ចនយោបាយកំពូលគឺបម្រើឱ្យល្អបំផុតសម្រាប់សកម្មភាពសេដ្ឋកិច្ច-នយោបាយ-វប្បធម៌-សង្គម-សន្តិសុខ-ការពារជាតិ។ ជាពិសេស នគរបាលខេត្តត្រូវអនុវត្តឱ្យបានហ្មត់ចត់នូវគោលនយោបាយរៀបចំ បង្រួមក្បាលម៉ាស៊ីនរបស់ប្រព័ន្ធនយោបាយ និងកម្លាំងនគរបាលប្រជាជន។ ទន្ទឹមនឹងនោះ ពង្រឹងកំណែទម្រង់រដ្ឋបាល លើកកម្ពស់តួនាទីឈានមុខគេ ដឹកនាំការធ្វើបរិវត្តកម្មឌីជីថល និងការច្នៃប្រឌិត។

លោក To Lam និង​ប្រតិភូទាំង​ឡាយ​

ក្នុងឱកាសនេះ លោកអគ្គលេខាបក្ស To Lam ក៏បានស្នើឱ្យខេត្ត Binh Phuoc ពង្រឹងការអនុវត្តវិទ្យាសាស្ត្រ និងបច្ចេកវិទ្យាទំនើបក្នុងការគ្រប់គ្រងរដ្ឋ កែលំអបរិយាកាសវិនិយោគអាជីវកម្ម បង្កើតលក្ខខណ្ឌល្អបំផុតសម្រាប់ប្រជាជន និងសហគ្រាសដំណើរការផលិតកម្ម និងអាជីវកម្មក្នុងតំបន់។ បន្តដាក់ពង្រាយ និងមានកម្មវិធីពិសេសដើម្បីជួយប្រជាជនគ្រប់ជនជាតិ ជាពិសេសប្រជាជននៅតំបន់ព្រំដែន និងតំបន់ជួបការលំបាកអាចទទួលបានកម្មវិធីដោះស្រាយនីតិវិធីរដ្ឋបាលក្នុងវេទិកាឌីជីថល៕

បកប្រែដោយ Duy Hoan