កងទ័ពការពារព្រំដែនវៀតណាមពិនិត្យ និងព្យាបាលជំងឺដោយឥតគិតថ្លៃដល់អ្នកឃុំ Pa Tan ស្រុក Sin Ho ខេត្ត Lai Chau

តាំងពីព្រឹកព្រលឹម មជ្ឈមណ្ឌលសុខភាពឃុំ Pa Tan បានទទួលស្វាគមន៍មនុស្សរាប់រយនាក់មកពិនិត្យ និងព្យាបាលជំងឺ។ ជនវ័យចាស់  ឬអ្នកជំងឺធ្ងន់ ទទួលបានការគាំទ្រ និងជំនួយពីកម្មាភិបាល និងយុទ្ធជននៃកងទ័ពការពារព្រំដែន និងកងកម្លាំងមានសមត្ថកិច្ច ព្រមទាំងសមាជិកសម្ព័ន្ធយុវជនស្រុក Sin Ho និងឃុំ Pa Tan ក្នុងការធ្វើដំណើរទៅដល់មជ្ឈមណ្ឌលសុខភាពនីមួយៗ។

គ្រូពេទ្យពិនិត្យជំងឺជូនប្រជាជន

លោក Sin Van Hoa អាយុ ៩០ ឆ្នាំ នៅឃុំ Pa Tan លេខ៣ ឃុំ Pa Tan បាននិយាយដោយក្តីរំភើបថា៖ "ជាច្រើនថ្ងៃហើយដែលខ្ញុំឈឺចាប់ និងអស់កម្លាំង។ កូនចង់បញ្ជូនខ្ញុំទៅមន្ទីរពេទ្យដើម្បីពិនិត្យសុខភាព ប៉ុន្តែចម្ងាយឆ្ងាយ ហើយគ្មានប្រាក់ ទើបមិនអាចទៅបាន។ បច្ចុប្បន្ននេះ គ្រូពេទ្យនៃកងទ័ពការពារព្រំដែនបានទៅពិនិត្យនិងផ្តល់ឱសថដល់ខ្ញុំ។ ខ្ញុំនិងក្រុមគ្រួសារខ្ញុំសូមអរគុណយ៉ាងជ្រាលជ្រៅចំពោះគ្រូពេទ្យនៃកងទ័ពការពារព្រំដែន"។

ក្នុងស្មារតីទំនួលខុសត្រូវ កម្មវិធីលើកនេះ គ្រូពេទ្យនៃកងទ័ពការពារព្រំដែន និងគ្រូពេទ្យក្នុងមូលដ្ឋាន បានពិនិត្យ និងព្យាបាលជំងឺសម្រាប់គ្រួសារទទួលរបបឧបត្ថម្ភគោលនយោបាយ និងប្រជាពលរដ្ឋក្រីក្រប្រមាណ ៥០០ គ្រួសារ។ នេះជាសកម្មភាពជាក់ស្តែងមួយក្នុងកម្មវិធី "និទាឃរដូវការពារព្រំដែន កក់កក្ដៅចិត្តជាមួយអ្នកភូមិ" ដែលរៀបចំដោយបញ្ជាការដ្ឋានកងទ័ពការពារព្រំដែននៅឃុំ Pa Tan ស្រុក Sin Ho។ ទន្ទឹមនឹងនោះ កម្មវិធីនេះក៏មានសកម្មភាពជាច្រើន ដូចជា ប្រគល់គោដល់គ្រួសារក្រីក្រ; សួរសុខទុក្ខ និងជូនពរឆ្នាំថ្មីដល់គណៈកម្មាធិការបក្ស អាជ្ញាធរ សាលារៀន កងកម្លាំងប្រដាប់អាវុធក្នុងមូលដ្ឋាន និងគ្រួសារយុទ្ធជនពិការ ការផ្លាស់ប្តូរវប្បធម៌ សិល្បៈ និងកីឡា កម្មវិធីផ្លាស់ប្តូរសិល្បៈ "និទាឃរដូវការពារព្រំដែន កក់ក្ដៅចិត្តជាមួយអ្នកភូមិ" នៅឆ្នាំ២០២៥។ល៕

បកប្រែដោយ Thuy Anh