លោកប្រធានរដ្ឋសភាបានជួបសំណេះសំណាលជាមួយគណៈប្រតិភូអតីតយុទ្ធជន នៃកងវរសេនាធំលេខ២៧១

កងវរសេនាធំ លេខ២៧១ ត្រូវបានបង្កើតឡើងក្នុងខែសីហា ឆ្នាំ ១៩៧១ ជាកម្លាំងស្នូលនៃយោធភូមិភាគ Tri Thien ។ ក្នុងអំឡុងពេលប៉ុន្មានឆ្នាំនៃការប្រយុទ្ធគ្នាយ៉ាងខ្លាំងក្លានៅសមរភូមិ Tri Thien កម្មាភិបាល យុទ្ធជន នៃកងវរសេនាធំលេខ ២៧១ បានបង្កើតយុទ្ធជ័យជាច្រើន។ ក្រោយសង្គ្រាម កងវរសេនាធំបានចូលរួមជំនះផលវិបាកនៃសង្រ្គាម ស្ដារ និងកសាងទីក្រុង Hue និងមូលដ្ឋាននានាក្នុងយោធភូមិភាគទី៤ ឡើងវិញ និងបំពេញកាតព្វកិច្ចអន្តរជាតិនៅប្រទេសជាមិត្តឡាវ។

លោកប្រធាន​រដ្ឋសភា Tran Thanh Man

ក្នុងជំនួបនេះ លោកប្រធានរដ្ឋសភាបានសម្តែងនូវក្តីរំភើបចិត្តយ៉ាងខ្លាំងដែលបានជួបសំណេះសំណាលជាមួយអតីតយុទ្ធជន និងអ្នកមានគុណបំណាច់ នៃកងវរសេនាធំលេខ ២៧១ ក្នុងឱកាសដ៏មានអត្ថន័យ នៅពេលដែលទូទាំងប្រទេសទើបតែប្រារព្ធខួបលើកទី ៨០ នៃការបង្កើតកងទ័ពប្រជាជនវៀតណាម ខួប៣៥ ឆ្នាំនៃទិវាការពារជាតិដោយប្រជាជនទាំងមូល និងត្រៀមស្វាគមន៍ឆ្នាំថ្មីសកល ២០២៥។ រំលឹកឡើងវិញប្រវត្តិតស៊ូប្រយុទ្ធ និងជ័យជំនះរបស់កងវរសេនាធំលេខ ២៧១ លោកប្រធានរដ្ឋសភាបានសង្កត់ធ្ងន់លើមោទនភាពអំពីប្រពៃណីវីរភាព ក៏ដូចជាការតស៊ូ លះបង់ ពលីកម្ម របស់កងវរសេនាធំលេខ ២៧១ យោធភូមិភាគ Tri Thien ក្នុងការតស៊ូរំដោះប្រទេសជាតិ។ លោកប្រធានរដ្ឋសភាបានថ្លែងថា “ជាមួយនឹងប្រវត្តិនៃការប្រយុទ្ធដោយវីរភាព និងជ័យជំនះដ៏រុងរឿង កងវរសេនាធំលេខ ២៧១ បានមានការរួមចំណែកដ៏មានអត្ថន័យក្នុងប្រវត្តិសាស្ត្រដ៏រុងរឿង និងវីរភាពរបស់ប្រជាជន ប្រទេសជាតិ និងកងទ័ពរបស់យើង”។

លោកប្រធានរដ្ឋ Tran Thanh Man និងប្រតិភូទាំង​ឡាយ

លោកប្រធានរដ្ឋសភាបានជម្រាបជូនអតីតយុទ្ធជន និងអ្នកមានគុណូបការៈ នៃកងវរសេនាធំលេខ២៧១ អំពីលទ្ធផលលេចធ្លោមួយចំនួនក្នុងការអភិវឌ្ឍន៍សេដ្ឋកិច្ច-សង្គមរបស់ប្រទេសក្នុងឆ្នាំ២០២៤។ ទោះបីជាមានការលំបាក និងបញ្ហាប្រឈមជាច្រើនក៏ដោយ បន្ទាប់ពីរយៈពេលជាង១០ឆ្នាំមកនេះ ជាលើកដំបូងហើយដែលយើងសម្រេចបាន និងលើសពីគោលដៅសេដ្ឋកិច្ចសង្គមសំខាន់ៗ ១៥/១៥ ។ លោកប្រធានរដ្ឋសភាបានបញ្ជាក់យ៉ាងច្បាស់ថា បក្ស រដ្ឋ តែងតែយកចិត្តទុកដាក់ មានគោលនយោបាយជាច្រើន និងផ្តល់ធនធានជាច្រើន ដើម្បីថែរក្សាការអនុវត្តគោលនយោបាយសន្តិសុខសង្គម។ លោកប្រធានរដ្ឋសភាក៏បានសង្កត់ធ្ងន់លើការងារសំខាន់ៗមួយចំនួនរបស់ប្រទេសដែលកំពុងត្រូវបានអនុវត្តជាបន្ទាន់ និងយ៉ាងខ្លាំងក្លា ដូចជា៖ ការបង្រួមរចនាសម្ព័ន្ធក្បាលម៉ាស៊ីននៃប្រព័ន្ធនយោបាយទាំងមូល។ រៀបចំអង្គភាពរដ្ឋបាលនៅថ្នាក់ស្រុក និងឃុំ; ផ្តោតលើការអនុវត្តយុទ្ធសាស្ត្រក្នុងហេដ្ឋារចនាសម្ព័ន្ធ; ការអភិវឌ្ឍផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ ការធ្វើបរិវត្តកម្មឌីជីថលជាតិ ការអប់រំ ការបណ្តុះបណ្តាល ការកែលម្អគុណភាពនៃធនធានមនុស្ស។ ថែរក្សាជីវភាពរស់នៅខាងសម្ភារៈ និងស្មារតីរបស់ប្រជាជន...

ឆ្នាំ ២០២៥ គឺជាឆ្នាំនៃការពន្លឿន និងរបកគំហើញ សម្រាប់ប្រទេស ដើម្បីឈានចូលយុគសម័យថ្មី - យុគសម័យស្ទុះឈានទៅមុខរបស់ប្រជាជនវៀតណាម។ លោកប្រធានរដ្ឋសភាបានជូនពរអតីតយុទ្ធជន និងអ្នកមានគុណូបការៈនៃកងវរសេនាធំលេខ២៧១ នៃយោធភូមិភាគ Tri Thien បន្តលើកតម្កើងប្រពៃណីដ៏រុងរឿងរបស់កងទ័ពលោកអ៊ំហូ ធ្វើជាគំរូក្នុង ការបង្កបង្កើនផលធ្វើឲ្យគ្រួសារ ស្រុកកំណើតមានជីវភាពធូរធារ និងរួមចំណែក ដើម្បីកសាង និងអភិវឌ្ឍន៍ប្រទេសជាតិ...

បកប្រែដោយ Thanh Cong