ពង្រឹងកិច្ចសហប្រតិបត្តិការក្នុងការគ្រប់គ្រងព្រំដែនរវាងវៀតណាម និងចិន

គណៈប្រតិភូកងទ័ពការពារព្រំដែនខេត្ត Lai Chau (ប្រទេសវៀតណាម) ជូនផ្កា និងស្វាគមន៍គណៈប្រតិភូនៃប៉ុស្តិ៍ជួបជុំ ជួបពិភាក្សា នៃតំបន់ Jinping (ប្រទេសចិន)

ក្នុងស្មារតីមិត្តភាព និងភាពស្មោះត្រង់ ភាគីទាំងពីរបានពិនិត្យឡើងវិញនូវការងារគ្រប់គ្រង និងការសម្របសម្រួលកត្រួតពិនិត្យព្រំដែនចាប់តាំងពីដើមឆ្នាំ២០២៥ រហូតមកដល់ពេលនេះ ហើយពិភាក្សា និងឯកភាពលើទិសដៅនៃការគ្រប់គ្រងព្រំដែននាពេលខាងមុខ។

អាស្រ័យលើនេះ ភាគីទាំងពីរបានឯកភាពបន្តដោះស្រាយការងារទាក់ទងនឹងព្រំដែនស្របតាមឯកសារច្បាប់ទាំងបីស្តីពីព្រំដែនគោករវាងវៀតណាមនិងចិន និង​​ធ្វើបានល្អការងារឃោសនានិងអប់រំអំពីច្បាប់ព្រំដែនជូនប្រជាជននៅតាមព្រំដែន បង្កើនការយល់ដឹងអំពីការគោរពកិច្ចព្រមព្រៀងព្រំដែន បង្កើន​ការប្រយុទ្ធប្រឆាំងនឹងសកម្មភាពខុសច្បាប់នៅតំបន់ព្រំដែន ធានាសន្តិសុខសង្គម និងសណ្តាប់ធ្នាប់នៅតំបន់ព្រំដែន រក្សាស្ថានភាពដើមនៃខ្សែបន្ទាត់ព្រំដែន និងប្រព័ន្ធបង្គោលព្រំដែនជាតិ។

ទិដ្ឋភាពនៃកិច្ចពិភាក្សា

ប្រធានគណៈប្រតិភូទាំងពីរចុះហត្ថលេខាលើអនុស្សរណៈនៃការយោគយល់គ្នា

ទន្ទឹមនឹងនោះ បន្តបង្កើនការផ្លាស់ប្តូរ និងកិច្ចសហប្រតិបត្តិការ អនុវត្តយន្តការនៃកិច្ចពិភាក្សាជាប្រចាំ និងការយាមល្បាតទ្វេភាគីនៅតាមព្រំដែនប្រកបដោយប្រសិទ្ធភាព លើកកម្ពស់ការផ្លាស់ប្តូរវប្បធម៌ និងកីឡា រៀបចំសកម្មភាពជួបប្រាស្រ័យមិត្តភាពនៅពិធីបុណ្យធំៗ បន្ត​ពូនជ្រំ និងពង្រឹងទំនាក់ទំនងមិត្តភាពរវាងកងកម្លាំងការពារព្រំដែននៃភាគីទាំងពីរ ផ្លាស់ប្តូរព័ត៌មានតាមរយៈលិខិត និងខ្សែទូរស័ព្ទទាន់ហេតុការណ៍...

នៅចុងបញ្ចប់នៃកិច្ចពិភាក្សា ប្រធានគណៈប្រតិភូទាំងពីរបានចុះហត្ថលេខាលើអនុស្សរណៈនៃការយោគយល់គ្នា៕

បកប្រែដោយ Duy Hoan