សកម្មភាពរបស់ថ្នាក់ដឹកនាំក្រសួងការពារប្រទេសវៀតណាម អគ្គសេនាធិការដ្ឋាន និងអគ្គស្នងការដ្ឋាននយោបាយ

លោកឧត្តមសេនីយ៍ឯក Hoang Xuan Chien ប្រគល់អំណោយ​ជូន​បញ្ជាការដ្ឋានយោធាខេត្ត Lang Son

ថ្លែងនៅអង្គភាពពោលខាងលើ លោកឧត្តមសេនីយ៍ឯក Hoang Xuan Chien បានស្នើគណៈកម្មាធិការបក្ស និងមេបញ្ជាការអង្គភាពនានាជំរុញស្មារតីសាមគ្គីភាព ផ្តោតលើការដឹកនាំ សម្រេចភារកិច្ចប្រកបដោយជោគជ័យ ចាប់ពីខែដំបូងឆ្នាំ ២០២៥ ដែលមានគុណភាពខ្ពស់ជាងឆ្នាំមុន រួមចំណែករក្សាសន្តិសុខនយោបាយ សណ្តាប់ធ្នាប់ និងសុវត្ថិភាពសង្គមនៅតាមព្រំដែន កសាងព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍន៍។ ទន្ទឹមនឹងនោះ អង្គភាពត្រូវជំរុញការអនុវត្តឱ្យបានល្អនូវកំណែទម្រង់រដ្ឋបាល ការធ្វើបរិវត្តកម្មឌីជីថល បច្ចេកវិទ្យាព័ត៌មាន ច្រកព្រំដែនឆ្លាតវៃ ច្រកព្រំដែនឌីជីថល ទន្ទឹមនឹងនេះផ្តោតលើការថែទាំដល់កម្មាភិបាល យុទ្ធជន និងប្រជាពលរដ្ឋមូលដ្ឋានក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម។

លោកឧត្តមសេនីយ៍ឯក Phung Si Tan អញ្ជើញទៅសាកសួរសុខទុក្ខ និងជូនពរឆ្នាំថ្មីដល់សមាគមអតីតយុទ្ធជនមជ្ឈិមវៀតណាម

* នារសៀលថ្ងៃទី១៣ ខែមករា ក្រុមការងារនៃគណៈកម្មាធិការបក្សយោធាមជ្ឈិម ក្រសួងការពារប្រទេស ដឹកនាំដោយលោកឧត្តមសេនីយ៍ឯក Phung Si Tan អនុប្រធានអគ្គសេនាធិការនៃកងទ័ពប្រជាជនវៀតណាម បានអញ្ជើញទៅសាកសួរសុខទុក្ខ និងជូនពរឆ្នាំថ្មីដល់សមាគមអតីតយុទ្ធជនមជ្ឈិមវៀតណាម។

លោកឧត្តមសេនីយ៍ឯក Le Quang Minh ប្រគល់អំណោយជូន​បញ្ជាការដ្ឋានកងទ័ពការពារព្រំដែន ខេត្ត Ben Tre

* នាថ្ងៃដដែល ក្រុមការងារនៃគណៈកម្មាធិការបក្សយោធាមជ្ឈិមនិងក្រសួងការពារប្រទេស ដឹកនាំដោយលោកឧត្តមសេនីយ៍ឯក Le Quang Minh អនុប្រធានអគ្គស្នងការនយោបាយនៃកងទ័ពប្រជាជនវៀតណាម បានអញ្ជើញទៅសួរសុខទុក្ខ និងត្រួតពិនិត្យការងារត្រៀមប្រយុទ្ធ និងជូនពរឆ្នាំថ្មីនៅតាមអង្គភាពនានារួមមាន៖ បញ្ជាការដ្ឋានយោធាខេត្ត An Giang បញ្ជាការដ្ឋានកងទ័ពការពារព្រំដែន និងបញ្ជាករដ្ឋានយោធាខេត្ត Ben Tre ។ លោកឧត្តមសេនីយ៍ឯក Le Quang Minh ជូនពរឆ្នាំថ្មីលោកនាយឧត្តមសេនីយ៍ Le Van Dung អតីតលេខាមជ្ឈិមបក្ស អតីតសមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម អតីតប្រធានអគ្គស្នងការនយោបាយនៃកងទ័ពប្រជាជនវៀតណាម និងលោកឧត្តមសេនីយ៍ឯក Bui Van Huan អតីតសមាជិកគណៈកម្មាធិការមជ្ឈិមបក្ស អតីតអនុប្រធានស្នងការនយោបាយនៃកងទ័ពប្រជាជនវៀតណាម។

បកប្រែដោយ Duy Hoan