នាវាកងទ័ពជើងទឹកចិន មកទស្សនកិច្ចនៅទីក្រុង Da Nang

ពិធីស្វាគមន៍នាវាកងទ័ពជើងទឹកនៃកងទ័ពរំដោះប្រជាជនចិននៅកំពង់ផែ Tien Sa

តំណាងអាជ្ញាធរវៀតណាម និងចិនជាមួយមេបញ្ជាការនាវាកងទ័ពជើងទឹកនៃកងទ័ពរំដោះប្រជាជនចិន

អញ្ជើញចូលរួមពិធីស្វាគមន៍នាវាមានថ្នាក់ដឹកនាំតំបន់លេខ៣កងទ័ពជើងទឹក និងតំណាងអាជ្ញាធរវៀតណាមមួយចំនួន។ ខាងភាគីចិនក៏មានតំណាងអគ្គកុងស៊ុលចិនប្រចាំនៅទីក្រុង Da Nang អនុព័ន្ធយោធាចិនប្រចាំនៅវៀតណាម និងមន្ត្រីស្ថានទូតចិនប្រចាំនៅទីក្រុងហាណូយជាច្រើនរូបផងដែរ។

ក្នុងដំណើរទស្សនកិច្ចនេះ គណៈប្រតិភូនឹងចូលជួបសម្តែងការគួរសមជាមួយថ្នាក់ដឹកនាំតំបន់លេខ៣កងទ័ពជើងទឹក។ ភាគីទាំងពីរបានរៀបចំសកម្មភាពពិភាក្សា ផ្លាស់ប្តូរ និងផ្លាស់ប្តូរកីឡាមួយចំនួនរវាងនាយទាហាន និងនាវិកនៃនាវាជាមួយនាយទាហាន និងយោធិននៃយោធភូមិភាគទី៣ និងទៅទស្សនាតំបន់រមណីដ្ឋាននានា។

នាវាពិឃាតលេខ១៧៣ (Chang Sha)

ដំណើរទស្សនកិច្ចនេះមានគោលបំណងពង្រឹងកិច្ចសហប្រតិបត្តិការ ការយល់ដឹង និងការជឿទុកចិត្តគ្នាទៅវិញទៅមករវាងកងទ័ពជើងទឹកទាំងពីរ រួមចំណែកធ្វើឱ្យកិច្ចសហប្រតិបត្តិការលើវិស័យការពារជាតិទ្វេភាគីវៀតណាម-ចិនកាន់តែស៊ីជម្រៅថែមទៀត។

បកប្រែដោយ Duy Hoan