លោកឧត្តមសេនីយ៍ឯក Phung Si Tan អនុប្រធានអគ្គសេនាធិការ កងទ័ពប្រជាជនវៀតណាម អនុប្រធានក្រុមការងារអន្តរស្ថាប័ន អនុប្រធានគណៈកម្មការដឹកនាំនៃក្រសួងការពារប្រទេសស្តីពីការចូលរួមសកម្មភាពរក្សាសន្តិភាពអង្គការសហប្រជាជាតិ បានអញ្ជើញជាអធិបតីក្នុងពិធីនេះ។

leftcenterrightdel
លោកឧត្តមសេនីយ៍ឯក Phung Si Tan ប្រគល់ភារកិច្ចជូននាយទាហានទាំង៣រូប 

នាយទាហានទាំង ៣ រូបនៃក្រសួងការពារប្រទេស ដែលនឹងទៅបំពេញបេសកកម្មនៅ UNISFA លើកនេះ រួមមាន៖ លោកវរសេនីយ៍ទោ Hoang Quoc An កម្មាភិបាលវិទ្យាស្ថានស្រាវជ្រាវភស្តុភារ អគ្គនាយកដ្ឋានភស្តុភារ និងបច្ចេកទេស ជំនួសឱ្យលោកស្រីវរសេនីយ៍ទោ Nguyen Thi Thanh Loan កាន់មុខតំណែងជានាយទាហានសេនាធិការភស្តុភារ។ លោកវរសេនីយ៍ត្រី Ngo Quoc Cuong កម្មាភិបាលនៃនាយកដ្ឋានរក្សាសន្តិភាពវៀតណាម ជំនួសលោកវរសេនីយ៍ទោ Nguyen Duc Doanh កាន់តំណែងជានាយទាហានសេនាធិការការប្រយុទ្ធ។ លោកអនុសេនីយ៍ឯក Pham Phu Hai នាយទាហាននៃនាយកដ្ឋានរក្សាសន្តិភាពវៀតណាម ជំនួសលោកស្រីវរសេនីយ៍ឯកបំរុង Nguyen Thi Lien កាន់មុខតំណែងជានាយទាហានសម្របសម្រួលយោធា-ស៊ីវិល។ កម្មាភិបាលទាំងបីរូបបានឆ្លងកាត់ការត្រួតពិនិត្យ ការជ្រើសរើស ការបណ្តុះបណ្តាលយ៉ាងម៉ត់ចត់ ក៏ដូចជាការវាយតម្លៃ និងជ្រើសរើសយ៉ាងតឹងរឹងដោយអង្គការសហប្រជាជាតិ។

leftcenterrightdel
លោកឧត្តមសេនីយ៍ឯក Phung Si Tan មានប្រសាសន៍ក្នុងពិធី (រូបថត៖ VIET TRUNG)

ប្រគល់ភារកិច្ចជូននាយទាហានទាំងបីដែលត្រៀមចេញដំណើរទៅបំពេញទស្សនកិច្ច លោកឧត្តមសេនីយ៍ឯក Phung Si Tan បានស្នើឱ្យនាយទាហានទាំងឡាយត្រូវក្តាប់ និងអនុវត្តឱ្យម៉ឺងមាត់នូវទស្សនៈ និងគោលការណ៍ណែនាំ គោលនយោបាយការបរទេសរបស់បក្ស រដ្ឋ និងកងទ័ព។ គោរពយ៉ាងតឹងរឹងនូវវិន័យយោធា បទប្បញ្ញត្តិរបស់អង្គការសហប្រជាជាតិ ច្បាប់នៃប្រទេសសាមី ការណែនាំពីអាជ្ញាធរមានសមត្ថកិច្ច និងនាយកដ្ឋានរក្សាសន្តិភាពវៀតណាម ផ្សព្វផ្សាយប្រពៃណីរបស់កងទ័ពប្រជាជនវៀតណាមក្នុងអំឡុងពេលបំពេញបេសកកម្ម បំពេញការងារ​ក្នុងបរិយាកាសចម្រុះជាតិសាសន៍។ នាយទាហានទាំងឡាយត្រូវធានាសុវត្ថិភាពទាំងស្រុងទាំងមនុស្ស និងសម្ភារឧបករណ៍។

លោកឧត្តមសេនីយ៍ឯក Phung Si Tan បានស្នើថា នៅពេលទៅដល់កន្លែងធ្វើការ នាយទាហានទាំង ៣ រូប ត្រូវក្តាប់សភាពការណ៍មូលដ្ឋានឱ្យបានឆាប់រហ័ស ប្រកាន់ខ្ជាប់នូវការប្តេជ្ញាចិត្ត និងស្មារតីពុះពារជំនះការលំបាក ដើម្បីបំពេញបេសកកម្មប្រកបដោយជោគជ័យ។ អាស្រ័យហេតុនេះ បង្ហាញពីការប្តេជ្ញាចិត្ត និងឆន្ទៈរបស់កងទ័ពលោកអ៊ំហូ បន្តរួមចំណែកផ្សព្វផ្សាយរូបភាពដ៏ល្អប្រសើររបស់ប្រទេស និងប្រជាជនវៀតណាម កងទ័ពប្រជាជនវៀតណាមលើឆាកអន្តរជាតិ ទន្ទឹមនឹងនោះ រួមចំណែកការពារមាតុភូមិពីចម្ងាយដោយសន្តិវិធី៕

បកប្រែដោយ Duy Hoan