សកម្មភាពកីឡានិងវប្បធម៌ដ៏រំភើបក្នុងការហ្វឹកហ្វឺនកងទ័ពជើងគោកចម្រុះរវាងវៀតណាម-ចិន

កងទ័ពនៃប្រទេសទាំងពីរបានសហការរៀបចំសកម្មភាពកីឡាដ៏រំភើប និងរីករាយ ដូចជា៖ វាយកូនឃ្លីលើតុ លេងបាល់បោះ និងអុក។ ការប្រកួតមិនត្រឹមតែបង្ហាញពីស្មារតីកីឡាប៉ុណ្ណោះទេ ថែមទាំងជាឱកាសសម្រាប់កម្មាភិបាល និងយុទ្ធជននៃប្រទេសទាំងពីរផ្លាស់ប្តូរ សិក្សា និងបង្ហាញពីកិច្ចសហការយ៉ាងជិតស្និទ្ធ។ ការប្រកួតនីមួយៗបានទាក់ទាញអ្នកគាំទ្រយ៉ាងច្រើនកុះករដោយបង្កើតបរិយាកាសរីករាយ ពោរពេញទៅដោយមិត្តភាព។

ការប្រកួតកីឡាបាល់បោះមិត្តភាពក្នុងកម្មវិធីហ្វឹកហ្វឺន

ទន្ទឹមនឹងនោះ សកម្មភាពវប្បធម៌ក៏ត្រូវបានរៀបចំយ៉ាងសម្បូរបែប ដោយមានខ្លឹមសារដូចជា៖ ការហាត់សរសេរអក្សរផ្ចង់ ការផ្លាស់ប្តូរវប្បធម៌ តន្ត្រី... ជាពិសេស រាត្រីផ្លាស់ប្តូរសិល្បៈបានប្រព្រឹត្តទៅនាយប់ថ្ងៃទី ២៧ ខែកក្កដា ជាមួយនឹងការសម្តែងតន្ត្រី និងរបាំពិសេសដោយកម្មាភិបាល និងយុទ្ធជននៃប្រទេសទាំងពីរ បន្សល់ទុកនូវចំណាប់អារម្មណ៍ល្អ។

បញ្ជាការដ្ឋានកងទ័ពជើងគោកវៀតណាម - ចិនជាមួយសិល្បករ និងអ្នកចម្រៀងនៃកងទ័ពជើងគោកទាំងពីរ

តាមរយៈសកម្មភាពកីឡា និងវប្បធម៌ ទំនាក់ទំនងជិតស្និទ្ធរវាងកម្មាភិបាល និងយុទ្ធជនដែលចូលរួមក្នុងការហ្វឹកហ្វឺនកងទ័ពជើងគោកចម្រុះរវាងវៀតណាម-ចិន ឆ្នាំ២០២៥ ត្រូវបានពង្រឹង។ តាមរយៈនោះ រួមចំណែកកសាងទំនាក់ទំនងភាពជាអ្នកជិតខាងល្អ មិត្តភាព កិច្ចសហប្រតិបត្តិការដើម្បីការអភិវឌ្ឍរួម ដើម្បីសន្តិភាព និងស្ថិរភាពក្នុងតំបន់៕

បកប្រែដោយ Thuy Anh