លោក Luong Cuong ប្រធានរដ្ឋវៀតណាម ប្រគល់សេចក្តីសម្រេចចិត្តតែងតាំងជាឯកអគ្គរដ្ឋទូត

អញ្ជើញចូលរួមពិធីប្រគល់សេចក្តីសម្រេចិត្ត មាន លោក Bui Thanh Son ឧបនាយករដ្ឋមន្ត្រី រដ្ឋមន្ត្រីក្រសួងការបរទេស; លោក Le Khanh Hai ប្រធានខុទ្ទល័យប្រធានរដ្ឋ។

លោក Pham Thanh Ha អនុប្រធានខុទ្ទកាល័យប្រធានរដ្ឋ បានប្រកាសសេចក្តីសម្រេចតែងតាំងជាឯកអគ្គរដ្ឋទូត

នៅក្នុងពិធីនេះ លោក Pham Thanh Ha អនុប្រធានខុទ្ទកាល័យប្រធានរដ្ឋ បានប្រកាសសេចក្តីសម្រេចចិត្តរបស់ប្រធានរដ្ឋស្តីពីការតែងតាំងជាឯកអគ្គរដ្ឋទូតនៃសាធារណរដ្ឋសង្គមនិយមវៀតណាមឆ្នាំ ២០២៤។ បន្ទាប់ពីប្រកាសសេចក្តីសម្រេចចិត្ត លោក Luong Cuong ប្រធានរដ្ឋវៀតណាម បានប្រគល់សេចក្តីសម្រេចចិត្តតែងតាំងឯកអគ្គរដ្ឋទូតចំពោះ៖ លោកស្រី Nguyen Minh Hang អនុរដ្ឋមន្ត្រីក្រសួងការបរទេស; លោក Pham Thanh Binh អនុរដ្ឋមន្ត្រីក្រសួងការបរទេស; លោក Nguyen Thanh Hai ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសង្គមនិយមវៀតណាមប្រចាំនៅសាធារណរដ្ឋឥណ្ឌា; លោក Ngo Toan Thang នាយករង អនុប្រធានខុទ្ទកាល័យ ក្រសួងការបរទេស; លោក Nguyen Vu Tung សាស្ត្រាចារ្យជាន់ខ្ពស់ វិទ្យាស្ថានការទូត។

លោកប្រធានរដ្ឋ Luong Cuong ជាមួយប្រតិភូ និងបណ្តាឯកអគ្គរដ្ឋទូតថ្មី

ការតែងតាំងជាឯកអគ្គរដ្ឋទូត រួមជាមួយនឹងមុខតំណែងការទូតផ្សេងទៀត បានរួមចំណែកពង្រឹងគ្របខ័ណ្ឌជួរកម្មាភិបាលក្នុងវិស័យការទូតវៀតណាម ស្របតាមច្បាប់អន្តរជាតិ ទន្ទឹមនឹងនោះក៏បង្ហាញពីការទទួលស្គាល់របស់បក្ស និងរដ្ឋចំពោះការរួមវិភាគទានរបស់បណ្តាឯកអគ្គរដ្ឋទូត។

បកប្រែដោយ Duy Hoan