មន្ទីរពេទ្យយោធលេខ ១៧៥ ជួបសំណេះសំណាលជាមួយអតីតថ្នាក់ដឹកនាំជាន់ខ្ពស់នៃកងទ័ពប្រជាជនវៀតណាម

អញ្ជើញចូលរួមមានលោកឧត្តមសេនីយ៍ទោ Pham Truong Son អនុប្រធានអគ្គសេនាធិការនៃកងទ័ពប្រជាជនវៀតណាម; លោកឧត្តមសេនីយ៍ទោ Tran Hoai Trung ប្រធាននយោបាយនៃបញ្ជាការដ្ឋានយោធភូមិភាគទី៧។ អញ្ជើញចូលរួមក៏មានលោកឧត្តមសេនីយ៍ឯក Tran Don អតីតសមាជិកអចិន្ត្រៃយ៍នៃគណៈកម្មាធិការបក្សយោធាមជ្ឈិម និងលោកឧត្តមសេនីយ៍ឯក Le Chiem ។

ប្រតិភូទាំងឡាយចូលរួមជំនួប

ក្នុងរយៈពេលកន្លងមក មន្ទីរពេទ្យយោធលេខ ១៧៥ បានលើកកម្ពស់ទំនួលខុសត្រូវ និងជំនាញរបស់ខ្លួន ដើម្បីថែទាំ និងការពារសុខភាពរបស់កម្មាភិបាលជាន់ខ្ពស់របស់បក្ស រដ្ឋ និងកងទ័ព។

លោកឧត្តមសេនីយ៍ទោ Pham Truong Son និងថ្នាក់ដឹកនាំ​មន្ទីរពេទ្យ​យោធលេខ ១៧៥ ជូនផ្កាដល់អតីតថ្នាក់ដឹកនាំក្រសួងការពារប្រទេស

គណៈនាយក​មន្ទីរពេទ្យ​យោធលេខ ១៧៥ ជូន​​ផ្កា​ដល់​អតីតថ្នាក់ដឹកនាំ​អគ្គ​សេនាធិការដ្ឋាននៃកងទ័ពប្រជាជនវៀតណាម

ក្នុងជំនួបនេះ ប្រតិភូទាំងឡាយបានសម្តែងនូវសេចក្តីរីករាយចំពោះការអភិវឌ្ឍន៍ដ៏រឹងមាំរបស់មន្ទីរពេទ្យ ជាពិសេសគឺជំហានអភិវឌ្ឍន៍ថ្មីៗជាច្រើនក្នុងជំនាញ ការធ្វើម្ចាស់បច្ចេកទេសទំនើប និងលទ្ធផលក្នុងការសង្គ្រោះអ្នកជំងឺ ព្យាបាល និងវិនិយោគហេដ្ឋារចនាសម្ព័ន្ធកាន់តែធំទូលាយ និងទំនើប។

ប្រតិភូទាំងឡាយបានសម្តែងនូវក្តីរំភើបនៅពេលដែលមន្ទីរពេទ្យយោធាលេខ ១៧៥ ត្រូវបានរដ្ឋាភិបាលជ្រើសរើសជាមន្ទីរពេទ្យមួយក្នុងចំណោមមន្ទីរពេទ្យចំនួន​៦ ទូទាំងប្រទេស បានផ្តល់អាទិភាពសម្រាប់ការវិនិយោគតាមស្តង់ដារអន្តរជាតិ ដែលជាមូលដ្ឋានគ្រឹះសម្រាប់មន្ទីរពេទ្យអភិវឌ្ឍន៍ និងបញ្ជាក់ពីកិត្យានុភាព ហើយជា អង្គភាពគួរឲ្យទុកចិត្តក្នុងការថែទាំសុខភាពសម្រាប់កងទ័ព និងប្រជាជន៕

បកប្រែដោយ Thanh Cong