ជំរុញកិច្ចសហប្រតិបត្តិការយ៉ាងទូលំទូលាយរវាងកងទ័ពជើងវៀតណាម និងថៃ

ទទួលស្វាគមន៍ដំណើរទស្សនកិច្ចរបស់គណៈប្រតិភូមកកាន់វៀតណាម លោកឧត្តមសេនីយ៍ឯក Nguyen Van Hien បានចាត់ទុកថានេះជាសកម្មភាពជាក់ស្តែងដើម្បីអនុវត្តលទ្ធផលនៃដំណើរទស្សនកិច្ចជាផ្លូវការនៅវៀតណាមដែលបានធ្វើឡើងកាលពីខែកក្កដានេះរបស់មេបញ្ជាការកងកំលាំងការពារជាតិថៃ។

លោកឧត្តមសេនីយ៍ឯក Nguyen Van Hien និងលោកឧត្តមនាវីឯក Jirapol Wongwit ពិភាក្សាក្នុងជំនួប

លោកឧត្តមសេនីយ៍ឯក Nguyen Van Hien បានសង្កត់ធ្ងន់ថា ទំនាក់ទំនងកិច្ចសហប្រតិបត្តិការលើវិស័យការពារជាតិវៀតណាម - ថៃ មានការអភិវឌ្ឍជាវិជ្ជមាន ជឿជាក់ និងលេចធ្លោក្នុងវិស័យដូចជា៖ ការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសគណៈប្រតិភូជាន់ខ្ពស់ ការថែរក្សាប្រកបដោយប្រសិទ្ធភាពនៃយន្តការសន្ទនាគោលនយោបាយការពារជាតិ ការផ្លាស់ប្តូរនាយទាហានវ័យក្មេង កិច្ចសហប្រតិបត្តិការរវាងអង្គភាពទ័ព ការបណ្តុះបណ្តាល ការសម្របសម្រួល និងការគាំទ្រគ្នាទៅវិញទៅមកយ៉ាងជិតស្និទ្ធនៅវេទិកា យន្តការពហុភាគី និងយន្តការដែលដឹកនាំដោយអាស៊ាន។ លោកឧត្តមសេនីយ៍ឯក Nguyen Van Hien បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការរវាងកងទ័ពជើងទឹកទាំងពីរនាពេលថ្មីៗមានខ្លឹមសារដ៏សម្បូរបែប និងជាក់ស្តែងជាច្រើន។

ទិដ្ឋភាពនៃជំនួប

អំពីទិសដៅសហប្រតិបត្តិការនាពេលខាងមុខ លោកឧត្តមសេនីយ៍ឯក Nguyen Van Hien បានស្នើថា កងទ័ពជើងទឹកទាំងពីរបន្តសម្របសម្រួលយ៉ាងជិតស្និទ្ធ ដើម្បីអនុវត្តប្រកបដោយប្រសិទ្ធភាពនូវការយល់ដឹងរួមរបស់ថ្នាក់ដឹកនាំក្រសួងការពារជាតិនៃប្រទេសទាំងពីរក្នុងដំណើរទស្សនកិច្ចជាផ្លូវការនៅវៀតណាមរបស់មេបញ្ជាការកងទ័ពការពារជាតិថៃ និងកិច្ចសន្ទនាគោលនយោបាយការពារជាតិវៀតណាម - ថៃ លើកទី៦ (ខែមីនា ឆ្នាំ២០២៥) បង្កើនការយោគយល់គ្នាទៅវិញទៅមក ជាពិសេសការពិគ្រោះយោបល់កងទ័ពជើងទឹកទ្វាភាគី ការផ្លាស់ប្តូរគណៈប្រតិភូគ្រប់កម្រិត ការបណ្តុះបណ្តាល។ល។

លោកឧត្តមសេនីយ៍ឯក Nguyen Van Hien និងលោកឧត្តមនាវីឯក Jirapol Wongwit

លោកឧត្តមសេនីយ៍ឯក Nguyen Van Hien ប្រគល់វត្ថុអនុស្សាវរីយ៍ជូនលោកឧត្តមនាវីឯក Jirapol Wongwit

លោកឧត្តមសេនីយ៍ឯក Nguyen Van Hien បានអះអាងថា ក្រសួងការពារប្រទេសវៀតណាមគាំទ្រកិច្ចសហប្រតិបត្តិការយ៉ាងទូលំទូលាយរវាងកងទ័ពជើងទឹកទាំងពីរ និងសង្ឃឹមថា ភាគីទាំងពីរនឹងពង្រឹងថែមទៀតកិច្ចសហប្រតិបត្តិការប្រកបដោយប្រសិទ្ធភាព រួមចំណែកកសាង និងពង្រឹងខឿនការពារជាតិរបស់ប្រទេសនីមួយៗ ព្រមទាំងរួមចំណែកជាក់ស្តែងក្នុងទំនាក់ទំនងដៃគូយុទ្ធសាស្ត្រលើគ្រប់ជ្រុងជ្រោយវៀតណាម-ថៃ។

លោកឧត្តមសេនីយ៍ឯក Nguyen Van Hien និងលោកឧត្តមនាវីឯក Jirapol Wongwit ថតរូបអនុស្សាវរីយ៍ជាមួយគណៈប្រតិភូ

ដោយបានជូនដំណឹងអំពីលទ្ធផលនៃកិច្ចសហប្រតិបត្តិការរវាងកងទ័ពជើងទឹកទាំងពីរនាពេលថ្មីៗនេះ លោកឧត្តមនាវីឯក Jirapol Wongwit បានសង្កត់ធ្ងន់ថា ដំណើរទស្សនកិច្ចលើកនេះបង្ហាញពីចំណងសាមគ្គីភាពរវាងកងទ័ពជើងទឹកថៃ និងវៀតណាម។ នាពេលថ្មីៗនេះ កិច្ចសហប្រតិបត្តិការរវាងកងទ័ពជើងទឹកទាំងពីរទទួលបានលទ្ធផលវិជ្ជមានជាច្រើន ដោយផ្តោតលើការល្បាតរួមគ្នា ការផ្លាស់ប្តូរគណៈប្រតិភូ។ល។

លោកឧត្តមនាវីឯក Jirapol Wongwit បានសម្តែងក្តីសង្ឃឹមថា លោកឧត្តមសេនីយ៍ឯក Nguyen Van Hien នឹងបន្តយកចិត្តទុកដាក់ និងដឹកនាំទំនាក់ទំនងរវាងកងទ័ពជើងទឹកទាំងពីរឲ្យកាន់តែរឹងមាំថែមទៀត៕

បកប្រែដោយ Duy Hoan