លោក Pham Minh Chinh នាយករដ្ឋមន្ត្រីវៀតណាម ទទួលជួប លេខាធិការក្រុមប្រឹក្សាសន្តិសុខសហព័ន្ធរុស្ស៊ី

លោក Pham Minh Chinh នាយករដ្ឋមន្ត្រីវៀតណាម ទទួលជួបលោកនាយឧត្តមសេនីយ៍ Sergei Shoigu លេខាធិការក្រុមប្រឹក្សាសន្តិសុខសហព័ន្ធរុស្ស៊ី  (រូបថត៖ vnanet.vn)

លោក Pham Minh Chinh នាយករដ្ឋមន្ត្រីវៀតណាម និងលោក Sergei Shoigu រដ្ឋមន្ត្រីលេខាធិការក្រុមប្រឹក្សាសន្តិសុខសហព័ន្ធរុស្ស៊ី បានពិនិត្យឡើងវិញ នូវចំណុចសំខាន់ៗនៃកិច្ចសហប្រតិបត្តិការទ្វេភាគីក្នុងរយៈពេលកន្លងមក និងទទួលស្គាល់សមិទ្ធផលក្នុងកិច្ចសហប្រតិបត្តិការសេដ្ឋកិច្ច និងពាណិជ្ជកម្ម ការវិនិយោគ កសិកម្ម ការអប់រំ និងបណ្តុះបណ្តាល ថាមពល និងប្រេង និងឧស្ម័ន ការផ្លាស់ប្តូរប្រជាជន ការផ្លាស់ប្តូរវប្បធម៌ កីឡា និងទេសចរណ៍... ភាគីទាំងពីរបានបញ្ជាក់ថា នៅតែមានឱកាសសម្រាប់ការអភិវឌ្ឍបន្ថែមទៀត និងបានសម្តែងការត្រៀមខ្លួនរួចជាស្រេចក្នុងការសិក្សា និងពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងរុស្ស៊ីក្នុងបរិបទបច្ចុប្បន្ន។

លោក Pham Minh Chinh នាយករដ្ឋមន្ត្រីវៀតណាម ទទួលជួបលោកនាយឧត្តមសេនីយ៍ Sergei Shoigu លេខាធិការក្រុមប្រឹក្សាសន្តិសុខសហព័ន្ធរុស្ស៊ី  (រូបថត៖ vnanet.vn)

លោក Pham Minh Chinh នាយករដ្ឋមន្ត្រីវៀតណាម បានថ្លែងអំណរគុណ និងស្នើភាគីសហព័ន្ធរុស្ស៊ី និងលោក Sergey Shoigu លេខាធិការក្រុមប្រឹក្សាសន្តិសុខនៃសហព័ន្ធរុស្ស៊ី ដែលបាន​បង្កើតលក្ខខណ្ឌអំណោយផលសម្រាប់សហគមន៍វៀតណាមកំពុងរស់នៅ និងធ្វើការប្រកបដោយស្ថិរភាពនៅក្នុងប្រទេសរុស្ស៊ី។ លោកក៏បានស្នើឲ្យភាគីទាំងពីរបន្តសិក្សាអំពីយន្តការសម្រួលនីតិវិធីសម្រាប់ពលរដ្ឋនៃប្រទេសទាំងពីរក្នុងការធ្វើដំណើរ ដើម្បីចូលរួមចំណែកក្នុងការលើកកម្ពស់កិច្ចសហប្រតិបត្តិការទ្វេភាគី

ក្នុងឱកាសនេះ តាមរយៈលេខាធិការក្រុមប្រឹក្សាសន្តិសុខនៃប្រទេសរុស្ស៊ី លោក Pham Minh Chinh នាយករដ្ឋមន្ត្រីវៀតណាម បានពាំនាំនូវការសួរសុខទុក្ខជូន លោក V.V. Putin ប្រធានាធិបតីរុស្ស៊ី លោក M.V. Mishustin នាយករដ្ឋមន្ត្រី និងថ្នាក់ដឹកនាំជាន់ខ្ពស់រុស្ស៊ីដទៃទៀត៕

បកប្រែដោយ Thanh Cong