លោកអគ្គលេខាបក្ស To Lam អុជធូបគោរពវិញ្ញាណក្ខន្ធលោកប្រធានហូជីមិញនៅខេត្ត Nghe An
កប.អនឡាញ - នាព្រឹកថ្ងៃទី ២៩ ធ្នូ នៅស្រុក Nam Dan ខេត្ត Nghe An ភាគកណ្តាលវៀតណាម លោក To Lam អគ្គលេខាបក្សកុម្មុយនិស្តវៀតណាម និងគណៈប្រតិភូមជ្ឈិមបានអញ្ជើញមកដាក់ផ្កា អុជធូបគោរពវិញ្ញាណក្ខន្ធលោកប្រធានហូជីមិញនៅវិហារ Chung Son ជាទីស្ការៈបូជាជីដូនជីតាលោកប្រធានហូជីមិញ និងអញ្ជើញអុជធូបនៅមណ្ឌលកេរ្តិ៍ដំណែលជាតិពិសេស Kim Lien។
នៅមណ្ឌលកេរ្តិ៍ដំណែលជាតិពិសេស Kim Lien លោកអគ្គលេខាបក្ស To Lam និងគណៈប្រតិភូបានសម្តែងនូវការដឹងគុណ និងគោរពយ៉ាងជ្រាលជ្រៅចំពោះលោកប្រធានហូជីមិញ ដែលជាថ្នាក់ដឹកនាំដ៏ឆ្នើមរបស់បក្ស និងប្រជាជនវៀតណាម វីរៈបុរសរំដោះជាតិ។ លោកអគ្គលេខាបក្ស To Lam បានសង្កត់ធ្ងន់ថា ថ្នាក់ដឹកនាំគ្រប់ជំនាន់ និងប្រជាជនវៀតណាម បានប្តេជ្ញាចិត្តអនុវត្តតាមពាក្យទូន្មនារបស់លោកប្រធានហូជីមិញស្តីពីសាមគ្គីភាព ការឯកភាពជាតិ និងការលើកកំពស់រាល់ប្រភពធនធានទាំងអស់ដើម្បីនាំប្រទេសជាតិឆ្ពោះទៅរកការអភិវឌ្ឍ ក្រោកឈរស្មើរមុខស្មើរមាត់នឹងបណ្តាមហាអំណាចក្នុងពិភពលោក។
    |
 |
|
លោកអគ្គលេខាបក្ស To Lam និងគណៈប្រតិភូមជ្ឈិមទៅទស្សនាមណ្ឌលកេរ្តិ៍ដំណែលជាតិពិសេស Kim Lien (រូបថត៖ vnanet.vn) |
មុននោះ លោកអគ្គលេខាបក្ស To Lam និងគណៈប្រតិភូបានអញ្ជើញទៅវិហារ Chung Son - ជាទីសក្ការៈបូជាជីដូនជីតាលោកប្រធានហូជីមិញនៅឃុំ Kim Lien ស្រុក Nam Dan ខេត្ត Nghe An ដោយគោរពដាក់ផ្កា អុជធូបគោរពវិញ្ញាណក្ខន្ធលោកប្រធានហូជីមិញ និងមនុស្សជាទីស្រឡាញ់នៅក្នុងក្រុមគ្រួសារលោកប្រធានហូជីមិញ។
នាព្រឹកថ្ងៃដដែល លោកអគ្គលេខាបក្ស To Lam និងគណៈប្រតិភូបានទៅទស្សនាមណ្ឌលអនុស្សាវរីយ៍លោកអគ្គលេខាបក្ស Le Hong Phong នៅឃុំ Hung Thong ស្រុក Hung Nguyen ខេត្ត Nghe An៕
បកប្រែដោយ Huyen Trang