ពិធីបើកការដ្ឋានសាងសង់កីឡដ្ឋានចំនួន ៦០,០០០ កៅអីនៅខេត្ត Hung Yen

កីឡដ្ឋានដែលមានទីតាំងស្ថិតក្នុងមជ្ឈមណ្ឌលហ្វឹកហ្វឺនបាល់ទាត់យុវជន PVF ក្នុងឃុំ Nghia Tru ខេត្ត Hung Yen ដែលក្រសួងនគរបាលជាម្ចាស់វិនិយោគ និងក្រុមហ៊ុនភាគហ៊ុន Vinhomes នៃសាជីវកម្ម Vingroup ជាអ្នកម៉ៅការ  ស្ថិតនៅលើផ្ទៃដីជាង ៥៥,០០០ ម៉ែត្រការ៉េ។ បន្ទាប់ពីគម្រោងនេះត្រូវបានបង្ហើយ ទីតាំងនេះមិនត្រឹមតែជាកន្លែងសម្រាប់រៀបចំបណ្តាព្រឹត្តិការណ៍វប្បធម៌ និងកីឡារបស់កងកម្លាំងនគរបាលប្រជាជនប៉ុណ្ណោះទេ ថែមទាំងជាមជ្ឈមណ្ឌលតភ្ជាប់កីឡា វប្បធម៌ និងទេសចរណ៍របស់ប្រទេសជាតិ និងក្នុងតំបន់ទៀតផង។

លោក To Lam អគ្គលេខាបក្ស និងប្រតិភូធ្វើពិធីបើកការដ្ឋាន (រូបថត៖ baochinhphu.vn)

កីឡដ្ឋាននេះត្រូវបានរចនាឡើងលើសពីស្ដង់ដារអន្តរជាតិសម្រាប់ព្រឹត្តិការណ៍កីឡាធំៗដូចជា៖ កីឡាអាស៊ី (Asiad) កីឡាអូឡាំពិក ពានរង្វាន់ប្រកួតបាល់ទាត់ពិភពលោក។

ចំណុចលេចធ្លោនៃពហុកីឡដ្ឋាន PVF គឺការរចនាដំបូលយក្សដែលអាចបើក និងបិទបានទាំងស្រុងក្នុងរយៈពេលត្រឹមតែ ១២ ទៅ ២០ នាទី ដែលជាបច្ចេកវិទ្យាបានអនុវត្តជាលើកដំបូងនៅក្នុងប្រទេសវៀតណាម។ ពហុកីឡាដ្ឋានបើកនិងបិទដោយស្វ័យប្រវត្តទំនើប ត្រូវបានយោងពីគំរូ និងបច្ចេកវិទ្យានៃកីឡដ្ឋាន AT&T (សហរដ្ឋអាមេរិក) ដែលជាកីឡដ្ឋានដែលមានដំបូលបើកនិងបិទដ៏ធំបំផុតនៅលើពិភពលោកនាពេលបច្ចុប្បន្ននេះ៕

បកប្រែដោយ Huyen Trang