leftcenterrightdel
លោកឧត្តមសេនីយ៍ឯក Vo Minh Luong អញ្ជើញទៅសួរសុខទុក្ខ លោកឧត្តមសេនីយ៍ឯក Phan Trung Kien
leftcenterrightdel
លោកឧត្តមសេនីយ៍ឯក Vo Minh Luong អញ្ជើញទៅសួរសុខទុក្ខលោកឧត្តមសេនីយ៍ឯក Tran Don

លោកឧត្តមសេនីយ៍ឯក Vo Minh Luong បាន​សួរសុខទុក្ខអតីតអនុរដ្ឋមន្ត្រីក្រសួងការពារប្រទេសទាំងពីរ​ និង​បានថ្លែងអំណរគុណចំពោះការរួមចំណែកដ៏ធំធេងរបស់អតីតអនុរដ្ឋមន្ត្រីក្រសួងការពារប្រទេសទាំងពីរ​ក្នុងបុព្វហេតុកសាង ការពារមាតុភូមិ និងកសាងកងទ័ព។ លោកឧត្តមសេនីយ៍ឯក Vo Minh Luong បានជម្រាបជូន​អំពីលទ្ធផលលេចធ្លោមួយចំនួនរបស់កងទ័ពទាំងមូលក្នុងរយៈពេល ៦ ខែដើមឆ្នាំ ២០២៥ និងភារកិច្ចសំខាន់ៗ ដែលគណៈកម្មាធិការបក្សយោធាមជ្ឈិម ក្រសួងការពារប្រទេស កំពុងយកចិត្តទុកដាក់អនុវត្ត។ ទន្ទឹមនឹងនោះ លោកសង្ឃឹមថា អតីតអនុរដ្ឋមន្ត្រីក្រសួងការពារប្រទេសទាំងពីរនឹងបន្តយកចិត្តទុកដាក់ តាមដាន និងរួមចំណែកនូវគំនិតដ៏មានតម្លៃ ដើម្បីកសាងកងទ័ពឱ្យកាន់តែខ្លាំងថែមទៀត។

នាថ្ងៃដដែល លោកឧត្តមសេនីយ៍ឯក Vo Minh Luong និងគណៈប្រតិភូ បានទៅសួរសុខទុក្ខក្រុមគ្រួសារ និងអុជធូបគោរពវិញ្ញាណក្ខន្ធអតីតអនុរដ្ឋមន្ត្រីក្រសួងការពារជាតិចំនួនពីរគឺ លោកឧត្តមសេនីយ៍ឯក Nguyen Thanh Cung និងលោកឧត្តមសេនីយ៍ឯក Nguyen Thoi Bung។

leftcenterrightdel
លោកឧត្តមសេនីយ៍ឯក Vo Minh Luong អុជធូបគោរពវិញ្ញាណក្ខន្ធលោកឧត្តមសេនីយ៍ឯក Nguyen Thanh Cung
leftcenterrightdel
លោកឧត្តមសេនីយ៍ឯក Vo Minh Luong អុជធូបគោរពវិញ្ញាណក្ខន្ធលោកឧត្តមសេនីយ៍ឯក Nguyen Thoi Bung

* នាថ្ងៃទី២៤ កក្កដា គណៈប្រតិភូ នៃគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាម នៃខេត្ត Bac Ninh ដឹកនាំដោយលោក Nguyen Van Gau សមាជិកគណៈកម្មាធិការមជ្ឈិមបក្ស និងជាលេខាគណៈកម្មាធិការបក្សខេត្ត បានអញ្ជើញអុជធូប និងដាក់កម្រងផ្កានៅស្តូប​វិញ្ញាណក្ខន្ធវីរៈយុទ្ធជនពលី និងរូបសំណាក់ Ngo Gia Tu។ នៅចំពោះមុខវិញ្ញាណក្ខន្ធវីរៈជនយុទ្ធជនពលី គណៈប្រតិភូបានសម្តែងការដឹងគុណយ៉ាងជ្រាលជ្រៅចំពោះការរួមវិភាគទាន និងការលះបង់ដ៏ធំធេងរបស់បុព្វបុរសនៃខេត្ត Bac Ninh ដែលបានពលីកម្ម លះបង់គ្រប់បែបយ៉ាង តស៊ូប្រយុទ្ធយ៉ាងអង់អាចក្លាហាន ដើម្បី​បុព្វហេតុរំដោះជាតិ និងការបង្រួបបង្រួមជាតិ។

* នាពេលថ្មីៗនេះ មន្ទីរពេទ្យយោធាលេខ ១០៨ បានចាត់បញ្ជូនគណៈប្រតិភូកម្មាភិបាល វេជ្ជបណ្ឌិតវ័យក្មេង ទៅសួរសុខទុក្ខ ផ្តល់អំណោយ ជូនចំពោះយុទ្ធជនពិការ នៅមជ្ឈមណ្ឌថែទាំយុទ្ធជនពិការ Thuan Thanh (ខេត្ត Bac Ninh) និងមជ្ឈមណ្ឌលថែទាំអ្នកមានគុណូបការៈចំពោះមាតុភូមិនៅខេត្ត Phu Tho។ ក្នុងឱកាសនេះ តំណាងថ្នាក់ដឹកនាំមន្ទីរពេទ្យបានសម្តែងការដឹងអំណរគុណយ៉ាងជ្រាលជ្រៅចំពោះយុទ្ធជនពិការ និងអ្នកមានគុណូបការៈចំពោះមាតុភូមិ ទន្ទឹមនឹងនោះ បានផ្តល់អំណោយ រួមចំណែកលើកទឹកចិត្តដល់យុទ្ធជនពិការ អ្នកមានគុណូបការៈចំពោះមាតុភូមិ៕

បកប្រែដោយ Duy Hoan