នៅប្រភេទកីឡាទូកកាណូ  កីឡាការិនី Nguyen Thi Huong និង Diep Thi Huong  របស់វៀតណាមបានឈ្នះមេដាយមាសក្នុងវិញ្ញាសាចែវទូកកាណូចម្ងាយ ៥០០ ម៉ែត្រផ្នែកនារី ដោយប្រើពេលវេលា ២ នាទី ១៤.៥៦៥ វិនាទី។ បន្ទាប់មក ប្រភេទតេក្វាន់ដូក៏បានឈ្នះមេដាយមាសក្នុងវិញ្ញាសាសំដែងចម្រុះនារី ១ និងបុរស​១​ ដោយសម្រេចបានពិន្ទុ ៨.០៦០។

leftcenterrightdel
កីឡាករកងទ័ព Tran Hung Nguyen (ឈរកណ្តាល) និង Nguyen Quang Thuan (ឈរខាងស្តាំ) ទទួលមេដាយ

ក្នុងប្រភេទហែលទឹក អត្តពលិកកងទ័ព  Tran Hung Nguyen ក៏បានឈ្នះមេដាយមាសក្នុងវិញ្ញាសាហែលទឹកចម្រុះចម្ងាយ ២០០ ម៉ែត្រផ្នែកបុរស ដោយប្រើពេលវេលា ២ នាទី ២.១១ វិនាទី។

គិតត្រឹមម៉ោង ២១ យប់ថ្ងៃទី ១២ ខែតុលា គណៈប្រតិភូកីឡាវៀតណាមស្ថិតនៅលំដាប់ទី ៣ លើតារាងមេដាយ ដោយមានមេដាយមាស ៤ គ្រឿង  មេដាយប្រាក់ ៣ គ្រឿង និងមេដាយសំរិទ្ធ ១៣ គ្រឿង។ ប្រទេសម្ចាស់ផ្ទះថៃស្ថិតនៅលំដាប់ទី ១ ដោយមានមេដាយមាស ១៨ គ្រឿង មេដាយប្រាក់ ១២ គ្រឿង និងមេដាយសំរិទ្ធ ៩ គ្រឿង៕

បកប្រែដោយ Pham Diep