នគរបាលខេត្ត Bolykhamxay (ឡាវ) ជូនពរឆ្នាំថ្មីដល់បញ្ជាការដ្ឋានកងទ័ពការពារព្រំដែនខេត្ត Nghe An

លោកវរសេនីយ៍ឯក Nguyen Cong Luc មេបញ្ជាការបញ្ជាការដ្ឋានកងទ័ពការពារព្រំដែនខេត្ត Nghe An អញ្ជើញជាអធិបតីក្នុងពិធីទទួលស្វាគមន៍គណៈប្រតិភូ។

ក្នុងបរិយាកាសដ៏កក់ក្តៅ មិត្ដភាពនិងស្និទ្ធស្នាល លោកវរសេនីយ៍ឯក Khenvone Lorvanxay និងលោកវរសេនីយ៍ឯក Nguyen Cong Luc បានជម្រាបជូន អំពីស្ថានភាព និងលទ្ធផលការងារដែលអង្គភាពទាំងពីរសម្រេចបាននាពេលកន្លងមក។ ទន្ទឹមនឹងនោះ សង្ឃឹមថា នាពេលខាងមុខ អង្គភាពទាំងពីរនឹងបន្តបង្កើនការសម្របសម្រួលក្នុងការថែរក្សាសន្តិសុខនយោបាយ សណ្តាប់ធ្នាប់ និងសុវត្ថិភាពសង្គមនៅតាមតំបន់ព្រំដែន និងការប្រយុទ្ធប្រឆាំង និងទប់ស្កាត់បទល្មើសគ្រប់ប្រភេទ។

លោកវរសេនីយ៍ឯក Khenvone Lorvanxay នាយករងនគរបាលខេត្ត Bolykhamxay (ឡាវ) ពិភាក្សាជាមួយលោកវរសេនីយ៍ឯក Nguyen Cong Luc មេបញ្ជាការបញ្ជាការដ្ឋានកងទ័ពការពារព្រំដែនខេត្ត Nghe An

ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ក្នុងនាមថ្នាក់ដឹកនាំ កម្មាភិបាលនិងយុទ្ធជននៃនគរបាលខេត្ត  Bolykhamxay លោកវរសេនីយ៍ឯក Khenvone Lorvanxay បានអបអរសាទរ ជូនអំណោយ និងជូនពរឆ្នាំថ្មីដល់បញ្ជាការដ្ឋានកងទ័ពការពារព្រំដែនខេត្ដ Nghe An ព្រមទាំងថ្លែងអំណរគុណចំពោះការយកចិត្តទុកដាក់ និងការជួយគាំទ្រពីកងទ័ពការពារព្រំដែនខេត្ដ Nghe An នាពេលកន្លងមក។

ទិដ្ឋភាពនៃជំនួប

តាងនាមកម្មាភិបាលនិងយុទ្ធជននៃបញ្ជាការដ្ឋានកងទ័ពការពារព្រំដែនខេត្ដ Nghe An លោកវរសេនីយ៍ឯក Nguyen Cong Luc បានថ្លែងអំណរគុណចំពោះមនោសញ្ចេតនាដ៏ល្អប្រពៃរបស់កម្មាភិបាល យុទ្ធជន និងថ្នាក់ដឹកនាំនគរបាលខេត្ត Bolykhamxay សម្រាប់កម្មាភិបាលនិងយុទ្ធជននៃបញ្ជាការដ្ឋានកងទ័ពការពារព្រំដែនខេត្ដ Nghe An ព្រមទាំងជូនពរឲ្យទំនាក់ទំនងសាមគ្គីភាពរវាងអង្គភាពទាំងពីរឲ្យកាន់តែរីកចម្រើន រួមចំណែកកសាងចំណងសាមគ្គីភាព និងទំនាក់ទំនងជិតស្និទ្ធរវាងវៀតណាម និងឡាវ៕

បកប្រែដោយ Thanh Cong