ទាញយកសក្តានុពលពីកិច្ចសហប្រតិបត្តិការរវាងវៀតណាម និងសិង្ហបុរីប្រកបដោយប្រសិទ្ធភាព

ក្នុងដំណើរទស្សនកិច្ចនេះ លោក Le Hoai Trung បានចូលជួបសម្តែងការគួរសមជាមួយ លោក Lee Hsien Loong អតីតនាយករដ្ឋមន្ត្រី ទេសរដ្ឋមន្ត្រី និងជាទីប្រឹក្សាជាន់ខ្ពស់របស់គណបក្សសកម្មភាពប្រជាជន (PAP) ព្រមទាំងជួបជាមួយថ្នាក់ដឹកនាំជាន់ខ្ពស់មួយចំនួននៃប្រទេសសិង្ហបុរី

លោក Le Hoai Trung បានចូលជួបសម្តែងការគួរសមជាមួយ លោក Lee Hsien Loong អតីតនាយករដ្ឋមន្ត្រី ទេសរដ្ឋមន្ត្រី និងជាទីប្រឹក្សាជាន់ខ្ពស់របស់គណបក្សសកម្មភាពប្រជាជន (PAP)

ក្នុងជំនួបជាមួយថ្នាក់ដឹកនាំជាន់ខ្ពស់នៃប្រទេសសិង្ហបុរី លោក Le Hoai Trung ប្រធានគណៈទាក់ទងការបរទេសមជ្ឈិមបក្ស បានសម្តែងការវាយតម្លៃខ្ពស់ចំពោះកិច្ចសហប្រតិបត្តិការវៀតណាម-សិង្ហបុរី ទំនាក់ទំនងរវាងបក្សកុម្មុយនិស្តវៀតណាម និងគណបក្ស PAP និងគម្រោងវិនិយោគធំៗ និងកម្មវិធីកិច្ចសហប្រតិបត្តិការបណ្តុះបណ្តាល ក៏ដូចជាការសម្របសម្រួលក្នុងកិច្ចការអន្តរជាតិ។ វៀតណាមជានិច្ចកាលវាយតម្លៃខ្ពស់ និងមានបំណងចង់បន្តជំរុញទំនាក់ទំនងដៃគូយុទ្ធសាស្ត្រវៀតណាម-សិង្ហបុរី។

ក្នុងជំនួប និងការពិភាក្សាទាំងនេះ លោក Le Hoai Trung និងថ្នាក់ដឹកនាំសិង្ហបុរីបានឯកភាពជំរុញការអនុវត្តកិច្ចព្រមព្រៀងកម្រិតខ្ពស់រវាងប្រទេសទាំងពីរ រួមទាំងលទ្ធផលនៃកិច្ចសន្ទនាតាមទូរស័ព្ទរវាងលោកអគ្គលេខាបក្ស To Lam និងលោកនាយករដ្ឋមន្ត្រីសិង្ហបុរី Lawrence Wong នាពេលថ្មីៗនេះ បង្កើនការផ្លាស់ប្តូរគណៈប្រតិភូជាន់ខ្ពស់គ្រប់លំដាប់ថ្នាក់ ជំរុញយន្តការសហប្រតិបត្តិការដែលមានស្រាប់ឱ្យកាន់តែមានប្រសិទ្ធភាព និងទាញយកសក្តានុពលសម្រាប់កិច្ចសហប្រតិបត្តិការរវាងប្រទេសទាំងពីរនាពេលខាងមុខ។

លោក Le Hoai Trung ថ្លែងមតិនៅកិច្ចសន្ទនា S.Rajaratnam

ថ្លែងមតិនៅកិច្ចសន្ទនា S.Rajaratnam លោក Le Hoai Trung បានពិភាក្សាអំពីសមិទ្ធិផលសំខាន់ៗរបស់វៀតណាមបន្ទាប់ពីជិត ៤០ ឆ្នាំនៃការផ្លាស់ប្តូរថ្មី គោលនយោបាយការបរទេសរបស់វៀតណាម និងគោលដៅអភិវឌ្ឍន៍រយៈពេលវែងក្នុងយុគសម័យថ្មីរបស់វៀតណាម យុគសម័យស្ទុះឈាមទៅមុន ដើម្បីភាពរីកចម្រើន ជឿនលឿន និងវិបុលភាពរបស់ប្រជាជនវៀតណាម៕

បកប្រែដោយ Duy Hoan