លោកនាយឧត្តមសេនីយ៍ Phan Van Giang ជួបជាមួយ លោក Chansamone Chanyalath ឧបនាយករដ្ឋមន្ត្រីឡាវ

លោកនាយឧត្តមសេនីយ៍ Phan Van Giang លោកនាយឧត្តមសេនីយ៍ Chansamone Chanyalath និងប្រតិភូវៀតណាម និងឡាវ

សម្តែងការសប្បាយរីករាយដែលបានជួបជាមួយលោកនាយឧត្តមសេនីយ៍ Chansamone Chanyalath  លោកនាយឧត្តមសេនីយ៍ Phan Van Giang បានអះអាងថា ទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងវៀតណាម និងឡាវ ត្រូវបានពង្រឹង និងអភិវឌ្ឍន៍យ៉ាងទូលំទូលាយលើគ្រប់វិស័យ។ ជាពិសេស កិច្ចសហប្រតិបត្តិការលើវិស័យការពារជាតិត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរវាយតំលៃថាបន្តជាសសរស្តម្ភដ៏សំខាន់មួយនៃទំនាក់ទំនងទ្វេភាគីរវាងវៀតណាម និងឡាវ។ គួរកត់សម្គាល់ថា ការជឿទុកចិត្តខាងនយោបាយជាយុទ្ធសាស្ត្រ ទំនាក់ទំនងសាមគ្គីភាព ភាពជិតស្និទ្ធ រវាងកងទ័ពទាំងពីរត្រូវបានពង្រឹងកាន់តែខ្លាំងឡើង។ ទម្រង់ យន្តការកិច្ចសហប្រតិបត្តិការ មានសម្បូរបែប និងរីករាលដាលយ៉ាងទំលំទូលាយ។ សន្តិសុខ និងសណ្តាប់ធ្នាប់នៅតំបន់ព្រំដែននៃប្រទេសទាំងពីរត្រូវបានធានា; កិច្ចសហប្រតិបត្តិការបណ្តុះបណ្តាលធនធានមនុស្សត្រូវបានយកចិត្តទុកដាក់ខ្លាំង ជាមួយនឹងការកើនឡើងទាំងគុណភាព និងបរិមាណ។ កិច្ចសហប្រតិបត្តិការក្នុងការកសាងសក្តានុពលការពារជាតិ និងឧស្សាហកម្មការពារជាតិកាន់តែមានប្រសិទ្ធភាព។

លោកនាយឧត្តមសេនីយ៍ Phan Van Giang សង្ឃឹមថា នាពេលខាងមុខ ភាគីទាំងពីរនឹងបន្តរក្សា និងរឹតបន្តឹងទំនាក់ទំនងមិត្តភាពពិសេសវៀតណាម-ឡាវ និយាយរួម និងកិច្ចសហប្រតិបត្តិការលើវិស័យការពារជាតិនិយាយដោយឡែក។

ទិដ្ឋភាពនៃជំនួប

លោកនាយឧត្តមសេនីយ៍ Phan Van Giang ជូនអំណោយដល់លោកនាយឧត្តមសេនីយ៍ Chansamone Chanyalath

ចំណែកខ្លួនវិញ លោកនាយឧត្តមសេនីយ៍ Chansamone Chanyalath បានថ្លែងអំណរគុណចំពោះការទទួលស្វាគមន៍របស់លោកនាយឧត្តមសេនីយ៍ Phan Van Giang ក្នុងដំណើរទស្សនកិច្ចការងារលើកនេះ។ ទន្ទឹមនឹងនោះ តាមរយៈលោកនាយឧត្តមសេនីយ៍ Phan Van Giang ពាំនាំនូវការផ្តាំផ្ញើសួរសុខទុក្ខរបស់ថ្នាក់ដឹកនាំបក្ស និងរដ្ឋឡាវ ជូនចំពោះថ្នាក់ដឹកនាំបក្ស និងរដ្ឋវៀតណាម ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ឆ្នាំ២០២៥។ លោកនាយឧត្តមសេនីយ៍ Chansamone Chanyalath ឲ្យដឹងថា  ក្នុងរយៈពេលថ្មីៗនេះ ភាគីទាំងពីរសម្រេចបានលទ្ធផលសំខាន់ៗជាច្រើនក្នុងកិច្ចសហប្រតិបត្តិការលើវិស័យការពារជាតិទ្វេភាគី។ ភាគីទាំងពីរបានសម្របសម្រួល និងគាំទ្រគ្នាទៅវិញទៅមកយ៉ាងជិតស្និទ្ធនៅវេទិកា យន្តការពហុភាគី និងព្រឹត្តិការណ៍អន្តរជាតិដែលភាគីនីមួយៗរៀបចំឡើង រួមចំណែកពង្រឹងទំនាក់ទំនងមិត្តភាព និងសាមគ្គីភាពពិសេសវៀតណាម-ឡាវ។

បកប្រែដោយ Duy Hoan