leftcenterrightdel
លោក Nguyen Van Quang លេខាគណៈកម្មាធិការបក្សទីក្រុង Da Nang បានអញ្ជើញទទួលជួបលោក Sandeep Arya ឯកអគ្គរដ្ឋទូតវិសាមញ្ញ និងពេញសមត្ថភាពឥណ្ឌាប្រចាំនៅវៀតណាម

នៅឯពិធី លោក Nguyen Van Quang លេខាគណៈកម្មាធិការបក្សទីក្រុង Da Nang បានជម្រាបជូនអំពីការអភិវឌ្ឍន៍សេដ្ឋកិច្ចសង្គមរបស់ទីក្រុងក្នុងឆ្នាំ ២០២៤ និងណែនាំពីសក្ដានុពល និងភាពខ្លាំងរបស់ទីក្រុង។ នៅឆ្នាំ ២០២៤ ទីក្រុង Da Nang នឹងសម្រេចបាននូវកំណើនសេដ្ឋកិច្ច ៧.៥១% បើធៀបនឹងឆ្នាំ ២០២៣ ដោយជាប់ចំណាត់ថ្នាក់ទី ២ ក្នុងចំណោមទីក្រុងទាំង ៥ ចំណុះមជ្ឈិម។

វិស័យជាច្រើនមានអត្រាកំណើនពីរខ្ទង់ដ៏គួរឱ្យចាប់អារម្មណ៍ ដូចជាទេសចរណ៍ សេវាកម្ម ការផលិត។ ក្នុងកំឡុងឆ្នាំនេះ ទីក្រុង Da Nang បានស្វាគមន៍ភ្ញៀវឥណ្ឌាចំនួន ២១៧០០០ នាក់ ជាពិសេសទីក្រុងនេះគឺជាគោលដៅរបស់ក្រុមភ្ញៀវទេសចរណ៍មករៀបចំព្រឹត្តិការណ៍ និងរៀបអាពាហ៍ពិពាហ៍ដែលចំណាយខ្ពស់ មកពីប្រទេសឥណ្ឌា។

ថ្លែងមតិក្នុងជំនួបនេះ លោក Sandeep Arya បានអបអរសាទរចំពោះសមិទ្ធិផលដែលទីក្រុង Da Nang សម្រេចបានក្នុងប៉ុន្មានឆ្នាំថ្មីៗនេះ។ លោកឯកអគ្គរដ្ឋទូតបានមានប្រសាសន៍ថា ភាគីទាំងពីរនៅមានកន្លែងទំនេរច្រើន។ នៅប្រទេសវៀតណាម ក្រុមហ៊ុនឥណ្ឌា HCLTech មានទីស្នាក់ការ នៅទីក្រុងហាណូយ និងទីក្រុងហូជីមិញ ដោយប្រើបុគ្គលិកដែលមានសមត្ថភាពខ្ពស់ជាង ១០០០ នាក់។

HCLTech គឺជាសហគ្រាសធំមួយក្នុងចំនោមសហគ្រាសធំៗចំនួនបួនរបស់ឥណ្ឌាក្នុងវិស័យព័ត៌មានវិទ្យា បច្ចុប្បន្ននេះ សហគ្រាសក៏មានបំណងពង្រីកទីផ្សាររបស់ខ្លួន ក្នុងនោះទីក្រុង Da Nang ជាគោលដៅសំខាន់។ អាស្រ័យហេតុនេះ លោកឯកអគ្គរដ្ឋទូតបានស្នើឱ្យថ្នាក់ដឹកនាំក្រុងយកចិត្តទុកដាក់ចំពោះធុរកិច្ច ដើម្បី ស្រាវជ្រាវ និងស្វែងយល់ពីបរិយាកាសវិនិយោគ និងឱកាសសម្រាប់កិច្ចសហប្រតិបត្តិការ និងការអភិវឌ្ឍន៍។

leftcenterrightdel
ពិធីមង្គលការដ៏ប្រណីតរបស់មហាសេដ្ឋីឥណ្ឌានៅរមណីយដ្ឋាន Sheraton Danang នៅដើមឆ្នាំ ២០២៤

សាកលវិទ្យាល័យមួយចំនួននៅក្នុងប្រទេសឥណ្ឌាក៏ចាប់អារម្មណ៍យ៉ាងខ្លាំងក្នុងការសហការជាមួយសាកលវិទ្យាល័យនានាក្នុងប្រទេសវៀតណាម រួមទាំងទីក្រុង Da Nang ផងដែរ ដើម្បីបង្កើនគុណភាពធនធានមនុស្សលើវិស័យបញ្ញាសិប្បនិមិត្ត គ្រឿងអេឡិចត្រូនិក បច្ចេកវិទ្យាខ្ពស់។

តាងនាមថ្នាក់ដឹកនាំទីក្រុង លោក Nguyen Van Quang បានអះអាងថា៖ ទីក្រុង Da Nang តែងតែបង្កើតលក្ខខណ្ឌល្អបំផុតសម្រាប់អាជីវកម្មបរទេស រួមទាំងធុរកិច្ចឥណ្ឌា ដើម្បីស្វែងយល់ និងសហការវិនិយោគនៅ Da Nang។ ទីក្រុង ផ្តល់អាទិភាពលើវិស័យបច្ចេកវិទ្យាខ្ពស់ បច្ចេកវិទ្យាព័ត៌មាន គ្រឿងអេឡិចត្រូនិក បញ្ញាសិប្បនិមិត្ត ... ដើម្បីរួមចំណែកធ្វើឱ្យទីក្រុង Da Nang ក្លាយជាតំបន់ត្រួសត្រាយផ្លូវនៃការច្នៃប្រឌិតក្នុងយុគសម័យថ្មីរបស់វៀតណាម។

បកប្រែដោយ Duy Hoan