លោកប្រធានរដ្ឋ Luong Cuong អញ្ជើញចូលរួមកម្មវិធី "និទាឃរដូវនាំមកភាពកក់ក្ដៅចិត្តអ្នកភូមិនៅតំបន់ព្រំដែន"

អញ្ជើញចូលរួមកម្មវិធីមាន៖ លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស រួមទាំងថ្នាក់ដឹកនាំស្ថាប័ន និងអង្គភាពនានាផងដែរ។ 

លោកប្រធានរដ្ឋ Luong Cuong និងលោកនាយឧត្តមសេនីយ៍ Phan Van Giang ចុះសួរសុខទុក្ខ និងលើកទឹកចិត្តបុគ្គលិក និងអ្នកជំងឺនៅមណ្ឌលសុខភាពឃុំ Pa Tan

លោកប្រធានរដ្ឋ Luong Cuong និងលោកនាយឧត្តមសេនីយ៍ Phan Van Giang ចូលរួមសកម្មភាពវប្បធម៌ និងកីឡានៅកម្មវិធី

កម្មវិធី "និទាឃរដូវនាំមកភាពកក់ក្ដៅចិត្ដអ្នកភូមិនៅតំបន់ព្រំដែន" ធ្វើឡើងក្នុងឱកាសបុណ្យចូលឆ្នាំថ្មីមកដល់ ដោយមានសកម្មភាពជាច្រើនដូចជា៖ ការផ្លាស់ប្តូរវប្បធម៌ ប្រកួតកីឡាប្រពៃណី; រៀបចំស្តង់ទំនិញ "ឥតគិតថ្លៃ" និងតាំងបង្ហាញផលិតផលរបស់មូលដ្ឋាន; សួរសុខទុក្ខ ជូនពរឆ្នាំថ្មី ជូនអំណោយដល់គណៈកម្មាធិការបក្ស អាជ្ញាធរ កងកម្លាំងប្រដាប់អាវុធនិងប្រជាជន។ ផ្តល់អាហារូបករណ៍ដល់សិស្សានុសិស្សនៅតំបន់ព្រំដែននៃស្រុក Sin Ho; ពិនិត្យសុខភាព ពិគ្រោះយោបល់សុខភាព ផ្តល់ថ្នាំពេទ្យដោយឥតគិតថ្លៃសម្រាប់មនុស្សប្រហែល ៥០០ នាក់ និងចែកអំណោយដល់គ្រួសារក្រីក្រ...

ថ្លែងមតិក្នុងកម្មវិធី លោកប្រធានរដ្ឋ  Luong Cuong បានសម្តែងការចាប់អារម្មណ៍ និងរំជួលចិត្តដោយដឹងថា ប៉ុស្ដិ៍ការពារព្រំដែនជាច្រើន និងគ្រួសារកម្មាភិបាលនិងយុទ្ធជនការពារព្រំដែនជាច្រើននៅជួបការលំបាក ប៉ុន្តែក្នុងស្មារតីមនោសញ្ចេតនា ទំនួលខុសត្រូវ ការដឹងគុណចំពោះជនរួមជាតិនៅតំបន់ព្រំដែន បានរៀបចំសកម្មភាពចលនា កម្មវិធីមនុស្សធម៌  ត្រៀមខ្លួនចែករំលែកអាហារ និងសំលៀកបំពាក់ជាមួយប្រជាជន បង្កើតការរីករាលដាលយ៉ាងសកម្មក្នុងសង្គមដូចជាកម្មវិធី "និទាឃរដូវនាំមកភាពកក់ក្ដៅចិត្ដអ្នកភូមិនៅតំបន់ព្រំដែន"។

លោកប្រធានរដ្ឋ Luong Cuong ចូលរួមវេចនំអន្សមជាមួយប្រជាជនឃុំ Pa Tan

លោកនាយឧត្តមសេនីយ៍ Phan Van Giang ចូលរួមវេចនំអន្សមជាមួយប្រជាជនឃុំ Pa Tan

លោកប្រធានរដ្ឋ បានអះអាងថា កម្មវិធីត្រូវបានរៀបចំឡើងដោយមានសកម្មភាពជាក់លាក់និងអត្ថន័យជាច្រើន ដោយមានការចូលរួម និងការរួមចំណែកពីស្ថាប័ន អង្គការ និងបុគ្គលជាច្រើនពីថ្នាក់មជ្ឈិមដល់មូលដ្ឋាន។ ពូជគោ អំណោយ អង្ករ នំអន្សម... ដែលកម្មវិធីផ្តល់ជូននឹងជួយគ្រួសារក្រីក្រនៅតាមព្រំដែន រួមជាមួយនឹងកងទ័ព និងប្រជាជនទូទាំងប្រទេសប្រារព្ធពិធីបុណ្យចូលឆ្នាំថ្មីប្រពៃណីជាតិយ៉ាងកក់ក្តៅ និងសុភមង្គល។

លោកប្រធានរដ្ឋ សង្ឃឹមថា កងទ័ពនិងប្រជាជនទូទាំងប្រទេស ជាពិសេសជនរួមជាតិ និងយុទ្ធជននៅតាមតំបន់ព្រំដែន និងកោះនឹងបន្តរួបរួមគ្នា និងអនុវត្តឱ្យបានជោគជ័យនូវរាល់ភារកិច្ចគ្រប់គ្រង និងការពារយ៉ាងម៉ឺងម៉ាត់នូវអធិបតេយ្យភាព បូរណភាពទឹកដី សន្តិសុខព្រំដែន។ កសាងតំបន់ព្រំដែនឱ្យសន្តិភាព ស្ថិរភាព មិត្តភាព កិច្ចសហប្រតិបត្តិការនិងអភិវឌ្ឍន៍។

ក្នុងឱកាសនេះ លោកប្រធានរដ្ឋ Luong Cuong បានប្រគល់ផ្ទះ “ភាពកក់ក្តៅនៅតំបន់ព្រំដែន” ចំនួន ២០០ ខ្នង ដែលមានតម្លៃ ១០ ពាន់លានដុង ដល់ប្រជាជននៅតំបន់ព្រំដែនខេត្ត Lai Chau និងប្រគល់អំណោយចំនួន ១១ កញ្ចប់ ជូនគ្រួសារគោលនយោបាយ។

ក្នុងឱកាសនេះ លោកនាយឧត្តមសេនីយ៍ Phan Van Giang ក៏បានប្រគល់ផ្ទះ “ភាពកក់ក្តៅនៅតំបន់ព្រំដែន” ចំនួន ២០០ ខ្នង ដែលមានតម្លៃ ១០ ពាន់លានដុង ជូនប្រជាជននៅតំបន់ព្រំដែនខេត្ត Lai Chau និងជូនអំណោយជាច្រើនរបស់ក្រសួងការពារប្រទេសជូនដល់គ្រួសារគោលនយោបាយ គ្រួសារក្រីក្ររបស់ស្រុក Sin Ho៕

បកប្រែដោយ Pham Diep