កងទ័ពការពារព្រំដែនវៀតណាម និងកងទ័ពការពារព្រំដែនចិនពិភាក្សាអំពីការគ្រប់គ្រង និងការពារព្រំដែន

ក្នុងរយៈពេលកន្លងមក ភាគីទាំងពីរបានអនុវត្តព្រមៗគ្នានូវយន្តការសហប្រតិបត្តិការក្នុងការគ្រប់គ្រងការពារព្រំដែន បង្កើនការផ្លាស់ប្តូរព័ត៌មាន ការជួបជុំនៅតាមព្រំដែន ការយាមល្បាតរួមគ្នា រកឃើញ និងចរចាភ្លាមៗ ដើម្បីដោះស្រាយបានល្អនូវបញ្ហាព្រំដែន រក្សាស្ថិរភាព និងសន្តិសុខនៅតំបន់ព្រំដែន បង្កើតបរិយាកាសសន្តិសុខ សុវត្ថិភាព និងអំណោយផលសម្រាប់សកម្មភាពពាណិជ្ជកម្ម សេវាកម្ម និងទេសចរណ៍ ជំរុញការអភិវឌ្ឍសេដ្ឋកិច្ច និងសង្គមនៅតំបន់ព្រំដែននៃភាគីទាំងពីរ ដោយបើកឱកាសថ្មីៗសម្រាប់ការផ្លាស់ប្តូរសេដ្ឋកិច្ច និងពាណិជ្ជកម្ម។

ភាគីទាំងពីរពិភាក្សាជាមួយគ្នា

នៅពេលខាងមុខ ភាគីទាំងពីរនឹងបន្តអនុវត្តយ៉ាងម៉ឺងម៉ាត់នូវទស្សនៈរួមរបស់ថ្នាក់ដឹកនាំប្រទេសទាំងពីរ កិច្ចព្រមព្រៀងពាក់ព័ន្ធនឹងការគ្រប់គ្រង ការការពារព្រំដែន និងកិច្ចសហប្រតិបត្តិការព្រំដែន។ ពង្រឹងការឃោសនា និងការអប់រំសម្រាប់ប្រជាជន ស្ថាប័ន និងអង្គភាពនានានៅតំបន់ព្រំដែន ដើម្បីយល់ និងអនុវត្តតាមយ៉ាងតឹងរ៉ឹងនូវឯកសារច្បាប់ទាំងបីស្តីពីព្រំដែន និងកិច្ចព្រមព្រៀងទ្វេភាគីដែលភាគីទាំងពីរបានចុះហត្ថលេខា។ ភាគីទាំងពីរបន្តអនុវត្ត និងដឹកនាំអង្គភាពក្រោមឧវាទ ដើម្បីអនុវត្តយន្តការយាមល្បាតរួមគ្នា ពិភាក្សា ជួបជុំនៅតាមព្រំដែន ផ្លាស់ប្តូរព័ត៌មានតាមខ្សែទូរស័ព្ទទាន់ហេតុការណ៍ ផ្លាស់ប្តូរវប្បធម៌ និងកីឡា និងចូលរួមពិធីបុណ្យធំៗរបស់ប្រទេសទាំងពីរ។ សម្របសម្រួលយ៉ាងសកម្មក្នុងការបង្ការ ស្វែងរក និងជួយសង្គ្រោះពីគ្រោះមហន្តរាយធម្មជាតិ ដើម្បីកាត់បន្ថយការខូចខាតដែលអាចកើតមានចំពោះប្រជាជននៅសងខាងព្រំដែន នៅពេលដែលមានគ្រោះមហន្តរាយធម្មជាតិ និងគ្រោះថ្នាក់កើតឡើង។

គណៈប្រតិភូទាំងពីរថតរូបទុកជាអនុស្សាវរីយ៍

ទន្ទឹមនឹងនោះ បន្តពង្រឹងការសម្របសម្រួលការគ្រប់គ្រងព្រំដែន ជូនដំណឹង និងផ្លាស់ប្តូរព័ត៌មានជាបន្ទាន់ ដើម្បីបម្រើការគ្រប់គ្រងព្រំដែន សម្របសម្រួលការប្រយុទ្ធប្រឆាំងនឹងឧក្រិដ្ឋកម្មឆ្លងដែន និងការរំលោភច្បាប់ ... រួមគ្នាកសាងបន្ទាត់ព្រំដែន និងច្រកទ្វារព្រំដែនប្រកបដោយសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍន៍ ដើម្បីសុភមង្គលរបស់ប្រជាជននៃប្រទេសទាំងពីរ៕

បកប្រែដោយ Huyen Trang